‘‘ప్రస్తుత తరంలో డాలర్లపై మోజుపడే వారి శాతమే ఎక్కువ. డాలర్ల కోసం అమెరికా వెళ్లిపోయి, సొంత గడ్డను కూడా మర్చిపోతున్నారు. ఈ కోవకు చెందినవారి జీవితం ఆధారంగా ‘డాలర్‌కి మరోవైపు’ చిత్రం తీశాం’’ అని నిర్మాత సత్యం అన్నారు. యశ్వంత్, మిత్ర జంటగా పూసల దర్శకత్వంలో బేబి శ్రీక్రితి సమర్పణలో రూపొందిన ఈ చిత్రానికి కమల్‌కుమార్ పాటలు స్వరపరిచారు. ఈ పాటల సీడీని ‘మా’ అధ్యక్షుడు రాజేంద్రప్రసాద్ ఆవిష్కరించారు. ‘‘ప్రస్తుతం సినిమా పరిశ్రమలో చిన్న చేపను పెద్ద చేపలు మింగేస్తున్నాయనీ, అలా కాకుండా సినీ పెద్దలు ఇలాంటి చిన్న చిత్రాలను ప్రోత్సహించాలి’’ అని ఏపీ డిప్యూటీ స్పీకర్ మండలి బుద్ధప్రసాద్ చెప్పారు.
  


 జింఖానా, న్యూస్‌లైన్: మయూర సీసీ బౌలర్ కమల్ కుమార్ (7/35) ప్రత్యర్థి జట్టుకు ముచ్చెమటలు పట్టించాడు. దీంతో ఆ జట్టు 7 వికెట్ల తేడాతో హెచ్‌జీసీ జట్టుపై విజయం సాధించింది. ఎ-డివిజన్ వన్డే లీగ్‌లో భాగంగా ఆదివారం జరిగిన మ్యాచ్‌లో తొలుత బ్యాటింగ్ చేసిన హెచ్‌జీసీ 93 పరుగులకే కుప్పకూలింది.
  
  అనంతరం బరిలోకి  దిగిన మయూర సీసీ 3 వికెట్లు కోల్పోయి 97 పరుగులు చేసి నెగ్గింది. కమల్ కుమార్ (31 నాటౌట్), సంజయ్ సింగ్ (30 నాటౌట్) మెరుగ్గా ఆడారు. మరో మ్యాచ్‌లో విజయ్ సీసీ బౌలర్ దీపాంకర్ 7 వికెట్లు పడగొట్టడంతో ఆ జట్టు 6 వికెట్ల తేడాతో మహావీర్ సీసీ జట్టుపై గెలుపొందింది. మొదట బరిలోకి దిగిన మహావీర్ సీసీ 140 పరుగులకు ఆలౌటైంది. సుధాకర్ 30 పరుగులు చేశాడు. తర్వాత విజయ్ సీసీ 4 వికెట్ల నష్టానికి 141 పరుగులు చేసి గెలిచింది. నాగరాజ్ (39), శివ (36 నాటౌట్) ఫర్వాలేదనిపించారు.
  
  ఇతర మ్యాచ్‌ల స్కోర్లు
   రోషనార: 216 (రాహుల్ 36, వేణు 41; నిరూప్ 6/60); గ్రీన్ టర్ఫ్: 181/7 (ఫరాన్ 37, సుధీర్ 38; నయన్ 4/50).
  
   అపెక్స్ సీసీ: 216/9 (అన్వర్ అలీ 41, అబ్దుల్ అజీమ్ 41; యూసఫ్ 5/58, జగదీశ్ 3/35); ఆడమ్స్ ఎలెవన్: 94 (హషమ్ అలీ 7/39).
  
   రోహిత్ ఎలెవన్: 218/9 ( సాయి రామ్ 35, రంజిత్ 55; ప్రఫుల్ కుమార్ 4/72); ఎస్ రేమాండ్స్: 174 (సుధీర్ 43; రంజిత్ 4/22).
  
   ఏబీ కాలనీ: 126 (అరవింద్ 47, సతీష్ 36, ప్రతీక్ 4/24); వీపీవీఎం: 130/6 (విజయ్  47, షాకీర్ 45, సతీష్ 3/21).
   సెయింట్ ప్యాట్రిక్స్: 102 (కృష్ణ సాయి 5/23); సీకే బ్లూస్: 104/3 (వరుణ్ 39, విష్ణు నాయక్ 36; అభిలాష్ 3/35).
  
  స్పోర్టివ్: 170 (రాము 40; విక్రమ్ 3/45, అంబాదాస్ 4/36); తారకరామ: 172/5 (శివ కుమార్ 70).
  
   స్టార్లెట్స్: 112 (శివ కోటి రెడ్డి 3/30, సావర్ బోరంచ 3/21); టైమ్ సీసీ:  115/2 (సావన్ బోరంచ 40 నాటౌట్, శివ కోటి రెడ్డి 40 నాటౌట్).
  


 జింఖానా, న్యూస్‌లైన్: మహేష్ విద్యాభవన్ బౌలర్ కమల్ కుమార్ 6 వికెట్లతో హెచ్‌పీఎస్-ఆర్ జట్టును దెబ్బతీశాడు. దీంతో మహేష్ విద్యాభవన్ 4 వికెట్ల తేడాతో విజయాన్ని సొంతం చేసుకుంది.
  
  హెచ్‌సీఏ బ్రదర్ జాన్ ఆఫ్ గాడ్ అండర్-14 నాకౌట్ టోర్నీలో శుక్రవారం జరిగిన మ్యాచ్‌లో మొదట బ్యాటింగ్ చేసిన హెచ్‌పీఎస్-ఆర్ 8 వికెట్ల నష్టానికి 158 పరుగులు చేసింది. తరుణ్ సాకేత్ 38 పరుగులు చేశాడు. అనంతరం బరిలోకి దిగిన మహేష్ విద్యాభవన్ 6 వికె ట్లకు 162 పరుగులు చేసింది.
  
  ఆశిష్ శ్రీవాస్తవ్ (50) అర్ధ సెంచరీతో చెలరేగగా... ఓంకార్ గుంజల్ 43 పరుగులు చేసి ఫర్వాలేదనిపించాడు. హెచ్‌పీఎస్-ఆర్ బౌలర్ సాయి తేజ 3 వికెట్లు తీశాడు. మరో మ్యాచ్‌లో సెయింట్ ఆండ్రూస్ జట్టు 71 పరుగుల తేడాతో హెచ్‌పీఎస్-బీ జట్టుపై గెలుపొందింది. తొలుత బరిలోకి దిగిన సెయింట్ ఆండ్రూస్ 171 పరుగులకు ఆలౌటైంది. వైష్ణవ్ (92) అర్ధ సెంచరీతో రాణించాడు. తర్వాత బరిలోకి దిగిన హెచ్‌పీఎస్-బీ 100 పరుగులకే కుప్పకూలింది. సెయింట్ ఆండ్రూస్ బౌలర్ అలంకృత్, ఆదిత్య చెరో మూడు వికెట్లు పడగొట్టారు.