బిగ్‌బాస్‌ మాస్టర్‌ ప్లాన్‌ వేశాడు. ఎలిమినేట్‌ అయిన కంటెస్టెంట్లను తిరిగి హౌస్‌లోకి తీసుకొచ్చి వారితో నామినేషన్స్‌ వేయించాడు. వచ్చిన ప్రతిఒక్కరూ నిఖిల్‌ గ్యాంగ్‌పైనే విరుచుకుపడ్డారు. మరి ఎవరు ఎవరెవర్ని నామినేట్‌ చేశారనేది తెలియాలంటే నేటి (నవంబర్‌ 18) ఎపిసోడ్‌ హైలైట్స్‌ చదివేయండి..గౌతమ్‌పై ప్రేరణ కుళ్లుగత వారం అవినాష్‌, తేజ డేంజర్‌ జోన్‌లో ఉన్నారు. అయితే వీరికి బదులు గౌతమ్‌ ఉండాల్సిందని ప్రేరణ అభిప్రాయపడింది. వచ్చినవారమే గౌతమ్‌ ఎలిమినేట్‌ అవ్వాల్సింది.. ఇప్పుడు ఏకంగా స్ట్రాంగ్‌ ప్లేయర్‌ అయి కూర్చున్నాడు. అదెలాగో నాకర్థం కావట్లేదు. ఈ వారం గౌతమ్‌, విష్ణుప్రియ, యష్మిలలో ఎవరో ఒకరు ఎలిమినేట్‌ అవుతారనుకున్నాను. అంతా రివర్స్‌లో జరుగుతోంది అని నబీల్‌తో ముచ్చట్లు పెట్టింది.వచ్చావా అక్క..తర్వాత బిగ్‌బాస్‌ ఆసక్తికర ఘట్టానికి తెరదీశాడు. ఎలిమినేట్‌ అయిన కంటెస్టెంట్లు హౌస్‌లోకి వచ్చి ఇద్దర్ని నామినేట్‌ చేస్తారన్నాడు. మొదటగా సోనియా.. ప్రేరణను నామినేట్‌ చేసింది. వచ్చావా అక్క అని ప్రేరణ అనడంతో గొడవ పీక్స్‌కు వెళ్లింది. నాకు అక్క కాదు, నిఖిల్‌కు అక్కవి అని ప్రేరణ సంజాయిషీ ఇవ్వడంతో సోనియాకు మరింత తిక్క రేగింది. అతడికి అక్కను అని నువ్వెలా డిసైడ్‌ చేస్తావు? అంటూ గట్టిగా నిలదీసింది. అందుకు బదులుగా దాదాపు మూడునాలుగుసార్లు ప్రేరణతో సారీ చెప్పించుకుంది.తేజది తప్పయినప్పుడు యష్మిది కూడా తప్పేగా?అనంతరం నా పెద్ద కొడుకు నిఖిల్‌ను నామినేట్‌ చేస్తున్నా అంటూ నైస్‌గా మొదలుపెట్టి వైల్డ్‌గా మారిపోయింది. అప్పట్లో పృథ్వీని చిన్న కారణంతో నామినేట్‌ చేశావు. ఎప్పుడైనా కరెక్ట్‌ కారణంతో ఎవర్నైనా నామినేట్‌ చేశావా? యష్మి, ప్రేరణను ఎందుకు నామినేట్‌ చేయలేదంటూ ప్రశ్నల వర్షం కురిపించింది. ఎవిక్షన్‌ షీల్డ్‌గేమ్‌లో తేజ ముందుగా ఎగ్‌ వేశాడని అతడిని వరస్ట్‌ కంటెస్టెంట్‌ అన్నావు.. మరి తేజ ఎగ్‌ వేసేవరకు ఆగి కావాలని యష్మి మరో గుడ్డు వేసింది. ఆమె చేసింది తప్పని ఎందుకు ఒప్పుకోవట్లేదు అని నిలదీసింది.ఆమె ముందు మాట్లాడు.. నిఖిల్‌కు సలహాఅతడి లవ్‌ట్రాక్‌ గురించి మాట్లాడుతూ.. యష్మి నీపై ఫీలింగ్స్‌ చూపించింది.. ఒక మహిళకు గౌరవమిచ్చేవాడివే అయితే.. ఆమె రిలేషన్‌షిప్‌ కోసం హౌస్‌కు రాలేదు, ఆమె ఏం చేస్తే అది పడటానికి రాలేదు అని తన వెనకాల మాట్లాడాల్సిన అవసరం లేదు. అవన్నీ తన ముందే చెప్పాలని గద్దించింది. తన మీద ఇష్టం లేనప్పుడు ఆమె జోలికి వెళ్లకూడదు అని తేల్చేసింది.ఏడ్చేసిన యష్మిసోనియా మాటలతో యష్మి కన్నీళ్లు పెట్టుకుంది. నువ్వు క్లారిటీగా చెప్పుంటే నీ జోలికే వచ్చేదాన్ని కాదని నిఖిల్‌పై మండిపడింది. నిఖిల్‌తో ఒక కలగన్నానే తప్ప తనపై నాకు పెద్ద ఫీలింగ్సే లేవని ప్లేటు తిప్పేసింది యష్మి. చివరగా సోనియా.. నువ్వు నీలా ఉండు నిఖిల్‌, నువ్వు గెలిస్తే సంతోషపడే మొదటి వ్యక్తిని నేనే అంటూ అతడి తలపై గాజు బాటిల్‌ పగలగొట్టింది.బేబక్కపై సెటైర్లుతర్వాత బేబక్క హౌస్‌లోకి వచ్చి అవతలివాళ్లను తక్కువ చేయడం నచ్చలేదంటూ పృథ్వీని నామినేట్‌ చేసింది. దీంతో అతడు.. ప్రేక్షకులు మాకు ఓట్లు వేసి ఇక్కడిదాకా ఉంచారు. మీకు ఓట్లు వేయకుండా ఎలిమినేట్‌ చేశారంటూ సెటైర్లు వేశాడు. చీఫ్‌గా ఉన్నప్పుడు తనకు సపోర్ట్‌ చేయలేదంటూ బేబక్క.. నిఖిల్‌ను నామినేట్‌ చేసింది.గ్రూప్‌ గేమ్‌ మానేస్తే బెటర్‌అనంతరం శేఖర్‌ బాషా హౌస్‌లో అడుగుపెట్టాడు. ప్రేరణలో చిన్నపిల్లల మనస్తత్వం ఎంతో నచ్చేవి. కానీ రానురానూ రూడ్‌గా మారిపోయింది.. కొందర్ని పురుగుల్ని చూసినట్లు చూస్తోందంటూ ఆమెను నామినేట్‌ చేశాడు. గ్రూప్‌ గేమ్‌ మానేస్తే బెటర్‌ అని సలహా ఇచ్చాడు. యష్మిని సైతం గ్రూపిజం కనిపిస్తోందంటూ నామినేట్‌ చేశాడు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

