TV
హెచ్‌సీయూ ప్రొఫెసర్‌కు అరుదైన గౌరవం
హైదరాబాద్: అమెరికాలోని ఎమోరి యూనివర్సిటీ నిర్వహించే పబ్లిక్ హెల్త్ లీడర్‌షిప్ కార్యక్రమానికి హెచ్‌సీయూ మెడికల్ సైన్స్ అసోసియేట్ ప్రొఫెసర్ బి.ఆర్ శామన్న ఎంపికయ్యారు. 2015-16 విద్యా సంవత్సరానికి గాను ప్రజారోగ్య రంగంలో నైపుణ్యాల పెంపుదల, దీర్ఘకాలిక వ్యాధులపై పరిశోధన నిర్వహించే నిమిత్తం అమెరికా పలువురు ప్రతినిధులను ప్రపంచ వ్యాప్తంగా ఎంపిక చేసింది.
ఈ కార్యక్రమంలో శామన్న భాగస్వామి కానున్నారు. జూన్‌లో మొదలయ్యే ఈ ప్రత్యేక పరిశోధన కార్యక్రమం 2016 ఏప్రిల్ వరకు కొనసాగనుంది. యూఎస్ నేషనల్ ఇనిస్టిట్యూట్ ఆఫ్ హెల్త్(ఎన్‌ఐహెచ్) దీనికి సహకారం అందిస్తుంది.
