ప్రముఖ హాలీవుడ్‌ పాప్‌ సింగర్‌ బ్రిట్నీస్పియర్స్‌ 42 ఏళ్ల వయసులో నాలుగో పెళ్లి చేసుకుంది. అయితే ఈసారి తనను తానే పెళ్లాడింది. ఈ విషయాన్ని సోషల్‌ మీడియా వేదికగా వెల్లడించింది. ఈ రోజు నాతో నాకే పెళ్లి జరిగింది. మీకిది తెలివి తక్కువ పనిలా అనిపించవచ్చు. కానీ నాకు మాత్రం ఇప్పటివరకు నేను చేసినవాటిలో ఇదొక గొప్ప విషయం అని భావిస్తున్నాను అని ఇన్‌స్టాగ్రామ్‌లో రాసుకొచ్చింది. స్వీయ వివాహం చేసుకున్న బ్రిట్నీస్పియర్‌ను చూసి నెటిజన్లు నోరెళ్లబెడుతున్నారు.మూడు పెళ్లిళ్లు పెటాకులుకాగా బ్రిట్నీస్పియర్స్‌ మొదటగా చిన్ననాటి స్నేహితుడు జాసన్‌ అలెగ్జాండర్‌ను పెళ్లాడింది. 2004లో వీరి వివాహం జరగ్గా కొద్ది రోజులకే విడిపోయారు. తర్వాత అదే ఏడాది డ్యాన్సర్‌, నటుడు కెవిన్‌ ఫెడెర్‌లైన్‌ను పెళ్లి చేసుకుంది. వీరికి ఇద్దరు కుమారులు సంతానం. అయితే ఈ దాంపత్యం కూడా సజావుగా సాగలేదు. దీంతో 2007లో విడిపోయారు. అనంతరం బ్రిట్నీ.. 2016లో నటుడు సామ్‌ అస్గారితో డేటింగ్‌ చేసింది. 2022లో వీరు పెళ్లి చేసుకోగా గతేడాది విడిపోయారు. ఈ మధ్యే విడాకులు సైతం మంజూరయ్యాయి.చదవండి: అప్పుడేమో సినిమాలతో బిజీ.. ఇప్పుడేమో పిల్లలుంటే బాగుండని ఫీలవుతున్న నటుడు

ప్రముఖ అమెరికన్‌ పాప్‌ స్టార్‌ బ్రిట్నీ స్పియర్స్‌ జీవితం వెండితెరపైకి రానుంది. తన జీవితం ఆధారంగా బ్రిట్నీ స్పియర్స్‌ ‘ది ఉమెన్‌ ఇన్‌ మీ’ (మెమొర్‌) అనే పుస్తకం రాశారు. ఇందులో బ్రిట్నీ ప్రేమ విశేషాలు, చేదు అనుభవాలు, కుటుంబ విశేషాలు.. ఇలా చాలా అంశాలు ఉన్నాయట. ఇరవైఆరు భాషల్లో రిలీజ్‌ అయిన ఈ పుస్తకానికి ప్రపంచవ్యాప్తంగా ఆదరణ దక్కింది. అంతేకాదు.. ఈ పుస్తకం ఆడియో వెర్షన్‌కు ప్రముఖ హాలీవుడ్‌ నటి మిచెల్‌ విలియమ్స్‌ వాయిస్‌ ఇచ్చారు. ఈ బుక్‌ హక్కులను యూనివర్సల్‌ పిక్చర్స్‌ దక్కించుకుంది. దీంతో బ్రిట్నీ బయోపిక్‌ ప్రస్తుతం హాలీవుడ్‌లో హాట్‌టాపిక్‌గా మారింది. దర్శకుడు జోన్‌ ఎమ్‌ చు ఈ బయోపిక్‌ను తెరకెక్కించనున్నారని, మార్క్‌ ప్లాట్‌ నిర్మించనున్నారని టాక్‌. ఇక ‘నా ఫేవరెట్‌ మూవీస్‌ తీసిన మార్క్‌ ప్లాట్‌తో ఓ సీక్రెట్‌ ్రపాజెక్ట్‌ చేస్తున్నానని నా ఫ్యాన్స్‌కు చెప్పడానికి హ్యాపీగా ఉంది’ అని ‘ఎక్స్‌’లో పేర్కొన్నారు బ్రిట్నీ.

ప్రముఖ హాలీవుడ్ పాప్‌ సింగర్‌ బ్రిట్నీ స్పియర్స్ విడాకులు తీసుకుంది. తన భర్త సామ్ అస్గారితో అధికారికంగా విడిపోయింది. పెళ్లయిన రెండేళ్ల తర్వాత ఈ జంట తమ బంధానికి ముగింపు పలికారు. వీరిద్దరి పిటిషన్లపై లాస్ ఏంజెల్స్ న్యాయమూర్తి తీర్పునిచ్చారు. గతేడాది జూలైలో విడిపోతున్నట్లు ప్రకటించిన ఈ జంట .. ఆగస్టులో విడాకుల కోసం దరఖాస్తు చేసుకున్నారు. తాజాగా వీరికో కోర్టు విడాకులు మంజూరు చేసింది. అయితే పెళ్లికి ముందే దాదాపు ఏడేళ్ల పాటు డేటింగ్‌లో ఉన్నారు.కాగా.. బ్రిట్నీ స్పియర్స్‌కి ఇది మూడో వివాహం కాగా.. ఆమె రెండో భర్త కెవిన్ ఫెడెర్‌లైన్‌తో ఇద్దరు కుమారులు సంతానం ఉన్నారు. వీరిద్దరు 2004 నుంచి 2007 వరకు కలిసి ఉన్నారు. ఆ తర్వాత విడిపోయారు. బ్రిట్నీ స్పియర్స్ మొదట చిన్ననాటి స్నేహితుడు జాసన్ అలెగ్జాండర్‌ను 2004లో వివాహం చేసుకుంది. ఆ తర్వాత కొద్ది రోజులకే విడిపోయింది. ఆ తర్వాత 2016లో నటుడు అస్గారితో డేటింగ్ చేయడం ప్రారంభించింది. 2021 సెప్టెంబర్‌లో ఈ జంట నిశ్చితార్థం చేసుకున్నారు. 2022లో స్నేహితుల సమక్షంలో ఒక్కటయ్యారు.

ఇటీవలే విశాల్ మార్క్ ఆంటోనీ చిత్రంతో ప్రేక్షకులను పలరించాడు. అక్టోబర్‌లో విడుదలైన ఈ చిత్రం మిక్స్‌డ్‌ టాక్‌ను సొంతం చేసుకుంది. ప్రస్తుతం ఈ కోలీవుడ్‌ స్టార్‌ హీరో రత్నం సినిమాలో నటిస్తున్నారు. ‘సింగం’ సిరీస్‌ ఫేమ్‌ హరి దర్శకత్వం వహిస్తున్నారు. ఈ చిత్రంలో ప్రియా భవానీ శంకర్‌ హీరోయిన్‌గా కనిపించనుంది. కార్తికేయన్‌ సంతానం జీ స్టూడియోస్‌ నిర్మిస్తున్న ఈ సినిమా టీజర్‌ను ఇప్పటికే మేకర్స్‌ విడుదల చేశారు. అయితే చెన్నైలో వరదలు రావడంతో బాధితులను ఆదుకోవాలంటూ ప్రభుత్వానికి విజ్ఞప్తి చేసిన సంగతి తెలిసిందే. రత్నం మూవీతో బిజీగా ఉన్న విశాల్.. తాజాగా చేసిన ట్వీట్ వైరల్‌గా మారింది. ప్రముఖ పాప్ సింగర్ బ్రిట్నీ స్పియర్ జీవిత కథను చదివినట్లు ట్వీట్‌లో పేర్కొన్నారు. బ్రిట్నీ స్పియర్స్ రాసిన పుస్తకం 'ఉమెన్ ఇన్ మీ' చదివాక నాలో మనిషిని నిద్రలేపిందని అన్నారు. ఇక నుంచి మహిళలను మరింత గౌరవించాలనుకుంటున్నట్లు తెలిపారు. ముఖ్యంగా ఆర్టిస్టుల మనోభావాలను అర్థం చేసుకోవడం తెలుసుకున్నానని అన్నారు. ఆమె యూత్ ఐకాన్ అయినప్పటికీ చాలా చిన్న వయస్సులో జీవిత ప్రయాణం.. ఎదుర్కొన్న ఇబ్బందులు నిజంగా స్ఫూర్తిదాయకంగా ఉన్నాయని తెలిపారు. ఆమె జీవితంలో సాధించిన విజయాలకు.. ముఖ్యంగా స్తీలకు నా హృదయపూర్వక వందనాలు తెలుపుతున్నానని అన్నారు. మీ జీవితంలో సరైన ఎంపిక, ధైర్యంతో.. మిమ్మల్ని మీరు ప్రపంచం సరళంగా అర్థం చేసుకునే విధంగా ఉండాలని విశాల్ రాసుకొచ్చారు. ఇది చూసిన అభిమానులు మహిళలకు మద్దతుగా కామెంట్స్ పెడుతున్నారు.  ఉమెన్ ఇన్ మీ పుస్తకం.. ది ఉమెన్ ఇన్ మీ అనే పుస్తకాన్ని అమెరికన్ సింగర్ బ్రిట్నీ స్పియర్స్ రాశారు. ఈ బుక్‌ అక్టోబర్ 24, 2023న  26 భాషల్లో విడుదలైంది. ఉమన్ ఇన్ మి విమర్శకుల ప్రశంసలు అందుకుంది. Well, the transformation from b/w to color is the mood in my mind by Reading #BritneySpears #TheWomanInMe brings out the Man in me. Honestly makes me wanna respect women more. Especially understanding the psyche of performing artistes. Truly inspiring to read her life journey and… pic.twitter.com/H88utzadzV — Vishal (@VishalKOfficial) December 22, 2023