నిఖిల్‌ అంటే ఇష్టమని అతడి వెంట తిరిగింది యష్మి. తనకు అలాంటి ఫీలింగ్స్‌ లేవని నిఖిల్‌ క్లియర్‌గా చెప్పకుండా చెప్పీచెప్పినట్లు చెప్పి తప్పించుకున్నాడు. పైగా యష్మి.. గౌతమ్‌ షర్ట్‌ వేసుకున్నప్పుడు అలగడం, వేరే ఎవరితోనైనా డ్యాన్స్‌ వేస్తే కుళ్లుకోవడం, తనను హత్తుకుని ముద్దుపెట్టడం వంటివి చూసినప్పుడు నిఖిల్‌కు కూడా ఆమె అంటే ఇష్టముందేమో అన్న సంకేతాలు కనిపించాయి.ముసుగులో గుద్దులాటఈ ముసుగులో గుద్దులాట దేనికి? అసలు నీ అభిప్రాయమేంటి? అని నిఖిల్‌ను ముఖం పట్టుకుని అడిగేసింది సోనియా. అందుకతడు ఆ మ్యాటర్‌ను ఎప్పుడో కట్‌ చేశానని, యష్మిపై తనకలాంటి ఉద్దేశమే లేదన్నాడు. అయితే యష్మి మాత్రం అది అబద్ధమని, తనకు ఏదీ క్లారిటీగా చెప్పలేదని వాదించింది. దీంతో నిఖిల్‌కు ఈ ఎపిసోడ్‌ కొంత మైనస్‌గా మారేట్లు కనిపిస్తోంది.పురుగుల్ని చూసినట్లు చూస్తావుఇక బేబక్క.. మనుషుల్ని చాలా తక్కువ చేసి చూస్తుంటావంటూ పృథ్వీని నామినేట్‌ చేశాడు. ఆర్జే శేఖర్‌ బాషా.. ప్రేరణను నామినేట్‌ చేస్తూ అదిరిపోయే పాయింట్లు చెప్పాడు. అవతలివారిని కించపరిచేట్లుగా మాట్లాడతావ్‌.. కొన్నిసార్లు కొందర్ని పురుగుల్ని చూసినట్లు చూస్తావు.. పానీపట్టు టాస్క్‌లో నిఖిల్‌ నిన్ను, యష్మిని రఫ్‌గా హ్యాండిల్‌ చేశాడు. ఆ పాయింట్‌తో నువ్వు నిఖిల్‌ను నామినేట్‌ చేయొచ్చు. కానీ అది వదిలేసి నీ టీమ్‌ మెంబర్‌ అయిన గౌతమ్‌ను ఎందుకు నామినేట్‌ చేశావు? అని ప్రశ్నించాడు.నిఖిల్‌కు లేని బాధ నీకెందుకు?అటు యష్మిని సైతం నామినేట్‌ చేస్తూ.. అవినాష్‌.. రోహిణిని సేవ్‌ చేసి నిఖిల్‌ను నామినేట్‌ చేశాడు. అక్కడ నిఖిలే లైట్‌ తీసుకున్నాడు, కానీ నువ్వెందుకు బాధపడ్డావు? మీ ముగ్గురూ కలిసి గ్రూప్‌ గేమ్‌ ఆడుతున్నారని జనాలకు తెలిసిపోయింది అంటూ యష్మిని నామినేట్‌ చేశాడు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ప్రస్తుత బిగ్‌బాస్ 8లో పాల్గొని రెండో వారానికే ఎలిమినేట్ అయిన కంటెస్టెంట్ శేఖర్ భాషా. తాజాగా ఇతడిని హైదరాబాద్ సైబర్ క్రైమ్ పోలీసులు అరెస్ట్ చేశారని, విచారిస్తున్నారని న్యూస్ ఒకటి వైరల్ అయింది. హర్ష సాయిపై అత్యాచారం కేసులో భాగంగా ఇతడిని అదుపులోకి తీసుకున్నారని కామెంట్స్ వినిపించాయి. కానీ అలాంటిదేం లేదని, తనని అసలు అరెస్ట్ చేయలేదని శేఖర్ భాషా ఇప్పుడు వీడియో రిలీజ్ చేశాడు.కొన్నిరోజుల క్రితం యూట్యూబర్ హర్షసాయిపై ఓ నటి, నిర్మాత కేసు పెట్టింది. తనని లైంగికంగా వేధించి, రూ.2 కోట్లు తీసుకున్నాడని ఆరోపణలు చేసింది. ఈ విషయంలో పోలీసులు హర్షసాయి కోసం వెతుకుతున్నారు. మరోవైపు తనపై పలు ఇంటర్వ్యూల్లో శేఖర్ భాషా అసత్య ఆరోపణలు చేస్తున్నాడని ఈమె సైబర్ క్రైమ్ పోలీసులకు ఫిర్యాదు చేసింది. దీంతో శేఖర్ భాషాని శుక్రవారం రాత్రి పోలీసులు అరెస్ట్ చేసి విచారించినట్లు న్యూస్ ఒకటి బయటకొచ్చింది.(ఇదీ చదవండి: మణికంఠ చిన్న పొరపాటు.. కొత్త మెగా చీఫ్‌గా గౌతమ్)అలాంటిదేం లేదని తాను ప్రో కబడ్డీ లీగ్ చూసేందుకు గచ్చిబౌలి స్టేడియానికి వెళ్లానని, తన ఫోన్ స్విచ్చాఫ్ అయిపోవడం వల్ల తాను అందుబాటులోకి రాలేకపోయానని చెప్పాడు. సోషల్ మీడియాలో వినిపిస్తున్నవన్నీ రూమర్స్ అని అన్నాడు. మరి నిజంగానే శేఖర్ భాషాని అరెస్ట్ చేశారా? లేదంటే ఈ పుకార్లు ఎందుకొచ్చాయనేది తెలియాల్సి ఉంది.శేఖర్ భాషా ఓ రేడియో జాకీ. చాన్నాళ్లుగా ఇండస్ట్రీలో ఉన్నాడు గానీ పెద్ద గుర్తింపు అయితే రాలేదు. రాజ్ తరుణ్-లావణ్య వివాదం జరుగుతుంటే మధ్యలో దూరి కాస్త ఫేమస్ అయ్యాడు. అలా బిగ్‌బాస్ ప్రస్తుత సీజన్ వచ్చాడు. రెండు వారాలు ఉన్నాడో లేదో ఎలిమినేట్ అయిపోయాడు. వైరల్ కావడం ఏ వివాదం జరుగుతుంటే అందులో దూరిపోతున్నాడా అనిపిస్తోంది.(ఇదీ చదవండి: బిచ్చగాడిలా మారిపోయిన స్టార్ హీరో.. ఎవరో గుర్తుపట్టారా?) View this post on Instagram A post shared by RJ Shekar Basha (@shekarbasharj)

