TV
పవర్‌ఫుల్ పోలీస్ ఆఫీసర్
‘‘విశాల్ ‘పందెం కోడి’ చిత్రం నుంచి వైవిధ్యమైన కథలను ఎంచుకుంటూ వస్తున్నారు. ఆయన హీరోగా నటించిన తాజా చిత్రం
‘‘విశాల్ ‘పందెం కోడి’ చిత్రం నుంచి వైవిధ్యమైన కథలను ఎంచుకుంటూ వస్తున్నారు. ఆయన హీరోగా నటించిన తాజా చిత్రం ‘పాయుమ్ పులి’ కూడా సరికొత్త కథాంశంతో రూపొందింది. అందుకే ఈ చిత్రంతో నిర్మాతగా మారాను’’అని దర్శకుడు జి. నాగేశ్వరరెడ్డి చెప్పారు. మధురైలో జరిగిన యథార్థ సంఘటన ఆధారంగా సుశీంద్రన్ దర్శకత్వంలో తమిళంలో విశాల్, కాజల్ అగర్వాల్ జంటగా తెరకెక్కిన చిత్రం ‘పాయమ్ పులి. ఈ చిత్రాన్ని పంపిణీదారుడు ఎస్. నరసింహ ప్రసాద్‌తో కలిసి జి. నాగేశ్వరరెడ్డి ‘జయసూర్య’గా తెలుగు ప్రేక్షకులకు అందించనున్నారు.
సెప్టెంబరు 4న ఈ చిత్రం విడుదల కానుంది. ఈ చిత్రం లోగను రచయిత కోన వెంకట్, దర్శకుడు దశరథ్ ఆవిష్కరించారు. నిర్మాతలు మాట్లాడుతూ- ‘‘ఇది క్రైమ్ థ్రిల్లర్. విశాల్ ఇందులో పవర్‌పోలీస్ ఆఫీసర్ పాత్ర చేశారు. సుశీంద్రన్ ఆద్యంతం ఆసక్తికరంగా తెరకెక్కించారు. ఈ చిత్రం పాటలను ఈ నెల 21న విడుదల చేయనున్నాం’’ అని తెలిపారు. ఈ చిత్రానికి మాటలు: శశాంక్ వెన్నెలకంటి, సంగీతం: డి.ఇమాన్, ఛాయాగ్రహణం: వేల్‌రాజ్.
