నాలా అనుమతులివ్వండి

నాలా అనుమతులివ్వండి

● నవాబుపేట తహసీల్దార్‌కుసినీ నటుడు ఆలీ దరఖాస్తు

వికారాబాద్‌: నవాబుపేట మండలం ఎక్‌మామిడి గ్రామంలోని తన వ్యవసాయ భూమిని వ్యవసాయేత భూమిగా మార్చేందుకు నాలా అనుమతులు ఇవ్వాలని కోరుతూ సిటీ నటుడు ఆలీ దరఖాస్తు చేసుకున్నారు. సర్వే నంబర్‌ 340, 341, 343, 344లో ఆలీకి సుమారు 8 ఎకరాలకుపైగా వ్యవసాయ భూమి ఉంది. ఇందులో కొన్నేళ్ల క్రితం ఓ ఫామ్‌ హౌస్‌ నిర్మించుకున్నారు. ఇటీవల మూడెకరాల్లో రిసార్ట్స్‌, కన్వెన్షన్‌ హాల్‌ తదితర నిర్మాణాలు చేపడుతున్నారు. ఇందుకోసం ఎలాంటి అనుమతులు తీసుకోకపోవడంతో ఈనెల 5న పంచాయతీరాజ్‌ అధికారులు అతనికి నోటీసులు అందజేశారు. ఆలీ నుంచి ఎలాంటి స్పందన లేకపోవడంతో.. ఎక్‌మామిడి పంచాయతీ కార్యదర్శి శోభ గత 22న మళ్లీ నోటీసులు అందజేశారు. ఈ సారి స్పందించిన ఆయన సోమవారం తహసీల్దార్‌ కార్యాలయానికి వచ్చి 5.20 ఎకరాల భూమిని వ్యవసాయేతర భూమిగా మార్చాలని కోరుతూ తహసీల్దార్‌ జైరామ్‌కు దరఖాస్తు చేసుకున్నారు.