బిగ్‌బాస్ 8వ సీజన్‌లో ఊహించని ఎలిమినేషన్ జరిగింది. చాలా వారాల పాటు హౌసులో ఉంటాడనుకున్న శేఖర్ భాషా అనుహ్యంగా బయటకొచ్చేశాడు. కానీ ఇతడి ఎలిమినేషన్ వెనక పెద్ద తతంగమే నడించింది. కానీ బిగ్‌బాస్ మనకు అవేం చూపించలేదు. తాజాగా పలు యూట్యూబ్ ఛానెళ్లకు ఇంటర్వ్యూ ఇచ్చిన శేఖర్ భాషా.. తన ఎలిమినేషన్‌కి కారణాన్ని రివీల్ చేశాడు.రేడియా జాకీ, యాంకర్‌గా చాన్నాళ్లుగా ఇండస్ట్రీలో ఉన్న శేఖర్ భాషా.. రాజ్ తరుణ్-లావణ్య గొడవ మధ్యలో దూరి కాస్త పేరు తెచ్చుకున్నాడు. అదే ఊపులో బిగ్ బాస్ 8లోకి వెళ్లాడు. అయితే హౌస్‪‌లోకి వెళ్లే టైంలో ఇతడి భార్య 9 నెలల గర్భవతి. తాజాగా ఆమె మగ పిల్లాడికి జన్మనిచ్చింది. శనివారం ఎపిసోడ్‌లో హోస్ట్ నాగార్జున ఈ శుభవార్త భాషాకి చెప్పాడు. అప్పటి నుంచి కొడుకుని చూడాలనే ఆరాటం ఎక్కువైంది.(ఇదీ చదవండి: బిగ్‌బాస్ 8: శేఖర్ భాషా ఎలిమినేట్.. రెమ్యునరేషన్ ఎంతంటే?)దీంతో తనకు బయటకెళ్లిపోవాలనుందని మిగతా కంటెస్టెంట్స్ దగ్గర, హౌసులో కెమెరాల ముందు కూడా చెప్పాడు. కానీ ఆ ఫుటేజీని నిర్వహకులు చూపించలేదు. అలానే నేరుగా బయటకు పంపేస్తే షో పరువు పోతుంది కాబట్టి ఓట్లు బాగానే పడినప్పటికీ, బిగ్‌బాస్ బిగ్గెస్ట్ ట్విస్ట్ అని చెప్పి ఇంట్లోని సభ్యులతో శేఖర్ భాషాని బిగ్ బాస్ ఆర్గనైజర్స్ చాలా తెలివిగా బయటకు తీసుకొచ్చారు. ఇదంతా భాషా చెబితే గానీ అర్థం కాలేదు.'నేనే కావాలని బయటకొచ్చేశా. బిగ్‌బాస్ చరిత్రలో ఇదే ఫస్ట్ హ్యాపీ ఎలిమినేషన్. నా కొడుకుని చూడటానికి నేను అడిగి మరీ బయటకు వచ్చేశాను. నాక్కొంచెం ఫుడ్ ప్రాబ్లమ్ కూడా అయింది' అని శేఖర్ భాషా చెప్పాడు. ఎవరు విన్ అవ్వొచ్చు అని అడగ్గా.. తెలుగమ్మాయిలైన సీత, విష్ణుప్రియలలో అయితే బాగుంటుందని అభిప్రాయపడ్డాడు. ఏదేమైనా శేఖర్ భాషా వెళ్లిపోవడాన్ని కూడా బిగ్‌బాస్ చాలా చాకచక్యంగా వాడేసుకున్నాడు.(ఇదీ చదవండి: Bigg Boss 8: అంతా ఫేక్.. నామినేషన్స్‌లో మణికంఠ vs యష్మి)

బిగ్‌బాస్ 8లో రెండో వారం గడిచిపోయింది. ఊహించని విధంగా చాలా వారాలు ఉంటాడనుకున్న ఆర్జే శేఖర్ భాషా ఎలిమినేట్ అయిపోయాడు. బిగ్‌బాస్ తీసుకొచ్చిన తలతిక్క ట్విస్ట్ వల్ల ఇతడికి చాలా అన్యాయమే జరిగిందని చెప్పొచ్చు. కానీ ఏం చేస్తాం కొన్నిసార్లు అలా జరిగిపోతుంటాయంతే. అయితే ఉన్నది కొద్దిరోజులే అయినా గానీ రెమ్యునరేషన్ బాగానే వెనకేసుకున్నాడు. ఇంతకీ చెందే మొత్తం ఎంత? శేఖర్ భాషా ఎలిమినేషన్‌కి కారణం ఏమై ఉండొచ్చు.శేఖర్ భాషా ఎలిమినేట్బిగ్‌బాస్ 8లో ఎప్పుడేం జరుగుతుందో చెప్పలేం. అలానే ఏ వారం ఎవరూ ఎలిమినేట్ అవుతారనేది కూడా చెప్పలేం. అలా తొలివారం బేబక్క ఎలిమినేట్ అయి బయటకొచ్చేయాల్సి వచ్చింది. ఇప్పుడు శేఖర్ భాషా ఎగ్జిట్ అయిపోవాల్సి వచ్చింది. ఆర్జేగా ఒకప్పుడు పాపులర్. షోలోకి రాకముందు రాజ్ తరుణ్-లావణ్య వివాదంలో ఎంటరై కాస్త క్రేజ్ తెచ్చుకున్నాడు. అలానే హౌసులోనూ కామెడీ చేసే బాధ్యతలు తీసుకున్నాడు.(ఇదీ చదవండి: కొరియోగ్రాఫర్ జానీ మాస్టర్‌పై లైంగిక వేధింపుల కేసు)అదే శాపమైందా?కానీ బిగ్‌బాస్ తీసుకొచ్చిన కొత్త రూల్ శేఖర్ భాషాకు శాపమైంది. ఎలిమినేషన్ ప్రక్రియలో భాగంగా ఓటింగ్ పరంగా చివరి రెండు స్థానాల్లో ఆదిత్య ఓం, శేఖర్ భాషఆ నిలిచారు. అయితే హౌసులో ఎవరు ఉండాలి? ఎవరు ఎలిమినేట్ అవ్వాలనేది ఆడియెన్స్ కాకుండా మిగిలిన హౌస్‌మేట్స్ డిసైడ్ చేస్తారని చెప్పి బిగ్ బాస్ ట్విస్ట్ ఇచ్చాడు. దీంతో సీత తప్పితే అందరూ శేఖర్ భాషా హౌస్ నుంచి వెళ్లిపోవాలని తీర్మానించేశారు.