దుబ్బాక: నగర పంచాయతీ పరిధిలోని లచ్చపేట గ్రామంలో శుక్రవారం వానరానికి హిందూ సంప్రదాయం ప్రకారం అంత్యక్రియలను నిర్వహించారు. కుక్కల దాడిలో తీవ్రంగా గాయపడిన కోతి మరణించింది. దీన్ని గమనించిన గ్రామస్తులు వానరానికి శాస్త్రోక్తంగా అంతిమ యాత్ర నిర్వహించారు. అనంతరం అంత్యక్రియలు నిర్వహించారు. ఈ కార్యక్రమంలో గ్రామ మాజీ సర్పంచ్‌ కూరపాటి బంగారయ్య, గ్రామస్తులు బడుగు రాజు, చెలిముల రాజేశం, బోడ అరుణ్‌, కూరపాటి మురళి తదితరులు పాల్గొన్నారు.