నల్లగొండ: బత్తాయి మార్కెట్ శంకుస్థాపన సభలో కోమటిరెడ్డి వెంకట్‌ రెడ్డిఫై మంత్రి జగదీష్ రెడ్డి నిప్పులు చెరిగారు. కాంగ్రెస్ నాయకులకు ప్రజలే బుద్ది చెప్పా‍లన్నారు. గ్రామ గ్రామాన నిలదీయాలని విన్నవించారు. కోమటిరెడ్డి రెడ్డి నీ బెదిరింపులు నీ నాటకాలు నీ పక్కన వున్న కాంగ్రెస్ ఎమ్మెల్యే దగ్గర చూయించు అని నిప్పులు చెరిగారు.
 కాంగ్రెస్ జులుం తెరాస పార్టీపై చూయించడం మంచిది కాదని, దాడులు చేస్తే ఇలానే ప్రతిఘటన ఉంటుందని హెచ్చరించారు. తాము ప్రజలకు మంచి చేస్తున్నామని..ఎవ్వరికీ భయపడమన్నారు. బత్తాయి మార్కెట​ శంకుస్థాపన సభలో కాంగ్రెస​- టీఆర్‌ఎస్‌ కార్యకర్తల మధ్య బాహా బాహీ జరగడంతో మంత్రి జగదీశ్‌ రెడ్డి పై విధంగా స్పందించారు.


 నల్లగొండ: బత్తాయి మార్కెట్ శంకుస్థాపన సభలో కోమటిరెడ్డి వెంకట్‌ రెడ్డి ప్రవర్తించిన తీరుఫై మంత్రి హరీశ్‌ రావు మండిపడ్డారు. కోమటిరెడ్డి మార్కెట్ శంకుస్థాపన సభను చెడగొట్టాలని ఉద్దేశ్యంతో గొడవ చేశాడని ఆరోపించారు. తాము రైతుల బాగు కోసం కృషి చేస్తుంటే అడ్డుకోవడం సరి కాదన్నారు. రాబోయే రోజుల్లో పుట్టగతులు ఉండవనే  ప్రభుత్వం చేసే ప్రతి పనిని ప్రతిపక్షాలు అడ్డుకుంటున్నాయని విమర్శించారు. కాంగ్రెస్ పాలనలో తెలంగాణా అదో గతి పాలైందన్నారు.
 ఇకనైనా కాంగ్రెస్ నాయకులు నాటకాలు ఆపాలని కోరారు. కోర్టులలో కేసులు వేసి ప్రాజెక్టులను అడ్డుకున్నదని  కాంగ్రెస్  పార్టీ వాళ్లేనని ఆరోపించారు. నల్గొండలో కోమటిరెడ్డి వెంకటరెడ్డిని అరెస్ట్‌ చేసిన పోలీసులు అనంతరం మిర్యాలగూడ డీఎస్పీ ఆఫీసుకు తరలించారు. ఈ విషయం తెలిసిన కాంగ్రెస్‌ కార్యకర్తలు డీఎస్పీ ఆఫీసు ఎదుట ఆందోళనకు దిగారు.