ఎన్ని లక్షలు వచ్చాయి?ఎంటర్‌టైన్ చేస్తూ రోజురోజుకీ శేఖర్ భాషా స్ట్రాంగ్ అవుతున్నాడు. ఈ విషయం బహుశా మిగిలిన హౌస్‌మేట్స్‌‌కి అనిపించడం వల్లనో ఏమో గానీ ఎలిమినేట్ చేసి పంపిశారు. అయితే వారానికి రూ.2.5 లక్షలు చొప్పున రెండు వారాల్లో రూ.5 లక్షల్ని ఇతడు సొంతం చేసుకున్నట్లు తెలుస్తోంది. ఇకపోతే రీసెంట్‌గానే ఇతడి భార్యకి కొడుకు పుట్టాడు. (ఇదీ చదవండి: బిగ్ బాస్ 8: బాషాకు మూకుమ్మడిగా అన్యాయం.. బ్రేకప్‌ స్టోరీ చెప్పిన సీత)

బయట జనాలు చూస్తున్నారు, చూస్తున్నారు అంటూ విష్ణుప్రియ విషయంలో జాగ్రత్తగా ఉండమని నాగార్జున సోనియాకు బాగానే హింట్లు ఇచ్చాడు. ఆటలో చివర్లో ఉంటుందేమో కానీ ఇలాంటివి క్యాచ్‌ చేయడంలో ముందుండే సోనియా నేడు మొత్తం విష్ణుప్రియ పక్కనే కూర్చుంది. అంటే అప్పుడే స్నేహం మొదలెట్టేసిందన్నమాట! అటు శేఖర్‌ బాషాను అన్యాయంగా ఎలిమినేట్‌ చేశారు. ఇంకా హౌస్‌లో ఏమేం జరిగాయో నేటి (సెప్టెంబర్‌ 15) ఎపిసోడ్‌ హైలైట్స్‌లో చదివేయండి..నిఖిల్‌కు నా గైడెన్స్‌ అవసరం: సోనియాసోనియా పాటతో ఫండే ఎపిసోడ్‌ మొదలైంది. తర్వాత హౌస్‌ను రెండు టీములుగా విడగొట్టే పనికి పూనుకున్నాడు నాగ్‌. నిఖిల్‌, అభయ్‌ టీమ్స్‌లోకి ఎవరు వెళ్లాలనుకుంటున్నారో చెప్పాలని హౌస్‌మేట్స్‌ను అడిగాడు. అలా సీత, మణికంఠ, విష్ణుప్రియ, పృథ్వీ, సోనియా.. నిఖిల్‌ టీమ్‌ను ఎంచుకున్నారు. ఈ క్రమంలో సోనియా.. నా అవసరం, నా గైడెన్స్‌ నిఖిల్‌కు ఎక్కువ అవసరం అంటూ తన గురించి గొప్పగా చెప్పుకుంది. హౌస్‌లోనే టాప్‌ పర్ఫామర్‌ అయిన నిఖిల్‌కు ఇంతవరకు ఏ గేమ్‌లోనూ గెలవని సోనియా.. గైడెన్స్‌ ఇస్తాననడం కాస్త విడ్డూరంగా అనిపించకమానదు. విష్ణుప్రియతో గొడవలకు ఫుల్‌స్టాప్‌!అభయ్‌ టీమ్‌లో యష్మి, ప్రేరణ, ఆదిత్య, నబీల్‌, మణికంఠ ఉన్నారు. అభయ్‌ టీమ్‌కు కాంతార, నిఖిల్‌ టీమ్‌కు శక్తి అన్న పేర్లు ఫిక్స్‌ చేశారు. అనంతరం విష్ణుప్రియ సేవ్‌ అయినట్లు ప్రకటించడంతో సోనియా వెళ్లి ఆమెను హగ్‌ చేసుకుంది. నాగ్‌ ఇచ్చిన హింట్లను బాగానే తలకు ఎక్కించుకుందని చూసేవారికి ఇట్లే అర్థమైపోయింది. తర్వాత శక్తి, కాంతారల టీమ్స్‌తో సరదా గేమ్‌ ఆడించారు. ఇందులో రెండు టీమ్స్‌కు టై అయింది. దీంతో ఎవరైనా తన బ్రేకప్‌ స్టోరీ చెప్తే వారికి ఎక్స్‌ట్రా పాయింట్‌ ఇస్తానన్నాడు నాగ్‌. అలా అన్నాడో లేదో సీత టక్కున లేచి తన విషాద లవ్‌ స్టోరీని మొదలుపెట్టింది. ఆరు నెలల్లో 14 కిలోలు తగ్గానా ఐదేళ్ల ప్రేమ గతేడాది ఏప్రిల్‌తో ముక్కలైంది. మా ఇంట్లో చెప్పి పెళ్లికి సైతం ఒప్పించాక ఆ అబ్బాయి వదిలేశాడు. ఆరు నెలలపాటు తనను ఒప్పించేందుకు ఎంతో ప్రయత్నించాను. ఈ క్రమంలో అతడు నన్ను ఏడాది నుంచి మోసం చేస్తున్నాడని తెలుసుకున్నాను. ఆ బ్రేకప్‌ బాధ వల్ల 14 కిలోల బరువు తగ్గాను. బాధ నుంచి బయటపడేందుకు సైక్రియాట్రిస్ట్‌ను కలిశాను. ఇప్పుడు ఆలోచిస్తుంటే బ్రేకప్‌ అవడమే మంచిదైందనిపిస్తోందని సీత పేర్కొంది. సీత పాయింట్‌ గెలవడంతో తన శక్తి టీమ్‌ విజేతగా నిలిచింది.