పోలీసుల అదుపులో 16 మంది దళారీలు

పోలీసుల అదుపులో 16 మంది దళారీలు

శ్రీకాళహస్తి: శ్రీకాళహస్తీశ్వరాలయ అధికారుల నుంచి సమాచారం అందడంతో సోమవారం 16 మంది దళారీలను అదుపులోకి తీసుకున్నారు. అయితే ఇంకా కొంతమంది దళారీలు తప్పించుకుని తిరుగుతున్నట్టు సమాచారం. శ్రీకాళహస్తీశ్వరాలయానికి వచ్చే భక్తులను మోసం చేస్తే కఠిన చర్యలు తప్పవని డీఎస్పీ నరసింహమూర్తి హెచ్చరించారు. ఆలయ పరిసర ప్రాంతాల్లో భక్తులకు మాయమాటలు చెప్పి డబ్బులు వసూలు చేస్తున్నారని సమాచారం రావడంతో వారిని స్టేషన్‌కు పిలిపించారు. భవిష్యత్‌లో ఇలాంటి ఘటనలు పునరావృతమైతే చట్టపరమైన చర్యలు తీసుకుంటామని హెచ్చరించారు. సీఐ గోపి తదితరులు పాల్గొన్నారు.