పాప్‌ స్టార్‌ బ్రిట్నీ స్పియర్స్‌ లాస్‌ ఏంజిల్స్‌లోని విలాసవంతమైన బంగళాను ఏడాది కూడా కాకుండానే భారీ నష్టానికి అమ్మేసింది. ఈ ఇంటిని చూస్తే ఇంద్ర భవనం అంటే ఇలాగే ఉంటుందేమో అనిపిస్తుంది.   లాస్‌ ఏంజిల్స్‌ నగరంలోని కాలాబాసాస్ ఎన్‌క్లేవ్‌లో ఉన్న బ్రిట్నీ స్పియర్స్‌ నివాసం కొన్ని నెలల క్రితం 10.1 మిలియన్‌ డాలర్లకు చేతులు మారింది. ఏడాది క్రితం ఆమె దాన్ని 11.8 మిలియన్ డాలర్లకు కొనుక్కున్నారు.  2022 జూన్‌లో ఈ ఇంటిని కొనుగోలు చేసింది బ్రిట్నీ స్పియర్స్‌ భర్త సామ్ అస్గారితో కలిసి కొన్నాళ్లపాటు ఇక్కడే ఉండేది. అయితే ఇది అందరికీ తెలిసిపోయి తమ ఏకాంతానికి అనుకూలంగా లేకపోవడంతో వారు దీన్ని వదిలి వేరే ఇంటికి మారిపోయారు.   2008లో నిర్మించిన ఈ భవనంలో ఆరు బెడ్‌రూమ్‌లు, తొమ్మిది స్నానపు గదులు 11,600 చదరపు అడుగుల సింగిల్-లెవల్ లివింగ్ స్పేస్‌లో విస్తరించి ఉన్నాయి.  వంపు హాలులు, కాఫర్డ్ సీలింగ్‌లు, చెక్కతో చేసిన యాక్సెంట్‌లు ఇంటి అంతటా ఉన్నాయి. విలాసవంతమైన గౌర్మెట్ కిచెన్, లెదర్ రిక్లైనింగ్ సీట్లు కలిగిన హోమ్ థియేటర్, వాక్-ఇన్ సేఫ్, గేమ్ రూమ్, పెట్ వాష్ బేసిన్ వంటివి చూస్తే కళ్లు చెదరకతప్పదు. వీటితోపాటు వాటర్‌ ఫౌంటైన్లు, మొజాయిక్ టైల్డ్ పూల్, హాట్ టబ్, వాటర్‌ ఫాల్స్‌, బార్బెక్యూ పెవిలియన్, గెస్ట్ హౌస్ వంటివి కూడా ఉన్నాయి.

పాప్‌ సింగర్‌ బ్రిట్నీస్పియర్స్‌ మూడో పెళ్లి చేసుకుంది. రెండుసార్లు పెళ్లి చేసుకుని విడాకులు తీసుకున్న ఆమె తన ప్రియుడు సామ్‌ అస్ఘరిని సీక్రెట్‌గా పెళ్లాడింది. పెళ్లి చేసుకునే సమయానికి బ్రిట్నీ వయసు 40 ఏళ్లు కాగా సామ్‌ వయసు 28 ఏళ్లే కావడం గమనార్హం. అయితే వీరి వివాహాన్ని అడ్డుకునేందుకు సింగర్‌ మాజీ భర్త అలెగ్జాండర్‌ విఫలయత్నం చేసినట్లు తెలుస్తోంది. బ్రిట్నీ స్పియర్‌ ఎక్కడ? ఆమె నాకున్న ఒకే ఒక్క భార్య అంటూ గురువారం వీరి పెళ్లి వేదిక మీదకు తోసుకుంటూ రాగా పోలీసులు అతడిని అరెస్ట్‌ చేసినట్లు వెరైటీ మీడియా ఓ కథనంలో రాసుకొచ్చింది. కాగా 2004లో బ్రిట్నీస్పియర్స్‌ తన చిన్ననాటి స్నేహితుడు అలెగ్జాండర్‌ను పెళ్లి చేసుకుంది. కానీ 55 గంటలకే వీరు విడిపోయారు. ఆ తర్వాత కెవిన్‌ ఫెడర్‌లైన్‌ను పెళ్లాడగా వీరికి సీన్‌, జైడెన్‌ అని ఇద్దరు కుమారులు సంతానం. 2007లో కెవిన్‌కు విడాకులిచ్చేసింది బ్రిట్నీ. ఆ తర్వాత 2016లో స్లంబర్‌ పార్టీ అనే వీడియో సాంగ్‌లో తనతో పాటు కలిసి నటించిన సామ్‌ అస్ఘరితో ప్రేమలో పడింది. వీరిద్దరూ గతేడాది నిశ్చితార్థం చేసుకున్నారు. అంతేకాదు, ప్రియుడితో కలిసి త్వరలో బిడ్డకు జన్మనివ్వబోతున్నట్లు గుడ్‌న్యూస్‌ చెప్పిన సింగర్‌ అంతలోనే గర్భస్రావం అయిందని సోషల్‌ మీడియాలో పేర్కొంది.  చదవండి: ఆ ప్రశ్నకు నేనెప్పుడూ సిద్ధమే: కమల్‌ హాసన్‌ ‘అందరి మనసుల్లోని ప్రశ్నలను గాడ్సే ప్రశ్నించబోతున్నాడు’

Pop Singer Britney Spears Shares Heartbreaking Note: త్వరలోనే శుభవార్త చెబుతుందనుకున్న పాప్‌ సింగర్‌ బ్రిట్నీ స్పియర్స్‌ బ్యాడ్‌ న్యూస్‌ చెప్పింది. ఇటీవల తాను తల్లి కాబోతున్నట్లు బ్రిట్నీ ప్రకటించిన సంగతి తెలిసిందే. దీంతో ఆమె ఫ్యాన్స్‌ అంతా ఆనందంలో మునిగిపోయారు. కానీ, అంతలోనే బిడ్డను కొల్పోయానంటూ సోషల్‌ మీడియా వేదికగా ఆమె ఆవేదన వ్యక్తం చేసింది. ఈ మేరకు ఆమె తన ఇన్‌స్టాగ్రామ్‌ భావోద్యేగ పోస్ట్‌ను షేర్‌ చేసింది. ‘మేం మా బిడ్డను కోల్పోయాం. మా జీవితంలో విషాదంలో నెలకొంది. ఇది తల్లిదండ్రులగా మాకు ఎంతో కఠిన సమయం. చదవండి: సమంత ‘ఊ అంటావా..’ పాట సింగర్‌కు గోల్డ్‌ మెడల్‌! రిలేషల్‌లో ఒక అడుగకు ముందుకేళ్లి కుటుంబాన్ని విస్తరించుకోవాలని ఎన్నో కలలు కన్నాం. మా తొలి బిడ్డను ఈ లోకానికి పరిచయం చేయాలని ఎంతో ఆత్రుతుగా ఎదురు చూశాం. కానీ అంతలోనే తీవ్ర విషాదం నెలకొంది. నాకు గర్భస్రావం జరిగింది. ఈ కఠిన సమయంలో మాకు సపోర్టు ఇచ్చిన ప్రతి ఒక్కరికి కృతజ్ఞతలు. అలాగే మా ప్రైవసిని కూడా గౌరవిస్తారని కోరుకుంటున్నాం’ అంటూ ఆమె పోస్ట్‌ షేర్‌ చేసింది. కాగా బ్రిట్నీ ఇటీవల తన ప్రెగ్నెన్సీ ప్రకటిస్తూ త్వరలోనే తన ఫియాన్సీ సామిని పెళ్లి చేసుకోబుతున్నట్లు ఆమె వెల్లడించిన సంగతి తెలిసిందే.  చదవండి: కరాటే కల్యాణితో పెట్టుకున్నాడు, బిగ్‌బాస్‌ ఛాన్స్‌ పట్టేశాడు! View this post on Instagram A post shared by Britney Spears (@britneyspears)