హౌస్‌మేట్స్‌ చేతిలో ఎలిమినేషన్‌మీకు గిఫ్ట్‌ హ్యాంపర్‌ కావాలా? ప్రైజ్‌మనీలో మరో రూ.15 వేలు యాడ్‌ చేయాలా? అని నాగ్‌ రెండు ఆఫర్స్‌ ముందు పెట్టాడు. టీమ్‌ ముక్తకంఠంతో ప్రైజ్‌మనీ పెరగడమే ముఖ్యమని తేల్చి చెప్పింది. దీంతో ప్రైజ్‌మనీ రూ.5,60,000​కు చేరింది. తర్వాత సీత సేవ్‌ అయినట్లు నాగ్‌ ప్రకటించాడు. అనంతరం నాగార్జున పెద్ద ట్విస్ట్‌ ఇచ్చాడు. నామినేషన్‌లో మిగిలిన బాషా, ఆదిత్యలలో ఎవరు సేవ్‌ అవ్వాలి? ఎవరు ఎలిమినేట్‌ అవ్వాలనేది హౌస్‌మేట్స్‌ నిర్ణయించాలన్నాడు. సీత తప్ప ప్రతి ఒక్కరూ బాషా గేమ్‌పై ఫోకస్‌ చేయలేకపోతున్నాడని, తను వెళ్లిపోవడమే మంచిదని నిర్ణయించారు. సీత మాత్రమే బాషాకు సపోర్ట్‌ఆదిత్యకు పూలమాల వేసి ఇంట్లో ఉండాలని కోరుకున్నారు. శేఖర్‌ లేకుండా ఇంటిని ఊహించలేకపోతున్నా అని సీత మాత్రమే అతడికి సపోర్ట్‌ చేసింది. ఫైనల్‌గా శేఖర్‌ ఎలిమినేట్‌ అని చెప్పడంతో విష్ణుప్రియ, సీత, నైనిక ఏడ్చేశారు. వాళ్లను ఓదార్చిన బాషా.. వెళ్లేముందు కూడా అందర్నీ నవ్వించి పోయాడు. నేను జోక్‌ చేస్తే మీరు వినేస్తారో లేదో కానీ మీరు అందరి హార్టులు విన్‌ చేస్తారు అని తెలిపాడు.ఎవరు ఫేక్‌? ఎవరు రియల్‌?స్టేజీపైకి వచ్చిన బాషాతో.. ఎవరు ఫేక్‌, ఎవరు రియల్‌ అన్నది చెప్పమని గేమ్‌ ఆడించాడు. అలా బాషా ముందుగా.. సీత.. మనసులో ఏదనిపిస్తే అదే మాట్లాడుతుంది, విష్ణుప్రియ.. చాలా అమాయకురాలు, ప్రేరణ.. జెన్యూన్‌, తను కూడా మనసులో ఏదనిపిస్తే అది మాట్లాడుతుంది అంటూ ముగ్గురి ఫోటోలను రియల్‌ పర్సన్‌ లిస్టులో చేర్చాడు. సోనియాకు రెండు ముఖాలుఫేక్‌ మనుషుల గురించి ప్రస్తావిస్తూ సోనియా.. నవ్వు చాలా ప్రశాంతంగా అనిపించింది. కానీ నామినేషన్‌లో మాత్రం కాళి అవతారం చూశాను. తనకు రెండు ముఖాలున్నాయి. మణికంఠ కావాలనే ఫేక్‌ ఫేస్‌ పెట్టుకుంటాడు. బహుశా అది అతడి స్ట్రాటజీయేమో! ఆదిత్య.. తను నన్ను నామినేట్‌ చేసినప్పుడు స్పోర్టివ్‌గా తీసుకున్నాను. కానీ నేను నామినేట్‌ చేస్తే దాన్నతడు స్పోర్టివ్‌గా తీసుకోలేదు అని ఈ ముగ్గురినీ ఫేక్‌ లిస్టులో చేర్చాడు. మొత్తానికి ఒక మంచి వ్యక్తిని బిగ్‌బాస్‌ హౌస్‌ కోల్పోయింది.బిగ్‌బాస్‌ ప్రత్యేక వార్తల కోసం ఇక్కడ క్లిక్‌ చేయండి

బిగ్‌బాస్ 8వ సీజన్ ఉందా లేదా అన్నట్లే సాగుతోంది. మిగతా రోజుల్లో ఎపిసోడ్స్ చూసినా చూడకపోయినా సరే వీకెండ్ వస్తే మాత్రం ఆడియెన్స్ అలెర్ట్ అయిపోతారు. దానికి కారణం నాగార్జున వస్తాడు. అలానే ఎలిమినేషన్ ఉంటుంది. ఈసారి కూడా ఊహించని వ్యక్తి ఎలిమినేట్ కాబోతున్నాడని తెలుస్తోంది. అయితే దానికోసం ఈసారి పెట్టిన ట్విస్ట్ కాస్త విచిత్రంగా అనిపించింది. ఇందుకు సంబంధించిన ప్రోమో ఇప్పుడు విడుదలైంది.సెప్టెంబరు 1న 8వ సీజన్ మొదలవగా.. తొలివారం బేబక్కని ఎలిమినేట్ చేసి పంపేశారు. ఇక రెండో వారం ఎలిమినేషన్ లిస్టులో నాగమణికంఠ, కిర్రాక్‌ సీత, పృథ్వీ శెట్టి, నైనిక, శేఖర్‌ బాషా, విష్ణుప్రియ, ఆదిత్య, నిఖిల్‌ ఉన్నారు. వీళ్లలో విష్ణుప్రియ, నిఖిల్ ఓటింగ్‌లో ముందున్నారు. అలానే తాజా ప్రోమోలోనూ ఆదిత్య, మణికంఠ, పృథ్వీ, శేఖర్ భాషాని ఎలిమినేట్ విషయంలో హైలైట్ చేశారు. అంటే చివరగా వీళ్లు నలుగురే మిగులుతారని అనిపిస్తోంది.(ఇదీ చదవండి: ఈసారి అతడే ఎలిమినేట్‌.. ముందే స్కెచ్చేసిన బిగ్‌బాస్‌!)ప్రతివారం చివరి స్థానంలో నిలిచిన వాళ్లని ఎలిమినేట్ చేసి పంపించేస్తుంటారు. అయితే ఈసారి అలా కాకుండా చివరి రెండు స్థానాల్లో ఉన్నవాళ్లలో ఎవరు ఎలిమినేట్ అవ్వాలో మిగిలిన హౌస్‌మేట్స్ డిసైడ్ చేస్తారని హోస్ట్ నాగార్జున షాకిచ్చాడు. మిగతా గేమ్స్ విషయంలో పర్లేదు గానీ కీలకమైన ఎలిమినేషన్‌లో ఇలా హౌస్‍‌మేట్స్ నిర్ణయం తీసుకోవడం అన్నది ఇదే తొలిసారి అవుతుంది.సోషల్ మీడియాలో వినిపిస్తున్న దాని ప్రకారం శేఖర్ భాషాని రెండో వారం ఎలిమినేట్ చేసి పంపేశారని తెలుస్తోంది. కామెడీ చేస్తూ హౌసులో ఉంటాడనుకున్న ఇతడిని పంపేయడం కాస్త షాకింగ్ అని చెప్పొచ్చు. అయితే ముక్కు అవినాష్ లేదా రోహిణి తర్వాతి వారాల్లో హౌసులోకి వచ్చే అవకాశముందని తెలుస్తోంది. అంటే శేఖర్ భాషాతో మిస్సయిన కామెడీని ఇలా భర్తీ చేయిస్తారేమో? (ఇదీ చదవండి: బిగ్‌బాస్‌: సీత, సోనియా అలా ప్రవర్తించడానికి కారణమిదే!)

