లారీ ఢీకొని ఇద్దరికి తీవ్రగాయాలు

లారీ ఢీకొని ఇద్దరికి తీవ్రగాయాలు

గాయపడిన వారు తమిళనాడు వాసులు

నాగలాపురం: లారీ ఢీకొనడంతో మోటార్‌ సైక్లిస్టులు తీవ్రంగా గాయపడిన సంఘటన బుధవారం మండలంలోని అచ్చమనాయుడు కండ్రిగ వద్ద చోటుచేసుకుంది. పోలీసుల కథనం..చైన్నె నుంచి జిప్సం లారీ తిరుపతి మీదుగా తాడిపత్రికి వెళ్తోంది. అదే సమయంలో తమిళనాడులోని తిరువళ్లూరుకు చెందిన అరవింద్‌(28), నరసింహులు(26) సొంత పని నిమిత్తం తిరుపతి నుంచి తమ సొంతూరుకు ద్విచక్ర వాహనంలో వెళ్తుండగా అచ్చమనాయుడు కండ్రిగ తిరుపతి–చైన్నె జాతీయ రహదారిపై ఎదురుగా వస్తున్న లారీ వారిని ఢీకొంది. ఈ ప్రమాదంలో ఇద్దరూ తీవ్రంగా గాయపడ్డారు. సమాచారం అందుకున్న పోలీసులు సంఘటనా స్థలానికి చేరుకుని 108లో క్షతగాత్రులను ఆసుపత్రికి తరలించారు. కేసు నమోదు చేసి దర్యాప్తు చేస్తున్నరు.