పాప్‌ సింగర్‌ బ్రిట్నీ స్పియర్స్‌ గురించి తెలియనివారుండరు. తన గాత్రంతో కోట్లాదిమంది మనసులు గెలుచుకున్న ఈ గాయని సుమారు 13 ఏళ్ల పాటు తండ్రి సంరక్షణలోనే జీవితాన్ని గడిపింది. దీనిపై కోర్టులో గట్టిగా పోరాడిన బ్రిట్నీ ఎట్టకేలకు కేసు గెలిచి గతేడాది  తండ్రి చెర నుంచి విముక్తి పొందింది. ఇదిలా ఉంటే బ్రిట్నీ గతంలో వెకేషన్‌ సమయంలో దిగిన ఫొటోలను మరోసారి ఇన్‌స్టాగ్రామ్‌లో పోస్ట్‌ చేస్తోంది. తను గర్భం దాల్చిన తొలినాళ్లలో నగ్నంగా దిగిన ఫొటోలను అభిమానులతో పంచుకుంది. 'నా కడుపులో బేబీ ఉన్నప్పుడు, నేను మెక్సికోలో ఉన్న సమయంలో దిగిన పొటో ఇది..' అంటూ దానికి క్యాప్షన్‌ ఇచ్చింది. ఒంటి మీద నూలు పోగు లేకుండా, కేవలం చేతులతో శరీరాన్ని దాచుకుంటూ దర్శనమిచ్చిన ఫొటోలను చూసి ఫ్యాన్స్‌ ఒక్కసారిగా షాకవుతున్నారు. 'మరీ ఇలా తయారవుతుందేంటి? ఒంటి మీద బట్టలు లేకుండా ఫొటోలు షేర్‌ చేయడమేంటి?' అని అసహనానికి లోనవుతున్నారు. 'తన మానసిక స్థితి సరిగా లేదేమో, అందువల్లే ఆమె తండ్రి బ్రిట్నీని ఇన్నేళ్లు సంరక్షణలో ఉంచుకున్నాడు కాబోలు' అంటూ కామెంట్లు చేస్తున్నారు. ఇకపోతే బ్రిట్నీ త్వరలోనే తన ప్రియుడు సామ్‌ను పెళ్లాడబోతోంది. ఇందుకోసం డోనటెల్లా వెర్సాస్‌ తన పెళ్లి గౌనును తయారు చేస్తున్నాడని తెలిపింది. చదవండి: కంటికి ఆపరేషన్‌, అందుకే నెలరోజుల నుంచి దూరం.. గ్రాండ్‌గా హీరోయిన్‌ సంజన సీమంతం, వీడియో వైరల్‌

Britney Spears Announces Takes A Break From Social Media Amid Pregnancy: పాప్‌ సాంగ్స్‌ వినేవారు బ్రిట్నీ స్పియర్స్‌ అంటే తెలియను వారుండరు. తన అందమైన గాత్రంతో ప్రపంచవ్యాప్తంగా అనేక మంది అభిమానులను సంపాదించుకుంది పాప్‌ సింగర్‌ బ్రిట్నీ స్పియర్స్‌. ఈ ముద్దుగుమ్మ తన అభిమానులు నిరుత్సాహపడేలా తాజాగా ఓ ప్రకటన ఇచ్చింది. ఇక నుంచి కొంత కాలం సోషల్ మీడియా ప్రపంచానికి దూరంగా ఉంటానంటోంది. సామాజిక మాధ్యమాల నుంచి ఒక చిన్న విరామం తీసుకుంటున్నట్లు తాజాగా పేర్కొంది. గత కొద్ది రోజులుగా సోషల్ మీడియాల్లో యాక్టివ్‌గా ఉండట్లేదు బ్రిట్నీ స్పియర్స్‌. దీంతో తనకు ఏమైందో అని కంగారు పడ్డ అభిమానుల కోసం ఇన్‌స్టా వేదికగా ఆదివారం (ఏప్రిల్‌ 24) ఈ ప్రకటన చేసింది.  చదవండి: హుషారైన స్టెప్పులతో ప్రణీత డ్యాన్స్‌ ఈ ప్రకటన చేస్తూ సన్‌ గ్లాసెస్‌ పెట్టుకుని, రోబ్‌, రోలర్‌లను ధరించి కుర్చీలో కూర్చున్న అందమైన శిశువు వీడియోను షేర్ చేసింది. తన ప్రెగ్నెన్సీ కారణంగానే సోషల్ మీడియాకు బ్రేక్‌ తీసుకోవాలనుకుంటున్నట్లుగా ఈ వీడియో సూచిస్తోంది. ఆమె ప్రెగ్నెంట్‌ అని ఇటీవల ప్రకటించిన విషయం తెలిసిందే. ఈ సింగర్‌కు కాబోయే భర్త సామ్‌ అస్గారితో తన మొదటి చైల్డ్‌ను ఆశిస్తోంది. సోషల్ మీడియా నుంచి బ్రేక్‌ తీసుకుంటున్నట్లు ప్రకటించిన తర్వాత కూడా బ్రిట్నీ స్పియర్స్‌ పలు పోస్టులు చేసింది. ఆ పోస్టులు పలు బ్రాండ్స్‌కు సంబంధించినవి. సెలబ్రిటీలు పలు కంపెనీల బ్రాండ్స్‌ను ప్రమోట్ చేస్తూ క్యాష్‌ చేసుకుంటారన్న విషయం తెలిసిందే.  View this post on Instagram A post shared by Britney Spears (@britneyspears) View this post on Instagram A post shared by Britney Spears (@britneyspears) View this post on Instagram A post shared by Britney Spears (@britneyspears)

ప్రముఖ పాప్‌ సింగర్‌  బ్రిట్నీ స్పియర్స్‌తో ఓ పుస్తక ప్రచురణ సంస్థ భారీ డీల్‌ కుదుర్చుకుంది. ఆమె జీవితంలో జరిగిన కొన్ని సంఘటనలకు పుస్తక రూపంలో వెలుగులోకి తీసుకురావడం కోసం ఆమెకు 15 మిలియన్‌ డాలర్లు(ఇండియన్‌ కరెన్సీలో దాదాపు 112 కోట్ల రూపాయలు) అప్పజెప్పేందుకు అమెరికాలోని ఓ టాప్ పబ్లిషింగ్ హౌజ్‌ ముందుకు వచ్చింది. అంత పెద్ద మొత్తంలో ఆమెకు ఇవ్వడానికి కారణం ఏంటంటే... తన జీవితంలో చోటు చేసుకున్న కన్సర్వేటర్‌షిప్ గురించి అంతా బయట పెట్టేందుకు బ్రిట్నీ అంగీకరించడమే. ఈ పబ్లిషింగ్‌ హౌస్‌ విడుదల చేయబోయే బుక్‌లో బ్రిట్నీ తండ్రి జేమీ స్పియర్స్‌  సంరక్షణలో  తాను అనుభవించిన 13 ఏళ్ల నరకప్రాయమైన జీవితం గురించి అనేక రహస్యాలుంటాయట.   2008లో బ్రిట్నీ స్పియ‌ర్స్ సంర‌క్ష‌ణ బాధ్య‌త‌ను ఆమె తండ్రి జేమిని స్పియర్‌ తీసుకున్న సంగతి తెలిసిందే. ఈ నేపథ్యంలో బ్రిట్నీ తన తండ్రి జేమీ స్పియర్స్‌ తన జీవితాన్ని నాశనం చేశాడని, అతని చెర నుంచి విముక్తి కల్పించాలని  గతంలో న్యాయ స్థానాన్ని ఆశ్రయించారు. ఈ కేసును విచారించిన లాస్‌ ఎంజిల్స్‌ కోర్టు.. గత ఏడాది నవంబర్‌లో తండ్రి చెర నుంచి ఆమెకు విముక్తి కల్పిస్తూ తీర్పునిచ్చింది. బ్రిట్నీ జీవితంపై, ఆస్తిపాస్తుల ఆమె తండ్రికి ఎలాంటి నియంత్రణ ఉండబోదని కోర్టు వెల్లడించింది. ఫలితంగా ఆమె మానసిక స్థితి సరిగ్గా లేదంటూ ఏళ్ల కిందట న్యాయస్థానం విధించిన కన్సర్వేటర్‌షిప్ ఎట్టకేలకు రద్దైపోయింది. ప్రస్తుతం బ్రిట్నీ స్వతంత్రంగా జీవితాన్ని సాగిస్తోంది. అయితే ఆమె కన్సర్వేటర్‌షిప్‌లో ఉన్న సమయంలో పడిన ఇబ్బందులను, తండ్రికి సంబంధించిన కొన్ని రహస్యాలను పుస్తక రూపంలో ప్రచురించేందుకు పలు  ప్రచురణ సంస్థలు పోటీ పడినప్పటికీ యూస్‌లోని ఓ పబ్లిషింగ్ కంపెనీ రికార్డు స్ఘాయిలో రూ. 112 కోట్లు అప్పజెప్పి పుస్తకం హక్కులు కొనుగోలు చేసింది. ఇంత భారీ మొత్తంలో డీల్‌ కుదుర్చుకున్న బ్రిట్నీ.. ఎలాంటి రహస్యాలను బయటపెడుతుందో చూడాలి మరి. 