శేఖర్‌ బాషాకు బిగ్‌బాస్‌ ఒక గుడ్‌న్యూస్‌ చెప్పాడు. ఒక బ్యాడ్‌న్యూస్‌ రేపు సడన్‌గా రివీల్‌ చేయనున్నాడు.. తనకు బాబు పుట్టాడన్నది శుభవార్త అయితే... ఈ వారం తనే ఎలిమినేట్‌ కానున్నాడనేది బ్యాడ్‌న్యూస్‌. నిండు గర్భవతిని వదిలి బిగ్‌బాస్‌కు వచ్చిన బాషా.. తాను తండ్రినయ్యానన్న విషయం తెలిసి ఎమోషనలయ్యాడు.మరోవైపు సోనియా.. విష్ణుపప్రియ విషయంలో నోరు జారిన విషయాన్ని ప్రస్తావించాడు. నీకంటూ పట్టించుకునేవాళ్లు ఎవరూ లేరేమో.. నాకు ఫ్యామిలీ ఉంది. మమ్మల్ని పట్టించుకునేవాళ్లున్నారు అని విష్ణుప్రియ బాధపడేలా మాట్లాడింది. ఈ వీడియో ప్లే చేసిన నాగ్‌.. అలా మాట్లాడటం కరెక్టేనా? మాట అదుపులో పెట్టుకోవడం చాలా అవసరం అని సోనియాను హెచ్చరించాడు. చదవండి: ఆ ముగ్గురిలో అతడే ఎలిమినేట్‌! బిగ్‌బాస్‌ ప్లాన్‌ ప్రకారమే జరిగిందా?

బిగ్‌బాస్‌ తెలుగు ఎనిమిదో సీజన్‌ లాంచింగ్‌ రోజు 14 మంది కంటెస్టెంట్లు హౌస్‌లో అడుగుపెట్టారు. విష్ణుపప్రియ, ఆదిత్య ఓం వంటివాళ్లు తప్ప మిగతా అందరూ జనాలకు పెద్దగా పరిచయం లేనివాళ్లే! కానీ రోజులు గడిచేకొద్దీ అందరూ సుపరిచితులైపోయారు. అంతలోనే ఎలిమినేషన్‌ దగ్గరకు రాగా బేబక్క ఇంటిని వీడింది..రెండో వారం నామినేషన్‌లో..మొదట్లో గమ్ముగా కూర్చున్న ఆమె వెళ్లిపోయేముందు మాత్రం తనలో ఫైర్‌ చూపించింది. ఇక రెండో వారం నాగమణికంఠ, కిర్రాక్‌ సీత, పృథ్వీ శెట్టి, నైనిక, శేఖర్‌ బాషా, విష్ణుప్రియ, ఆదిత్య, నిఖిల్‌ నామినేషన్‌లో ఉన్నారు. వీరిలో నిఖిల్‌, విష్ణుప్రియ అందరికంటే ముందు సేవ్‌ అవుతారనడంలో డౌటే లేదు. రోజురోజుకీ ఆట మెరుగుపర్చుకుంటున్న మణికంఠకూ బాగానే ఓట్లు పడుతున్నాయి. నైనికకు కూడా ఓట్లు పర్వాలేదనిపిస్తున్నాయి. సీతను కాపాడింది అదే!మిగిలిందల్లా ఆదిత్య, సీత, శేఖర్‌ బాషా, పృథ్వీ. ఈ నలుగురిలో ఈ వారం గేమ్‌లో రఫ్ఫాడించింది సీత. ఆమె డేంజర్‌ జోన్‌లో ఉన్నప్పటికీ తన గేమ్‌ ఆమెను కాపాడింది. పృథ్వీ.. గొడవలకు సై అంటూ దూకుతున్నాడు కాబట్టి.. ఆ కొట్లాటల కోసం మరికొన్నాళ్లు అలాగే కొనసాగించే ఛాన్స్‌ ఉంది. మిగిలింది బాషా, ఆదిత్య. కావాలనే..హౌస్‌లో అంతో, ఇంతో నవ్విస్తోంది బాషాయే! తన జోకులతో, పంచులతో చిరాకు పుట్టిస్తూనే చిరునవ్వు తెప్పిస్తున్నాడు. కానీ ఈ వారం అతడికి గేమ్స్‌ ఆడే అవకాశమే బిగ్‌బాస్‌ ఇవ్వలేదు. ఈ లెక్కన తనను పంపించేయాలని ముందే డిసైడ్‌ అయినట్లు తెలుస్తోంది. అటు ఆదిత్య.. హౌస్‌లో ఉన్నాడా? లేడా? అన్నట్లుగానే ఉన్నాడు. ఆదిత్య ఉన్నాడా? లేదా?ఈ వారమైనా కాస్త కనిపించమని నాగ్‌ చెప్పినా సరే ఎక్కడా యాక్టివ్‌గా ఉన్నట్లు కనిపించలేదు. దీంతో ఇతడిని ఎలిమినేట్‌ చేయడం ఖాయమని అంతా అనుకున్నారు. అయితే ప్రస్తుతం సోషల్‌ మీడియాలో వినిపిస్తున్న సమాచారం ప్రకారం ఆదిత్యను సేవ్‌ చేసి బాషాను ఎలిమినేట్‌ చేశారట!బాషా ఎలిమినేట్‌!త్వరలోనే అవినాష్‌ లేదా రోహిణి వంటి కమెడియన్స్‌ను వైల్డ్‌ కార్డ్‌ ఎంట్రీలుగా హౌస్‌లోకి పంపించాలన్నది బిగ్‌బాస్‌ ప్లాన్‌. ఇందుకోసమే తనకు తెలిసిన కామెడీతో నవ్విస్తున్న బాషాను బయటకు పంపిస్తున్నారట! మరి ఇదెంత వరకు నిజమో తెలియాల్సి ఉంది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

