ఏసీబీకి చిక్కిన అవినీతి జలగ..!

ఖమ్మంలోని వీడీవోస్‌ కాలనీలోగల మహిళ, శిశు సంక్షేమ–అభివృద్ధి శాఖ కార్యాలయంలోనే ఒక పక్కన వికలాంగులు–వృద్ధుల సంక్షేమ శాఖ కార్యాలయం ఉంది. వికలాంగులకు రుణాలు మంజూరు చేసేందుకు ఇక్కడ ఒక జూనియర్‌ అసిస్టెంట్, మరొక ఔట్‌సోర్సిం గ్‌ ఉద్యోగి ఉన్నారు. ఆ జూనియర్‌ అసిస్టెంట్‌ పేరు రేగళ్ల వేణుగోపాల్‌. ఆయన నెలసరి వేతనం 40 – 50వేల రూపాయలు ఉంటుంది. పాపం.. అది చాల్లేదేమో..! లంచాలకు అలవాటుపడ్డాడు. రుణం మంజూరైన లబ్ధిదారులకు చెక్కులు ఇచ్చేందుకు లంచం డిమాండ్‌ చేస్తున్నాడు. ఏ ఆసరా లేకనే రుణం కోసం ఇక్కడిదాకా వచ్చిన ఆ వికలాంగులు.. లంచం ఎక్కడి నుంచి తీసుకొచ్చి ఇస్తారు..? ఆ జూనియర్‌ అసిస్టెంట్‌ లంచం అడుగుతున్న విషయాన్ని ఆ శాఖ అధికారుల దృష్టికి తెచ్చారు. ప్చ్‌.. వారు ఏమాత్రం పట్టించుకోలేదు.