Britney Spears Release Conservatorship From Her Father: ఎట్టకేలకు తండ్రి చెర నుంచి పాప్‌ సెన్సేషన్‌ బ్రిట్నీ స్పియర్స్‌(39) విముక్తి పొందింది. 2008లో బ్రిట్నీ స్పియ‌ర్స్ సంర‌క్ష‌ణ బాధ్య‌త‌ను ఆమె తండ్రి జేమిని స్పియర్‌ తీసుకున్న సంగతి తెలిసిందే. ఈ నేపథ్యంలో బ్రిట్నీ తన తండ్రి జేమీ స్పియర్స్‌ తన జీవితాన్ని నాశనం చేశాడని, అతని చెర నుంచి విముక్తి కల్పించాలని ఆమె గత జులైలో న్యాయస్థానాన్ని ఆశ్రయించింది. శుక్రవారం(నవంబర్‌ 12) ఈ కేసును విచారించిన లాస్‌ ఎంజిల్స్‌ కోర్టు తనకు ఊరటనిచ్చింది. చదవండి: కిక్కెక్కించే ఐదు కొరియన్‌ వెబ్ సిరీస్‌ ఇవే.. తన తండ్రి చెర నుంచి ఆమెకు విముక్తి కల్పిస్తూ కోర్టు తీర్పునిచ్చింది. ఈ సందర్భంగా ఆమె ‘నా జీవితంలో ఇదే అత్యుత్తమైన రోజు’ అంటూ సోషల్‌ మీడియా వేదికగా భావోద్వేగానికి లోనయ్యింది. దీంతో ఆమెకు మద్దతు తెలిపేందుకు ఆమె ఫ్యాన్స్‌ లాస్ ఏంజిల్స్ కోర్టుకు భారీ సంఖ్య‌లో తరలి వచ్చారు. బ్రిట్నీ త‌న తండ్రి సంర‌క్ష‌ణ‌లో భౌతికంగా, ఎమోష‌న‌ల్‌, మాన‌సికంగా, ఆర్థికంగా న‌ష్ట‌పోయిన‌ట్లు ఆమె త‌ర‌పు లాయ‌ర్లు కోర్టులో వాదించారు. చదవండి: Kangana Ranaut: అ‍ప్పుడేం జరిగిందో చెబితే పద్శశ్రీ తిరిగి ఇచ్చేస్తా వారి వాదనలు విన్న లాస్‌ ఎంజిల్స్‌ కోర్టు ఆమెకు ఊరటనిస్తూ తీర్పు వెలువరించింది. గ‌త 13 ఏళ్ల నుంచి త‌న తండ్రి వ‌ల్ల మాన‌సిక క్షోభ‌ను అనుభ‌విస్తున్న‌ట్లు ఆమె ఇటీవ‌ల కోర్టులో పేర్కొంది. సంర‌క్ష‌ణ స్థానం నుంచి త‌న తండ్రిని త‌ప్పించాల‌ని, ఆయ‌న వ‌ద్ద ఉన్న నియంత్రణాధికారాల‌ను తొల‌గించాల‌ని బ్రిట్నీ కోర్టును వేడుకుంది. 2008 నుంచి పాప్ సింగ‌ర్ బ్రిట్నీ త‌న తండ్రి జేమ్స్ స్పియ‌ర్స్ క‌స్ట‌డీలో ఉంటున్న‌ది. అయితే త‌న‌పై త‌న తండ్రికి ఉన్న న్యాయ‌ప‌ర‌మైన నియంత్ర‌ణ‌ను తొల‌గించాల‌ని ఆమె కోర్టును అభ్య‌ర్థించింది. చదవండి: విక్కీ, కత్రీనా పెళ్లి చేసుకునే హోటల్‌ చరిత్ర ఏంటో తెలుసా..? బ్రిట్నీ ఆర్థిక వ్య‌వ‌హారాల‌న్నీ తండ్రి జేమ్స్ చూసుకున్నారు. 13 ఏళ్ల న‌ర‌కం ఇక చాలు అని, త‌న జీవితాన్ని త‌న‌కు వెన‌క్కి ఇప్పించాల‌ని ఆమె కోర్టును కోరింది. బ్రిట్నీ స్పియ‌ర్స్ త‌న తండ్రి వ‌ల్ల ఇబ్బందులు ప‌డుతున్న‌ద‌ని, ఆమెను తండ్రి చెర నుంచి విముక్తి చేయాల‌ని ఆన్‌లైన్‌లో ఫ్రీ బ్రిట్నీ ఉద్యమం కొన‌సాగించిన‌ విష‌యం తెలిసిందే. సంర‌క్ష‌ణాధికారాల‌ను త‌న తండ్రి దుర్వినియోగం చేసిన‌ట్లు బ్రిట్నీ ఆరోపించింది.  చదవండి: నా జీవితం నాక్కావాలి: కన్నతండ్రిపై సింగర్‌ సంచలన ఆరోపణలు View this post on Instagram A post shared by Britney Spears (@britneyspears)

రీ ఎంట్రీ తర్వాత మెగాస్టార్‌ చిరంజీవి వరుస ప్రాజెక్ట్స్‌తో బిజీగా ఉన్నాడు. కొరటాల శివ దర్శకత్వంలో ఆచార్య, మోహన్‌ రాజాతో గాడ్‌ ఫాదర్‌.. బాబీ డైరెక్షన్‌లో భోళా శంకర్ చిత్రాలు చేస్తున్నాడు. ఇప్పటికే ఆచార్య షూటింగ్‌ పూర్తి చేసుకున్న చిరు ఇటీవల ‘గాడ్‌ ఫాదర్‌’ షూటింగ్‌ను ప్రారంభించాడు. ప్రస్తుతం ఈ మూవీ షూటింగ్‌తో బిజీగా ఉన్నాడు. ఈ క్రమంలో గాడ్‌ ఫాదర్‌కు సంబంధించి అప్‌డేట్స్‌ వరుసగా బయటకు వస్తున్నాయి. ఈ మూవీలో నటించే హీరోయిన్స్‌, మిగతా తారగణంకు సంబంధించిన వార్తలు సోషల్‌ మీడియాలో చక్కర్లు కొడుతున్నాయి. చదవండి: బిగ్‌బాస్‌ 5: స్పెషల్‌ ఎపిసోడ్‌లో ఆది, 25 నిమిషాలకే షాకింగ్‌ రెమ్యునరేషన్‌! ఈ నేపథ్యంలో ‘గాడ్‌ ఫాదర్‌’ నుంచి మరో ఇంట్రస్టింగ్‌ అప్‌డేట్‌ బయటకు వచ్చింది. ఈ మూవీకి మ్యూజిక్‌ సెన్సెషన్‌ తమన్‌ సంగీతం అందిస్తున్న సంగతి తెలిసిందే. ఇందులోని పాటలకు మరింత హైప్‌ క్రియేట్‌ చేసేందుకు హాలీవుడ్‌ పాప్‌ సింగర్‌ను రంగంలోకి దించబోతున్నాడట తమన్‌. బ్రిట్నీ స్పియర్ చేత ఓ పాట పాడించడానికి తమన్‌ ప్లాన్‌ చేస్తున్నాడట. దీనిపై ఆమెతో చర్చించినట్లు కూడా తెలుస్తోంది. ఇదే నిజమైతే గాడ్‌ ఫాదర్‌ మేకర్స్‌ ఆమెకు భారీగా పారితోషికం ఇవ్వాల్సి ఉంటుంది. ఎందుకంటే ఆమె ఏ పాటకైనా దాదాపు 20 నుంచి 30 కోట్లు రూపాయల పారితోషికం తీసుకుంటుందని సమాచారం. చదవండి: కూతురు పేరు చెప్పేసిన హీరోయిన్‌ శ్రియ సరన్‌ ఇంతటి  డిమాండ్‌ ఉన్న బ్రిట్నీ స్పియర్‌తో పాట పాడిస్తారా?  లేక ఇది వార్తలకే పరిమితమవుతుందో తెలియాలంటే అధికారిక ప్రకటన వచ్చే వరకు వేచి చూడాలి. ఇదిలా ఉంటే మోహన్‌ రాజా ‘గాడ్‌ ఫాదర్‌’ను భారీగా ప్లాన్‌ చేస్తున్నాడట. పరిశ్రమకు చెందిన పలువరు స్టార్లను ఇందులో భాగస్వామ్యం చేయబోతున్నాడట. ఇప్పటికే ఈ మూవీలో ఓ అతిథి పాత్రకు బాలీవుడ్‌ కండట వీరుడు సల్మాన్‌ ఖాన్‌ను స్పంద్రించినట్లు గతంలో వార్తలు కూడా వినిపించాయి. అయితే ఈ సినిమాలో చిరు సరసన హీరోయిన్‌ కనిపించదని సమాచారం. గాడ్‌ ఫాదర్‌ తర్వాత చిరు బాబీతో భోళా శంకర్ మూవీని ప్రారంభించన్నాడు.

బ్రిట్నీ స్పియ‌ర్స్‌... పాప్‌ సాంగ్స్‌ వినేవారికి ఈ పేరు సుపరిచితమే. తన పాటలతో ప్రపంచవ్యాప్తంగా ఎంతో మంది అభిమానులను సంపాదించుకుంది. కాగా ఆమెకు బాయ్‌ఫ్రెండ్ సామ్ అస్గారితో ఎంగేజ్మెంట్ జరిగింది. ఈ విషయాన్ని తెలుపుతూ.. ఇన్‌స్టాగ్రామ్‌లో ఆమె ఫోటోలు షేర్‌ చేసింది.  బ్రిట్నీ స్పియ‌ర్స్‌ (39)కి వ్యక్తిగత శిక్షకుడు, నటుడు అస్గారి (27)తో 2016లో పరిచయం అయ్యింది. అనంతరం వారిద్దరి మధ్య ప్రేమ చిగురించింది. కానీ ఆమె వివిధ కారణాల వల్ల తన తండ్రి సంరక్షణ, నియంత్రణలో ఉండడం వల్ల అతనితో పెళ్లి విషయం ముందుకు కదలలేదు. కానీ ఇటీవలే లాస్‌ ఎంజెల్స్‌ కోర్టు తండ్రిని సంరక్షకుడిగా తొలగించడంతో గాయనికి లైన్‌ క్లియర్‌ అయ్యింది. దీంతో బాయ్‌ఫ్రెండ్‌తో ఎంగేజ్మెంట్‌ చేసుకొని ఆ వీడియోలు, ఫోటోలను సోషల్‌ మీడియాలో షేర్‌ చేసుకోగా అవి వైరల్‌గా మారాయి. అయితే 39 ఏళ్ల బ్రిట్నీకి ఇంతకుముందే కెవిన్ ఫెడెర్‌లైన్‌ను వివాహం చేసుకొని ఇద్దరూ పిల్లలకు తల్లైంది. ఇప్పుడు వారిలో ఒకరికి 14, మరొకరికి 15 ఏళ్లు. అతనితో విడాకుల అనంతరం చిన్ననాటి స్నేహితుడు జాసన్ అలెగ్జాండర్‌ని పెళ్లాడింది. అతని నుంచి విడిపోయిన ఈ పాప్‌ సింగర్‌ తాజాగా 27 ఏళ్ల అస్గారితో ఎంగేజ్మెంట్‌ చేసుకుంది. View this post on Instagram A post shared by Britney Spears (@britneyspears) View this post on Instagram A post shared by Sam Asghari (@samasghari)

Britney Spears తండ్రిని సంరక్షణ బాధ్యతల నుంచి తప్పించాలని చేస్తున్న న్యాయ పోరాటంలో పాప్‌ సింగర్‌ బ్రిట్నీ స్పియర్స్‌ ‘సగం గెలుపు’ సాధించింది. తండ్రి జేమీ స్పియర్స్‌కు వ్యతిరేకంగా ఆమె కోర్టులో పోరాడుతున్న విషయం తెలిసిందే. ఈ నేపథ్యంలో తన లాయర్‌(అటార్నీ)ను తానే నిర్ణయించుకునే హక్కు ఆమెకు ఉందని కోర్టు వెల్లడించింది. సుమారు మూడువారాల తర్వాత బుధవారం(జులై14న) జరిగిన వాదనల టైంలో లాస్‌ ఏంజెల్స్‌ కోర్టుకు ఫోన్‌ కాల్‌ ద్వారా విచారణకు హాజరైన బ్రిట్నీ.. ‘నన్ను చంపే ప్రయత్నం జరుగుతోంది’ అని కన్నీరు పెట్టుకుంది. గార్డియన్‌షిప్‌ నుంచి తన తండ్రిని తప్పించాలని.. ఆయన వ్యవహారశైలి క్రూరంగా ఉందని, కనీసం ఈ వ్యవహారంలో వాదనల కోసమైన తనకు స్వేచ్ఛను ప్రసాదించాలని ఆమె న్యాయమూర్తికి విజ్ఞప్తి చేసింది.  ఈ విజ్ఞప్తికి స్పందించిన జడ్జి బ్రెండా పెన్నీ.. స్పియర్స్‌ తరుపున ఇంతకు ముందు అటార్నీ రాజీనామాను ఆమోదిస్తూనే, కొత్త అటార్నీ మాథ్యూ రోసెన్‌గార్ట్‌ను నియమించుకునే హక్కును బ్రిట్నీకి కల్పిస్తున్నట్లు తీర్పు ఇచ్చారు. జేమీ స్పియర్‌ను బ్రిట్నీ సంరక్షణ నుంచి తప్పించాలన్న పిటిషన్‌పై ఇక నుంచి వాదనలు వినిపించబోతున్నారు రోసెన్‌గార్ట్‌. గతంలో స్టీవెన్‌ స్పీల్‌బర్గ్‌, సీన్‌ పెన్‌ లాంటి ప్రముఖుల తరపున వాదించారు. Coming along, folks ... coming along 🖕🏻!!!!! New with real representation today ... I feel GRATITUDE and BLESSED !!!! Thank you to my fans who are supporting me ... You have no idea what it means to me be supported by such awesome fans !!!! God bless you all !!!!! pic.twitter.com/27yexZ5O8J — Britney Spears (@britneyspears) July 15, 2021 ఈ వ్యవహారంలో ఆమెకు మద్దతుగా భారీ ఎత్తున ఫ్రీబిట్నీ ‘#FreeBritney’ సైన్‌ పిటిషన్‌ను రన్‌ చేస్తున్నారు. లక్షల మంది సంతకాలు చేపడుతున్నారు. అయితే ఆమె మానసిక స్థితి దృష్ట్యా తండ్రిని తప్పించలేమని కోర్టు గత వాదనల టైంలో స్పష్టం చేసింది. అయితే తదనంతర పరిణామాలు ఆమెకు పూర్తి వ్యతిరేకంగా మారాయి. స్పియర్స్‌కు చాలాకాలంగా మేనేజర్‌గా వ్యవహరించిన లారీ రుడోల్ఫ్‌తో పాటు ఆమె అటార్నీ సామ్యుయెల్‌ ఇన్‌గ్‌హమ్‌ కూడా తప్పుకున్నాడు. ఇదిలా ఉంటే మేనేజర్‌ లారీ తప్పుకోవడంతో 39 ఏళ్ల బ్రిట్నీ.. తన కెరీర్‌కు గుడ్‌బై చెప్పబోతోందంటూ పుకార్లు చక్కర్లు కొడుతున్నాయి కూడా.

‘‘నా జీవితం సంతోషంగా ఉందన్నది పచ్చి అబద్ధం. ఇప్పుడు నిజం చెబుతున్నా.. గత 13 ఏళ్లులో ఏరోజూ సంతోషంగా లేను. రోజూ ఏడుస్తూనే ఉన్నా. కోపం, బాధ అన్నీ కలగలిసి వస్తున్నాయి. ఆయన చెర నుంచి నన్ను విడిపించండి సర్‌’’ అంటూ పాప్‌ సింగర్‌ బ్రిట్నీ స్పియర్స్‌ దీనంగా జడ్జిని వేడుకోవడం పలువురిని కంటతడి పెట్టిచ్చింది.    సాక్రామెంటో: పాప్‌ సెన్సేషన్‌ బ్రిట్నీ స్పియర్స్‌ తన సొంత తండ్రిపైనే సంచలన ఆరోపణలకు దిగింది. తన తండ్రి జేమీ స్పియర్స్‌ తన జీవితాన్ని నాశనం చేశాడని, అతని చెర నుంచి విముక్తి కల్పించాలని ఆమె న్యాయస్థానాన్ని కోరింది. తన సంరక్షకుడి హోదా నుంచి తండ్రి జేమీని తప్పించాలంటూ బ్రిట్నీ, కాలిఫోర్నియా ఉన్నత న్యాయస్థానాన్ని ఆశ్రయించింది. బుధవారం ఈ పిటిషన్‌ మీద వాదనలు జరగ్గా.. 20 నిమిషాలపాటు ఏకధాటిన బ్రిట్నీ, జడ్జి ముందు కన్నీళ్లతో తన గొడును వెల్లబోసుకుంది. బలవంతంగా ఆయన్ని తన సంరక్షకుడిగా నియమించారని, కానీ,  ఆ తర్వాతే తన జీవితం నాశనం అయ్యిందని బ్రిట్నీ వాపోయింది. ‘‘ఆయన వల్ల రోజూ నరకం అనుభవించా. ఇష్టం లేకున్నా గంటల తరబడి పని చేశా. డబ్బు, హోదా అన్నీ ఆయనే అనుభవించాడు. నా సంపాదన ఒకటో వంతును కూడా నా ఖర్చులకు ఇవ్వలేదు. నా ఫోన్‌ దగ్గరి నుంచి విలువైన కార్డుల దాకా అన్నీ ఆయన కంట్రోల్‌లో ఉండిపోయాయి. రోజూ నాకు లిథియం డ్రగ్‌ ఎక్కించేవాడు. నా పిల్లలకు నన్ను దూరం చేశాడు. మళ్లీ పెళ్లి చేసుకుని కొత్త జీవితం ప్రారంభించాలనే నా ఆశలకు అడ్డుపడ్డాడు. ఆయన సంరక్షణ నాకు మంచి కంటే చెడు ఎక్కువగా చేసింది. ఒకరకంగా ఇది ‘సెక్స్‌ ట్రాఫికింగ్‌’కి సమానం. ఇకనైనా నా జీవితం నాకు ఇప్పించండి’’ అంటూ కన్నీళ్లతో బ్రిట్నీ జడ్జిని వేడుకుంది. నా కూతురే కదా! ఇక బ్రిట్నీకి మొదటి నుంచి ఈ కేసులో ఫ్యాన్స్‌ మద్ధతు ఇస్తూనే వస్తున్నారు. బుధవారం కోర్టు బయట ఫ్రీ బ్రిట్నీ మూమెంట్‌లో భాగంగా ర్యాలీ కూడా నిర్వహించారు. వాదనలు జరుగుతున్నంత సేపు బయట బ్రిట్నీ అనుకూల నినాదాలు చేశారు. అయితే కూతురి పిటిషన్‌పై జేమీ స్పియర్‌ తేలికగా స్పందించారు. ఆమెకు తానేం బలవంతపు గార్డియన్‌గా లేనని, స్వచ్ఛందంగానే ఉన్నానని, ఆమె ఆరోపణలను అబద్ధమని, అయినా తాను తన కూతురిపై మమకారం ఉందని చెబుతూ జేమీ తరపున ఆయన లాయర్‌ ఒక స్టేట్‌మెంట్‌ రిలీజ్‌ చేశాడు.  పాప్‌ సెన్సేషన్‌ 39 ఏళ్ల బ్రిట్నీ స్పియర్స్‌.. 2004లో జేసన్‌ అనే వ్యక్తిని పెళ్లాడి.. నెలలు తిరగ్గకముందే విడాకులు ఇచ్చేసింది. ఆ తర్వాత అమెరికన్‌ ర్యాపర్‌ కెవిన్‌ ఫెడెర్‌లైన్‌ను పెళ్లాడి.. మూడేళ్ల తర్వాత విడాకులు తీసుకుంది. అప్పటి నుంచి తండ్రి సంరక్షణలో ఉంటున్న బ్రిట్నీ.. మానసిక సమస్యలతో బాగా కుంగిపోయింది. ఒకానొక టైంలో గుండు చేయించుకుని అభిమానులకు షాక్‌ ఇచ్చిందామె. చదవండి: రోజుకు ఆరుసార్లు!

పాపులర్‌ సింగర్‌ బ్రిట్నీ స్పియర్స్‌ గురించి ప్రత్యేకించి పరిచయం అక్కర్లేదు. 2010 నుంచీ కొన్నేళ్ల పాటు ఇటు పర్సనల్‌గా, కెరీర్‌ పరంగా చాలా కష్టాలనే ఎదుర్కొన్న ఆమె, ఇప్పుడిప్పుడే అన్నీ సెట్‌ చేస్కొని చక్కగా లైఫ్‌ని లీడ్‌ చేస్తోంది. ముఖ్యంగా శామ్‌ అస్గరీతో ప్రేమలో పడ్డాక బ్రిట్నీ లైఫంతా మారిపోయింది. ఇప్పుడు ఊహించనంత సంతోషంగా రోజులను గడుపుతోందామె. ఎక్కడ చూసినా ఈ జంటే కనిపిస్తారు. బ్రిట్నీకేమో 36 ఏళ్లు. శామ్‌ అస్గరీకి 23 ఏళ్లు. వయసులో చాలా తేడా ఉన్నా ఇద్దరూ చూడముచ్చటగా కనిపిస్తారు. అది వాళ్లిద్దరూ ఒకరినొకరు ఇష్టంగా ప్రేమించుకోవడం వల్లేనేమో! కపుల్‌ గోల్స్‌ క్యాటగిరీలో వీళ్లనూ పడేస్తుంటారు నెటిజన్స్‌. ఇంతవరకూ బాగానే ఉంది. ఇక్కడే తాజాగా బయటకొస్తోన్న ఓ వార్త కొంత తేడాగా ఉంది. ఓవైపు బ్రిట్నీతో ప్రేమలో ఉంటూనే, మరోవైపు వేరే అమ్మాయిలతోనూ డేట్‌ చేస్తున్నాడట శామ్‌. ఇదెంతవరకూ నిజమన్నది ఎవ్వరికీ తెలియదు కానీ డేటింగ్‌ యాప్స్‌లో శామ్‌ అఫీషియల్‌ అకౌంట్స్‌ ఉన్నాయని, బ్రిట్నీతో పాటుగా, అతను వేరే అమ్మాయిల వెంట కూడా పడుతున్నాడని ఈ అకౌంట్స్‌ చూపించి, చెబుతున్నారు నెటిజన్లు. బ్రిట్నీ అంత పాపులర్‌ కాదు  శామ్‌. మోడల్‌గా ఇప్పుడే కెరీర్‌లో వృద్ధిలోకి వస్తున్నాడు. అలాంటి వాడు బ్రిట్నీనే మోసం చేస్తున్నాడా? బ్రిట్నీ నిజంగానే ప్రేమలో మోసపోతోందా? కాలమే సమాధానం చెప్పాలి. శామ్‌ అయితే తాను అలాంటి వాడిని కానని క్లీన్‌ చీట్‌ ఇచ్చుకుంటున్నాడు తనకు తానే! చూడాలి... ఈ ప్రేమకథ ఎటు వెళుతుందో!!  

బర్త్‌ డే  సర్‌ప్రైజులు ఎవరికి  ఇçష్టం ఉండదు చెప్పండి. మనకైనా పాప్‌ గాయని బ్రిట్నీ స్పియర్స్‌కైనా ఒక్కటే. బ్రిట్నీ 36వ పుట్టినరోజుకి తన బాయ్‌ ఫ్రెండ్‌ సామ్‌ అస్గరి ఓ సర్‌ప్రైజ్‌ ఇచ్చాడు. తన గది నిండా కొవ్వొత్తుల వెలుగులతో, టేబుల్‌ అంతా కప్‌ కేక్స్‌తో, గులాబి రేకులను హృదయాకారంలా పరిచి, హ్యాపీ బర్త్‌డే బెలూన్‌తో డెకరేట్‌ చేశాడు. ఆ వీడియోను ఇన్‌స్టాగ్రామ్‌లో పోస్ట్‌ చేశాడు. ‘‘నా వన్‌ అండ్‌ వోన్లీ గర్ల్‌కి హ్యాపీ బర్త్‌డే. అందమైన అమ్మాయికి అసలు సిసలైన అర్థం చెప్పినందుకు, ముఖ్యంగా పూర్తి నాదానివే అయినందుకు థ్యాంక్యూ’’ అని కూడా పేర్కొన్నాడు సామ్‌. ‘‘ఇంతకంటే ఏం కోరుకోను’’ అని బ్రిట్నీ ఆనందం వ్యక్తం చేశారు. అన్నట్లు 36 ఏళ్ల బ్రిట్నీకి ఇప్పటికి రెండు పెళ్లిళ్లయ్యాయి. అవి పెటాకులయ్యాక మూడో పెళ్లి చేసుకోలేదు కానీ, సామ్‌ అస్గర్‌తో లవ్‌లో పడింది. బ్రిట్నీకన్నా సామ్‌ 13 ఏళ్లు చిన్నవాడు. అతని వయసు 23 ఏళ్లు. అయినా ప్రేమకు వయసుతో సంబంధం ఏముంటుందిలెండి? మనసులు కలవడం ముఖ్యం కదా.


 బాలీవుడ్‌ టాప్‌ హీరోయిన్‌ ఐశ్వర్యరాయ్‌ బచ్చన్‌ ఆత్మహత్య చేసుకుందన్న హడావుడి సద్దుమణక ముందే మరో సెలబ్రిటీ చనిపోయిందన్న ప్రచారం కలకలం రేపింది. ప్రముఖ పాప్‌ గాయని బ్రిట్నీ స్పియర్స్ ప్రమాదంలో మరణించిందన్న ప్రచారంతో అభిమానులు షాక్‌ తిన్నారు. అయితే అదంతా నిజం కాదని తెలుసుకుని ఊపిరి పీల్చుకున్నారు. ప్రఖ్యాత మ్యూజిక్‌ కంపెనీ సోనీ అధికార ట్విటర్‌ పేజీలో ఈ వార్త రావడం అందరినీ ఆశ్చర్యానికి గురి చేసింది.
 
 ‘బ్రిట్నీ స్పియర్స్ ప్రమాదంలో ప్రాణాలు కోల్పోయింది. మరిన్ని వివరాలు త్వరలోనే వెల్లడిస్తాం. ఆమెకు నివాళులు’ అంటూ సోనీ మ్యూజిక్‌ గ్లోబల్‌ ట్విటర్ పేజీలో పోస్టు పెట్టారు. అయితే బ్రిట్నీ స్పియర్స్ చనిపోలేదని, ఆమె క్షేమంగా ఉన్నారని సీఎన్ఎన్‌ వార్తా సంస్థ తెలిపింది. సోనీ మ్యూజిక్‌ గ్లోబల్‌ ట్విటర్ ఖాతా హ్యాకింగ్‌ కు గురైనట్టు అనుమానిస్తున్నారు. అయితే దీనిపై స్పందించేందుకు సోనీ సంస్థ ప్రతినిధి నిరాకరించారు.
 
 సెలబ్రిటీల ఖాతాలను హ్యాక్‌ చేసి వార్తల్లో నిలవడం ఇటీవల కాలంలో సాధారణ విషయంగా మారింది. హ్యాకింగ్‌ గురైన వారిలో టెక్నాలజీ దిగ్గజాలు ఉండడం గమనార్హం. గూగుల్‌ సీఈవో సుందర్‌ పిచాయ్, ఫేస్ బుక్‌ సీఈవో మార్క్‌ జుకర్‌ బర్గ్‌, అమెజాన్‌ సీటీవో వెర్నర్‌ వోజెల్స్‌ తదితర ప్రముఖులు కూడా హ్యాకర్స్ సవాళ్లను ఎదుర్కొన్నారు. ఐశ్వర్యరాయ్‌ ఆత్మహత్య చేసుకుందని ఇటీవల సోషల్ మీడియాలో జోరుగా ప్రచారం సాగింది. ఇదంతా అసత్య ప్రచారమని తర్వాత తేలింది.
 