నిన్న గొడవలతో వేడెక్కిన బిగ్‌బాస్‌ హౌస్‌ నేడు ఎమోషనల్‌గా మారనుంది. కంటెస్టెంట్లకు సంబంధించిన గిఫ్టులను ముందుపెట్టిన బిగ్‌బాస్‌ ఇవి అందరికీ కాదని, కొందరికి మాత్రమేనని తిరకాసు పెట్టాడు. దీంతో హౌస్‌మేట్స్‌ తమకు వచ్చిన గిఫ్టులను చూసి భావోద్వేగానికి లోనయ్యారు. ఆ బహుమతుల వెనక ఉన్న స్టోరీని బయటపెట్టారు.మణికంఠ సూపర్‌..తాజాగా రిలీజ్‌ చేసిన ప్రోమోలో.. ఆదిత్య తన తండ్రి ఫోటో చూసి ఎమోషనల్‌ అయ్యాడు. నాలో ఉన్న చెడు లక్షణాలు నేనే నేర్చుకున్నాను.. కానీ మంచి లక్షణాలు మాత్రం తన తండ్రి నుంచే వచ్చాయన్నాడు. మణికంఠకు శాలువా లాంటిది వచ్చింది. అయితే కంటెస్టెంట్లు దాన్ని ఏదో సింపతీతో తనకు ఇవ్వాలని మాత్రం కోరుకోవడం లేదన్నాడు.కరోనా టైంలో నాన్న..ఇప్పటికే సింపతీ గేమ్‌ అన్న ముద్ర పడటంతోనే తను గిఫ్టును సైతం ఆశించకుండా గుండె రాయి చేసుకుని నిలబడ్డాడు. నబీల్‌ వంతు రాగా.. మా నాన్నతో దిగిన చివరి ఫోటో ఇదే.. ఆయన కరోనా వల్ల చనిపోయారని తెలిపాడు. పృథ్వీ మాట్లాడుతూ.. ఆగస్టు 15న నేను మా నాన్నతో చాలా సేపు మాట్లాడాను. అదే ఆయన చివరి రోజు అవుతుందనుకోలేదు అని చెప్పాడు. నాన్న ప్రేమ తెలీదుఇక చివర్లో బాషా తండ్రి గొప్పదనం గురించి చెప్తూ ఏడ్చేశాడు. మనందరికీ నాన్నంటే చాలా ఇష్టం. కానీ నాన్నకు మనమంటే ఎంతిష్టమనేది చాలామందికి తెలియదు. మీరు నాన్నయితే తప్ప ఆ ప్రేమ తెలియదు అని ఏడ్చేశాడు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

వంట చేస్తూ అందరి కడుపు నింపిన బేబక్కను మొదటివారమే పంపించేశారు. దీంతో నిఖిల్‌ గరిట తిప్పాల్సిన పరిస్థితి! కానీ ఒక్కరికోసం మాత్రమే స్పెషల్‌గా వండాడు. మరోవైపు బేబక్క ఎలిమినేషన్‌తో నైనిక, సీతకు బయట ఏం జరుగుతుందో అర్థమైపోయింది. జనాలు ఎటువంటి గేమ్‌ను ఎంకరేజ్‌ చేస్తున్నారు? ఏంటనేది సినిమా క్లియర్‌గా తెలిసిపోయింది. ఇక నామినేషన్స్‌ను కంటెస్టెంట్లు యుద్ధంలా పూర్తి చేశారు. హౌస్‌లో ఇంకా ఏమేం జరిగాయో నేటి (సెప్టెంబర్‌ 9) ఎపిసోడ్‌ హైలైట్స్‌లో చదివేయండి..చిట్టా పెద్దగానే ఉందే!ఎవరు ఎలిమినేట్‌ అవుతారనుకున్నానో వాళ్లే ఫస్ట్‌ సేవ్‌ అయ్యారంటూ తన బాధను బయటపెట్టింది విష్ణుప్రియ. అయినా సోనియా ఎలిమినేట్‌ అవుతుందని ఎలా అనుకున్నావని ప్రేరణ నోరెళ్లబెట్టింది. అనంతరం పృథ్వీ.. సోనియాకు ఎలాంటి అబ్బాయి నచ్చుతాడనేది కూపీ లాగింది. అందుకామె.. నన్ను అర్థం చేసుకోవాలి, ప్రోగ్రెసివ్‌గా ఉండాలి, ఎంత ఎదిగినా ఒదిగి ఉండాలి, ముఖ్యంగా నేను చేయాలనుకున్నదానికి అడ్డుపడొద్దు, నా అంత బుద్ధి ఉండొద్దు అని కోరికల చిట్టా బయటపెట్టింది.ఆమెకు ఇష్టమైన కూర చేసిన నిఖిల్‌మరోపక్క ఈమె మెంతి టమాట కూర తినాలని కోరిక పుట్టడంతో నిఖిల్‌ కిచెన్‌లో గరిట తిప్పాడు. ఈ విషయాన్ని సీత బయటపెట్టడంతో విష్ణుప్రియ నోరెళ్లబెట్టింది. తర్వాత నామినేషన్‌ ప్రక్రియ మొదలైంది. కంటెస్టెంట్లు తమ టీమ్‌లోని సభ్యులను మినహాయించి అవతలి టీమ్స్‌లో ఎవరినైనా నామినేట్‌ చేయొచ్చని బిగ్‌బాస్‌ (#BiggBoss8Telugu) తెలిపాడు. పెద్ద టీమ్‌ చీఫ్‌ అయిన కారణంగా యష్మి నామినేషన్స్‌లో ఉండబోదని పేర్కొన్నాడు.కోరిక తీర్చేసుకున్న సీతమొదటగా సీత.. గతవారమే నిన్ను నామినేట్‌ చేయాలనుకున్నాను, ఇప్పుడు ఆ ఛాన్స్‌ దొరికిందంటూ నిఖిల్‌పై రంగు పోసింది. చెత్తబుట్టలో నుంచి గ్లాస్‌ తీసి బయటపెట్టడం నన్ను అవమానించినట్లుగా అనిపించిందని ప్రేరణను నామినేట్‌ చేసింది. అభయ్‌.. ఇంకా బెస్ట్‌ ఇవ్వాలంటూ విష్ణుప్రియను, ఇన్వాల్వ్‌మెంట్‌ తక్కువైందంటూ ఆదిత్యను నామినేట్‌ చేశాడు. సోనియా వర్సెస్‌ సీతసోనియా.. చీఫ్‌గా ఫెయిలైందంటూ నైనికను నామినేట్‌ చేసింది. సీతను నిలబెట్టి.. టాస్కులు అర్థం చేసుకోలేకపోతున్నావంటూ క్లాసు పీకింది. అభయ్‌తో జరిగిన గొడవలోనూ నీకు పర్సనాలిటీ ప్రాబ్లమ్‌ ఉందని తేలిందని, నీకింకా మెచ్యూరిటీ రావాలంటూ తిట్టిపోసింది. అసలు టీమ్‌లో ఎలా ఉండాలో కూడా తెలియదని చులకన చేసింది. టోటల్‌గా గ్రూప్‌ అంతా ఫెయిలైందని స్టేట్‌మెంట్‌ ఇచ్చింది. ఇదంతా విన్న సీత.. నువ్వు గేమ్‌ను అర్థం చేసుకున్నాక నాతో మాట్లాడని కౌంటరిచ్చింది. నీకు మెచ్యూరిటీ లేదని తిరిగనేసరికి.. మెచ్యూరిటీ గురించి మాట్లాడొద్దని సోనియా హెచ్చరించింది.ఆదిత్యపై పడ్డారే!మణికంఠ.. ప్రతి మనిషి గురించి పాజిటివ్స్‌ చెప్తున్నారు. అది సేఫ్‌ గేమా? లేదంటే మీ వ్యక్తిత్వమే అలాంటిదా? అనేది అర్థం కావడం లేదు. అలాగే నామినేషన్స్‌ ఒత్తిడిని ఎలా తీసుకుంటావో చూడాలనుందని ఆదిత్యను నామినేట్‌ చేశాడు. అందుకతడు.. మీరు నాకు పబ్లిసిటీ చేస్తున్నారంటూ నవ్వుతూ స్వీకరించాడు. సీరియస్‌ టైంలో కుళ్లు జోకులు వేస్తున్నావని, అలాగే స్వీట్లు తీసుకెళ్లి దాచేశావని బాషాను నామినేట్‌ చేశాడు.ఆరని జ్వాలఆదిత్య వంతు రాగా.. స్ట్రాంగ్‌ కంటెండర్‌ అంటూ అభయ్‌ నవీన్‌ను, ఈ గేమ్‌కు మీరు ఫిట్‌ కాదంటూ శేఖర్‌ బాషాను నామినేట్‌ చేశాడు. విష్ణుప్రియ.. నా తప్పులు వెతకడానికి నాతో జర్నీ చేశానని గతవారం నామినేషన్‌లో చెప్పడం నచ్చలేదని మణికంఠపై రంగు చల్లింది. తర్వాత సోనియాను నామినేట్‌ చేస్తూ.. మీకు కోపం వచ్చినప్పుడు అవతలివారిపై నిందలు వేస్తున్నారంది.దుస్తులు సరిగా వేసుకోవు!అందుకామె.. నీకు నాతో అంత ర్యాపో లేకపోయినా నాపై జోకులు వేశావు.. సారీ చెప్పినంత మాత్రాన మాటల్ని వెనక్కు తీసుకోలేం.. నువ్వు అడల్ట్రేటెడ్‌ జోకులు చేస్తావు.. ఇప్పటికీ అదే అంటాను. బట్టలు సరిగా వేసుకుని ఒక మనిషి పక్కన నిల్చోవాలనేది కూడా నీకు తెలియదు కదా.. ఒకరు కంఫర్ట్‌గా లేరని తెలిసినా కూడా అలా వారి పక్కన నిల్చున్నప్పుడే నీ వ్యక్తిత్వం తెలుస్తోంది అంటూ విష్ణుప్రియను మరింత రెచ్చగొట్టింది. పచ్చకామెర్లు ఉన్నవాడికి లోకమంతా పచ్చగానే కనిపిస్తుందని సెటైర్లు వేసింది విష్ణుప్రియ.ఒకే ఒక్కడితో ప్రాబ్లమ్‌బాషా వంతు రాగా.. నాకు ఒకే ఒక్కడితో ప్రాబ్లమ్‌.. అతడే మణికంఠ.. అతడు జనజీవన స్రవంతిలో కలవనంతవరకు నామినేట్‌ చేస్తూనే ఉంటానంటూ తనపై రంగు గుమ్మరించాడు. నేను బిగ్‌బాస్‌కు అన్‌ఫిట్‌ అని మీరు నిర్ణయించడం బాధేసిందంటూ ఆదిత్య ఓంను నామినేట్‌ చేశాడు. వీళ్ల రూటే సెపరేటుదీంతో ఆదిత్య.. నా వయసులో ఏం జరుగుతుందో మీకు తెలియదు.. నేను ఫ్యామిలీని వదిలేసి వచ్చాను. అన్ని పనులు చేస్తున్నాను అంటూ సంబంధం లేకుండా ఏదేదో మాట్లాడాడు. నిజానికి వీళ్లిద్దరూ ఒకర్ని ఒకరు నామినేట్‌ చేసుకున్నారు కానీ మనసులో మాత్రం బాధపడుతున్నారని చూసే జనాలకు ఇట్టే తెలిసిపోతుంది. అందుకే నామినేషన్‌ అయ్యాక హగ్‌ చేసుకుని ముద్దులు పెట్టుకున్నారు.బిగ్‌బాస్‌ ప్రత్యేక వార్తల కోసం ఇక్కడ క్లిక్‌ చేయండి

మణికంఠ ఏడుపు ఆగిందో లేదో ఇటు విష్ణుప్రియ, సోనియాల పంచాయితీ మొదలైంది. ఇది రేపటి నామినేషన్‌ ముగిసేదాకా తెగేలా లేదు. కంటెస్టెంట్ల తప్పొప్పులు చెప్పే నాగ్‌ ఫస్ట్‌ వీక్‌.. అందర్నీ చూసీచూడనట్లు వదిలేశాడు. ఎవరినీ గద్దించలేదు, ఎవరినీ బుజ్జగించలేదు. ముందుగా ఊహించినట్లుగానే బేబక్కను ఎలిమినేట్‌ చేశారు. హౌస్‌లో ఇంకా ఏమేం జరిగాయో తెలియాలంటే నేటి (సెప్టెంబర్‌ 7) ఎపిసోడ్‌ హైలైట్స్‌ చదివేయండి.ప్రైజ్‌మనీ ఎంతంటే?నాగార్జున వచ్చీరాగానే గుడ్‌న్యూస్‌ చెప్పాడు. ఇప్పటివరకు జీరోగా ