సాక్షి, హైదరాబాద్‌: మెగాస్టార్‌ చిరంజీవి ఇంటి వద్ద శనివారం భారీగా పోలీసులను మొహరించారు. చిరంజీవి ఇంటిని ముట్టడిస్తామని అమరావతి పరిరక్షణ జేఏసీ పిలుపుఇచ్చినట్టుగా వార్తలు రావడంతో అభిమానులు పెద్ద సంఖ్యలో ఇక్కడికి తరలివచ్చారు. అఖిల భారత చిరంజీవి అభిమాన సంఘం అధ్యక్షుడు రవణం స్వామినాయుడు నాయకత్వంలో మెగా అభిమానులు చిరు ఇంటి వద్దకు చేరుకున్నారు. తమ అభిమాన హీరోకు మద్దతుగా నినాదాలు చేశారు. ఈ నేపథ్యంలో ఎటువంటి ఉ​ద్రిక్తతలు తలెత్తకుండా పోలీసులు చర్యలు చేపట్టారు. చిరంజీవి ఇంటిని ముట్టిడించేందుకు వస్తే సరైన రీతిలో బుద్ధి చెబుతామని స్వామినాయుడు అన్నారు. మెగాస్టార్‌ ఇంటిని ముట్టడించాల్సిన అవసరం ఏముందని ప్రశ్నించారు. చిరంజీవి ఇప్పుడు రాజకీయాల్లో లేరని, సినిమాలు చేసుకుంటున్నారని తెలిపారు. ఆయనపై ఎటువంటి వ్యతిరేక వ్యాఖ్యలు చేసినా ఊరుకోమని హెచ్చరించారు. చిరంజీవి గురించి ఇష్టమొచ్చినట్టు మాట్లాడితే గట్టిగా బుద్ధిచెబుతామన్నారు. తమకు పార్టీలతో సంబంధం లేదని, చిరంజీవి వెంటే ఉంటామని స్పష్టం చేశారు. మూడు రాజధానులకు చిరంజీవి మద్దతు పలికితే తప్పేంటని ప్రశ్నించారు. రాజకీయ ప్రోద్బలంతోనే చిరు ఇంటి ముట్టిడికి సిద్ధమయ్యారా అని అమరావతి జేఏసీని ప్రశ్నించారు. కాగా, చిరంజీవి ఇంటి ముట్టడికి తాము పిలుపునివ్వలేదని అమరావతి పరిరక్షణ సమితి తెలిపింది. (చదవండి: క్లారిటీ ఇచ్చిన అమరావతి జేఏసీ)

భారీ ఫ్యాన్‌ ఫాలోయింగ్ ఉన్న హీరోలకు సంబంధించి సోషల్ మీడియాలో వస్తున్న కామెంట్స్‌ ఒక్కోసారి వివాదాలకు కారణమవుతున్నాయి. కొంత మంది స్టార్స్‌ సరదాగా చేసిన కామెంట్స్ కారణంగా ఫ్యాన్స్‌ హర్ట్‌ అవుతారు. తాజాగా దక్షిణాది హీరో సిద్ధార్థ్‌ చేసిన కామెంట్స్‌ హాట్ టాపిక్‌గా మారాయి. ప్రభాస్‌ పుట్టిన రోజుకు సంబంధించిన సిద్ధార్థ్‌ చేసిన కామెంట్స్‌ పై రెబల్‌ స్టార్‌ ఫ్యాన్స్‌ ఫైర్‌ అవుతున్నారు. తమిళ సినీ విశ్లేషకుడు రమేష్‌ బాలా, ప్రభాస్‌ పుట్టిన రోజుకు మరో వంద రోజులు సమయముందంటూ కౌంట్‌ డౌన్‌ స్టార్ట్‌ అయ్యిందని ట్వీట్ చేశారు. దీనిపై స్పందించిన సిద్ధార్థ్‌ నెక్ట్స్ పుట్టిన రోజుకు 465 రోజులు ఉందంటూ కామెంట్‌ చేశాడు. అయితే సిద్ధార్థ్‌ చేసిన కామెంట్ వెటకారంగా ఉందంటూ ఫ్యాన్స్‌ ఫైర్‌ అవుతున్నారు. కొంత మంది గంతలో ప్రభాస్‌, సిద్ధు కలిసి దిగిన ఫోటోను సిద్ధార్థ్‌కు ట్యాగ్ చేస్తూ ‘ఎందుకు భయ్యా నీ ఫ్రెండే కదా..’ అంటే మరి కొందరు ‘ టాలీవుడ్‌ ఫ్యాన్స్‌ జోలికి వస్తే  చుక్కలు చూపించాల్సి వస్తుంది’ అంటూ కామెంట్‌ చేశారు. సిద్ధార్థ్‌ మాత్రం తన కామెంట్స్‌ను సమర్ధించుకున్నాడు. ‘అందుకే భయ్యా. ఫ్రెండు కాబట్టే ఫ్రీడం తీసుకున్నా. డార్లింగ్‌ కూడా నవ్వుతాడు జోక్‌ విని. ప్రతిదానికి టెన్షన్‌ పడితే లైట్‌ తీసుకోడానికి టైమ్‌ ఉండదు కద భయ్యా?’ అంటూ రిప్లై ఇచ్చాడు. మరి సిద్ధు ఇచ్చిన రిప్లైతో ఫ్యాన్స్‌ శాంతిస్తారేమో చూడాలి. anduke bayya. Friendu kabatte...Freedom teeskunna. Darling kooda navvuthadu joke vini. Pratidaaniki tension padithe lite theeskodaniki time undadhu kadha bayya? https://t.co/YuayXmayWd — Siddharth (@Actor_Siddharth) 16 July 2018