  


 లాస్‌ ఏంజిల్స్‌: 'మా అమ్మ కన్నా నాకే తెలివి ఎక్కువ' అని పాప్‌ సింగర్‌ బ్రిట్నీ స్పియర్‌ కొడుకు సియాన్‌ ప్రిస్టన్‌ బడాయి పోతున్నాడట. తన పాటలతో సంగీత ప్రపంచాన్ని ఉర్రూతలూగించిన బ్రిట్నీకి మాజీ భర్త కెవిన్ ఫెడర్లైన్ ద్వారా ఇద్దరు కొడుకులు ఉన్నారు.  చిన్నోడు తొమ్మిదేళ్ల జేడెన్‌ తాను హోంవర్క్‌ చేసుకునేటప్పుడు తల్లి సహకారం తీసుకుంటాడట. కానీ పెద్దోడు సియాన్‌ మాత్రం తన పని తాను చేసుకోవడం తప్ప అమ్మ సాయాన్ని అసలు తీసుకోడట.
 
 'జేడెన్‌తో కలిసి డ్రాయింగ్స్‌ వేయడం నాకు చాలా ఇష్టం. హోంవర్క్‌ చేయడంలోనూ వాడికి సాయపడుతుంటా. జేడెన్‌ కూడా ఇందుకు ఒప్పుకుంటాడు. కానీ సియాన్‌ మాత్రం అస్సలు ఒప్పుకోడు. వాడు చాలా స్మార్ట్‌. నా కన్నా తనే చాలా తెలివిగలవాడినని భావిస్తూ ఉంటాడు. తన పని తానే చేసుకుంటాడు. సరే అలాగే కానివ్వు అని నేనూ అనుకుంటాను. కానీ, వాడు చాలా బుద్ధిమంతుడు' అని బ్రిట్నీ స్పియర్‌ 'ఫిమెల్‌ ఫస్ట్‌.కామ్‌'కు తెలిపింది.


 బ్రిట్నీ స్పియర్స్ : కార్‌పూల్ కరావోకే
 నిడివి : 9 ని. 49 సె. : హిట్స్ : 1,30,44,074
 అమెరికన్ పాప్ గాయని బ్రిట్నీ స్పియర్స్.. ప్రముఖ టెలివిజన్ హోస్ట్ జేమ్స్ కింబర్లీ కార్డెన్‌తో కలిసి లాస్ ఏంజెల్స్ వీధుల్లో కార్‌పూలింగ్ చేస్తూ ఆలపించిన తన హిట్ గీతాల వీడియో యూట్యూబ్‌లో ఇప్పుడు తాజా సంగీత సంచలనం. వీడియో చూస్తున్నంత సేపూ వాళ్లిద్దరితో కలిసి మనమూ ట్రావెల్ చేస్తున్నట్లు ఉంటుంది! జేమ్స్ డ్రైవ్ చేస్తుంటే బ్రిట్నీ పక్కనే కూర్చొని ఉంటారు. టీవీ చానళ్ల వంటల కార్యక్రమంలో యాంకర్ వంట చేయిస్తూ, మధ్యమధ్యలో ఆ వంట చేస్తున్న గృహిణి వివరాలను కనుక్కుంటున్నట్లు... ఈ కార్‌పూలింగ్‌లో బ్రిట్నీ స్పియర్స్ జీవిత విశేషాలను కనుక్కుంటూ, ఆమెను నవ్విస్తూ, కవ్విస్తూ వీక్షకులకు వినోదం కలిగిస్తూ ఉంటారు  జేమ్స్. బ్రిట్నీతో ఇంటర్వ్యూ దొరకడం కష్టం. ఇలాంటి సరదా ఇంటర్వ్యూ దొరకడం మరీ కష్టం. ప్రఖ్యాత అమెరికన్ లేట్ నైట్ షో ‘ది లేట్ లేట్ షో’ హోస్ట్ కాబట్టి జేమ్స్‌కి ఇది సాధ్యమైంది. అన్నట్లు వీడియో చివర్లో జేమ్స్ మీకు చిన్న పాటి షాక్ ఇస్తారు. శాంపిల్ షాక్ కావాలంటే ఫొటోలో బ్రిట్నీ పక్కన ఎవరున్నారో చూడండి.
  
 క్రిస్ బ్రౌన్ : గ్రాస్ ఈజ్ నాట్ గ్రీనర్
 నిడివి : 4 ని. 53 సె. : హిట్స్ : 22,27,945
 అమెరికన్ సింగర్, సాంగ్ రైటర్ క్రిస్ బ్రౌన్ లేటెస్ట్ వీడియో సాంగ్ ‘గ్రాస్ ఈజ్ నాట్ గ్రీనర్’ రెండు రోజుల క్రితమే యూట్యూబ్‌లోకి అప్‌లోడ్ అయింది. అప్పట్నుంచీ అప్‌బీట్‌లో ఉంది! కొరియోగ్రఫీతో పాటు, ఫొటోగ్రఫీ అదిరిపోయింది. టైటిల్‌లో గ్రీన్ ఉన్నా, పాటలో ఎక్కువగా ఎరుపు, నీలమే కనిపిస్తుంది. అందుకు కారణాన్ని లిరిక్‌లో మీరు వెదికి పట్టుకోవచ్చు. త్వరలో విడుదల కాబోతున్న క్రిస్ ఎనిమిదో సోలో ఆల్బమ్ ‘హార్ట్‌బ్రేక్ ఆన్ ఎ ఫుల్ మూన్’ లోని సింగిల్ లీడ్ ఈ.. ‘గ్రాస్ ఈజ్ నాట్ గ్రీనర్’. క్రిస్, అతడి స్నేహితులు ఓ నైట్ క్లబ్లులోకి వెళ్లి, అక్కడ అమ్మాయిల వెదకులాటలో పడడం అనేది థీమ్. తర్వాత ఏం జరిగింది, ఫ్యాంటసీలో ఎవరి ఆలోచనలు ఎన్ని మలుపులు తిరిగిందీ వీడియోలో వీక్షించవచ్చు. ‘యు ఆర్ నాట్ ది గర్ల్ దట్ యు యూజ్డ్ టు బి..’ అంటూ మొదలై, ‘దట్ గ్రాస్ ఈజ్ నాట్ గ్రీనర్ ఆన్ ది అదర్ సైడ్..’ అంటూ పూర్తయ్యే ఈ పాట... అమ్మాయిల్ని నిందించడం అనే (మగవాళ్ల) మనస్తత్వానికి తగ్గట్టుగా ఉంటుంది. గర్ల్ అంటే ఇష్టం లేనివాళ్లు... గర్ల్స్‌ని మరీ ఎక్కువగా ఇష్టపడేవాళ్లు ఈ పాటను ఎంజాయ్ చేసి తీరుతారు. బెట్.
  
  
 నచ్‌దే నె సారే : బార్ బార్ దే ఖో
 నిడివి : 2 ని. 34 సె. : హిట్స్ : 65,62,252
 పెళ్లి సందడి అలా ఉంచండి. దాన్ని మించినది పెళ్లికి ముందరి సందడి ! కుటుంబం అంతా ఒకటే హడావిడి. ఆటలు, పాటలు. కనీసం హమ్మింగ్. ఈ ‘నచ్‌దే నె సారే’ కూడా అలాంటి సాంగే. ‘బార్ బార్ దేఖో’ చిత్రంలో ఎన్ని క్యారెక్టర్లు ఉన్నాయో, అన్ని క్యారెక్టర్లూ ఈ పెళ్లి పాటను ఎత్తుకుంటాయి. సిద్దార్థ మల్హోత్రతో కలిసి కత్రీనా కైఫ్ వేసే స్టెప్పులకు జతకలపడానికి మీకు రెండు కాళ్లు చాలవు. (సాంగ్ చూడడానికి ఎలాగూ రెండు కళ్లు సరిపోవు). సెప్టెంబర్ 9న రిలీజ్‌కి సిద్ధంగా ఉన్న ‘బార్ బార్ దేఖో’లోని ఈ బృందగానానికి సెంటర్ ఆఫ్ ది ఎట్రాక్షన్... నన్ అదర్ దేన్ కత్రీనా. ఈ అమ్మాయి ఎంత చక్కగా, ఎంత సన్నగా ఉందంటే... అసలు ఆమె కోసమే మళ్లీ మళ్లీ సినిమా చూడాలనిపించేంత! ఈ రొమాంటిక్ డ్రామా ఫిల్మ్‌ని నిత్యా మెహ్రా డెరైక్ట్ చేస్తున్నారు. మ్యూజిక్‌కి అయితే పెద్ద టీ మే ఉంది! బాద్షా, బిలాల్ సయీద్, అమాల్ మల్లిక్, ఆర్కో ప్రావో ముఖర్జీ, జస్లీల్ రాయల్.. ఇదో పెద్ద లిస్ట్. బై ది వే... జూలైలో విడుదలైన టీజర్ ‘కాలా చష్మా’ సాంగ్ కూడా అదరగొట్టేసింది. (అదీ ఇదే సినిమాలోనిది).
  
 కాంప్లిమెంటింగ్ గర్ల్స్ : ప్రాంక్
 నిడివి : 2 ని. 20 సె. : హిట్స్ : 4,03,677
 ‘ఫంక్ యు’ గ్రూప్ మళ్లీ ఒక కొత్త ప్రాంక్‌తో యూట్యూబ్‌లోకి వచ్చేసింది. గతంలో ప్లాస్టిక్ పాముల్ని కాలేజ్ కాంపౌండ్‌లోకి, క్లాస్‌రూమ్‌లలోకి తీసుకెళ్లి భయపెట్టి కామెడీ పండించిన ఈ మిత్ర బృందం.. ఈసారి సొగసైన ఐడియాతో యూత్‌ని ఆకట్టుకుంది. ఈ టీమ్‌లోని ఐదుగురు సభ్యులు (ఇద్దరు అమ్మాయిలు, ముగ్గురు అబ్బాయిలు. అంతా బిలో 20) ఇద్దరిద్దరుగా లేదా ఒకరొకరిగా విడిపోయి ప్రాంక్‌లను చేస్తుంటారు. తాజాగా వీళ్లు ఎన్నుకున్న టాపిక్.. అమ్మాయిల్ని కాంప్లిమెంట్ చెయ్యడం. క్లాస్‌లు అయ్యాక గర్ల్ స్టూడెంట్స్ మెట్లు దిగుతూ ఉంటారు. వాళ్లలో ఒకరి ఎదురుగా వెళ్లి ఈ టీమ్‌లోని అబ్బాయి కాంప్లిమెంట్ ఇస్తుంటాడు. ‘యు ఆర్ సో హాట్’ అనీ, ‘యు ఆర్ క్రేజీ’ అనీ, ‘ఐ లవ్యూ’ అనీ.. మీద మీదకి వెళ్తారు. అవతలి వైపు అమ్మాయి ఆశ్చర్యపోతుండగానే వెనుక నుంచి ఇంకో అమ్మాయి వచ్చి (టీమ్‌లోని అమ్మాయే) ఈ కుర్రాడిని హగ్ చేసుకుంటుంది. కాంప్లిమెంట్ తనకే అనుకుని పొరపడిన అమ్మాయి నవ్వుకుంటూ వెళ్లి పోతుంది.  అది చూసి మనమూ పడీ పడీ నవ్వుతాం.
  
  


 హాలీవుడ్ పాప్ సింగర్ బ్రిట్నీ స్పియర్స్ బయోపిక్ రెడీ అవుతోంది. అంతర్జాతీయ సంగీత అభిమానులను అలరించిన ఈ బ్రిట్నీ జీవితాన్ని టీవీ షోగా రూపొందించేందుకు రెడీ అవుతున్నారు. ఇప్పటికే బ్రిట్నీ కూడా తన అంగీకారాన్ని తెలపటంతో త్వరలోనే ఈ ప్రాజెక్ట్ పట్టాలెక్కనుంది. ఈ మేరకు బుధవారం ఓ ప్రకటన వెలువడింది.
 
 ఈ టీవీ షోకు లెస్లీ లిబ్మన్ దర్శకత్వం వహించే అవకాశం ఉండగా ప్రముఖ నటి నటాషా బాస్సెట్, బ్రిట్నీ స్పియర్స్ పాత్రలో నటించనుంది. రెండు గంటల నిడివితో రూపొందనున్న ఈ బయోపిక్లో బ్రిట్నీ స్టార్ డమ్, ఇమేజ్తో పాటు ఆమె జీవితంలోని ఎత్తుపల్లాలను కూడా చూపించనున్నారు. అంతేకాదు జస్టిన్ టింబర్లేక్, అలగ్జాండర్, కెవిన్లతో బ్రిట్నీకి ఉన్న సంబందాలను కూడా ప్రస్థావించనున్నారట. అస్లమ్ ఎంటర్టైన్మెంట్స్ నిర్మిస్తున్న ఈ బయోపిక్కు బ్రిట్నీ అనే టైటిల్ను ఫిక్స్ చేశారు. సెప్టెంబర్ 19న  షూటింగ్ ప్రారంభం కానుంది.


 లండన్: మృత్యువు నుంచి తృటిలో తప్పించుకున్నానని పాప్ సింగర్ బ్రిట్నీ స్పియర్స్ వెల్లడించింది. సెలవులు గడిపేందుకు హవాయ్ వెళ్లినప్పుడు పెద్ద ప్రమాదం నుంచి బయటపడ్డానని తెలిపింది. సముద్రంలో మునిగిపోబోతున్న తనను అంగరక్షకులు కాపాడారని 34 ఏళ్ల ‘టాక్సిస్’  స్టార్ చెప్పింది.
 
 ‘హవాయ్ బీచ్ లో సముద్రంలోకి దిగినప్పుడు హాయ్ గా అనిపించింది. సముద్రతీరం చాలా అందంగా కనిపించింది. కెరటాలతో కేరింతలు కొడుతుండగా ఆరు అడుగుల అల అమాంతంగా నన్ను సముద్రంలోకి లాక్కుపోయింది. నేను మునిగిపోతున్నానని గట్టిగా కేకలు పెట్టాను. ఐదు నిమిషాలు పాటు ఏం జరిగిందో అర్థం కాలేదు. తర్వాత చూస్తే సెక్యురిటీ సిబ్బంది నన్ను ఒడ్డుకు చేర్చినట్టు అర్థమైంది. నీటిలో మునిగిపోకుండా వారు నన్ను రక్షించార’ని బీబీసీ రేడియోకు ఇచ్చిన ఇంటర్వ్యూలో వెల్లడించింది.


 ఇరు ముగన్ : అఫిషియల్ ట్రైలర్ 
 యూట్యూబ్‌లో ‘కబాలి’ తర్వాత ఆ స్థాయిలో ఇప్పుడు ‘ఇరు ముగన్’ చిత్రం హిట్‌ల మీద హిట్‌లు కొడుతోంది! ఇరు ముగన్ అంటే రెండు ముఖాలు అని అర్థం. ఆనంద్ శంకర్ దర్శకత్వంలో వస్తున్న ఈ తమిళ్ సైన్స్ ఫిక్షన్ సైకలాజికల్ థ్రిల్లర్‌లో విక్రమ్, నయనతార, నిత్యామీనన్ నటిస్తున్నారు. సంగీతం హ్యారిస్ జయరాజ్. ఈ చిత్రంపై నిర్మాతలు భారీ అంచనాలు పెట్టుకున్నారు. జయా టీవీ ఇప్పటికే శాటిలైట్ హక్కులను తన్నుకుపోయింది. గత ఏడాది డిసెంబరులో చిత్రం షూటింగ్ ప్రారంభం అయినప్పటికీ పర్‌ఫెక్షన్ కోసం దర్శక, నిర్మాతలు చేస్తున్న ప్రయత్నాలు విడుదలను జాప్యం చేస్తున్నట్లుగా అనిపిస్తోంది.
 
 హాలీవుడ్ తరహాలో అనుక్షణం ఉత్కంఠను కలిగిస్తూ, మధ్య మధ్య మధురమైన ప్రేమ సన్నివేశాలతో ఇరు ముగన్ గిలిగింతలు పెట్టబోతోందని ఈ ట్రైలర్‌ని చూస్తే అర్థమౌతోంది. 
 నిడివి : 2 ని. 17 సె. హిట్స్ : 41,99,362
  
 బ్రిట్నీ స్పియర్స్ : మేక్ మీ వీడియో సాంగ్
 నిడివి : 4 ని. 53 సె. హిట్స్ : 49,33,788
 అమెరికన్ పాప్ గాయని బ్రిట్నీ స్పియర్స్ ఈ నెల 26న విడుదల చేయబోతున్న తొమ్మిదవ స్టుడియో ఆల్బమ్‌లోని లీడ్ సాంగ్ ‘మేక్ మీ..’ రెండు రోజుల క్రితమే యూట్యూబ్‌లోకి అప్‌లోడ్ అయింది. పాటను బ్రిట్నీతో పాటు మ్యాథ్యూ బర్న్, జో జనైక్, గెరాల్డ్ గిల్లమ్ కలిసి ఉమ్మడిగా రాశారు. 
  
 ‘ ఐ యామ్ డ్రీమింగ్ ఎ మైల్ ఎ మినిట్ అబౌట్ సమ్‌బడీ... దిస్ ఫీలింగ్, ఐ వానా గో విత్ ఇట్, కాస్ దేర్ ఈజ్ నో వే... అంటూ మొదలయ్యే మేక్ మీ సాంగ్... ‘మై హార్ట్ ఈజ్ ఆన్ ఫైర్ వెన్ యు ఆర్ అరౌండ్.. మేక్ మీ ఊ ఊ ఊ ఊ... యా, యూ మేక్ మీ ఊ ఊ’’ అని ముగుస్తుంది. యువతరంలో సున్నితమైన భావోద్వేగాలను ప్రేరేపిస్తున్న ఈ వీడియో సాంగ్ ప్రస్తుతానికైతే యు.ఎస్.బిల్‌బోర్డ్ హాట్ 100 చార్ట్‌లో 17వ స్థానంలో ఉంది. చార్ట్‌లదేముంది? మన హార్ట్‌లో నెంబర్ వన్‌గా నిలిచిపోయే పాట... మేక్ మీ.