 ఒక్క ఇన్ స్టాగ్రామ్ లోనే 31 లక్షల మంది ఫాలోవర్లు కలిగిన స్టార్ ప్లేయర్ సెరీనాను.. ఫేస్ బుక్, ట్విట్టర్ లను కలుపుకొంటే 87 లక్షల మందికి పైగా ఫాలో అవుతున్నారు. గ్రాండ్ స్లామ్ లతోపాటు నెటిజన్ల అభిమానాన్ని కూడా చూరగొన్న ఈ నల్ల కలువకు 'సోషల్ మీడియా చాంపియన్'అని అవార్డులు కూడా వచ్చాయి. అలా సెరీనాను విపరీతంగా ఆరాధించే ఫ్యాన్స్ ఇటీవల ఆమె స్విమ్ సూట్ ధరించిన ఫొటో విషయంలో మాత్రం తీవ్రఆగ్రహం వ్యక్తం చేస్తున్నారు.
 
 'మోస్ట్ బ్యూటిఫుల్ ఉమన్ ఆఫ్ 2016' శీర్షికతో ప్రఖ్యాత పీపుల్స్ మాగజైన్ ఓ సంచికను రూపొందిస్తోంది. అందులో భాగంగా 34 ఏళ్ల సెరీనా విలియమ్స్ హాట్ హాట్ గా ఫొటోలకు ఫోజులిచ్చింది. ఫొటోషూట్ విశేషాలను అభిమానులకు తెలియజేస్తూ నల్లని స్విమ్ సూట్ ధరించిన ఫొటో ఒకదానిని సెరీనా ఇన్ స్టాగ్రామ్ లో పోస్ట్ చేసింది. క్షణాల్లోనే లక్షల మందికి చేరిపోయిందా ఫొటో. అంతే, సెరీనా చర్యకు అభిమానులు నొచ్చుకున్నారు. ఇంతకీ ఆమె చేసిన పొరపాటు ఏంటంటే..
 
 సెరీనా పోస్ట్ చేసిన ఫొటోలో ఆమె నడుము భాగం ఉన్నది ఉన్నట్లుగా కాకుండా, సన్నగా(ఫొటోషాప్ తో మార్పులు చేసి) కనిపించింది. అభిమాన క్రీడాకారిణి ఎలా ఉంటుందో తెలుసుకాబట్టి ఆ ఫొటో చూసి విస్తుపోయారు ఫ్యాన్స్! ఎందుకిలా ఫొటోషాప్ చేసిన ఫొటోను పోస్ట్ చేశావ్? అంటూ నిమిషాల వ్యవధిలోనే వందలమంది అభిమానులు సెరీనాపై ఆగ్రహం వ్యక్తం చేస్తూ కామెంట్లు చేశారు. దీంతో కంగుతిన్న సెరీనా.. రెండు గంటల్లోపే మొదటి ఫొటోను డిలిట్ చేసి, ఒరిజినల్ ఫొటోను పోస్ట్ చేసింది. అయితే రెండో ఫొటోపైనా కొందరు అభ్యంతరాలు వ్యక్తం చేస్తున్నారు. పాపం సెరీనా!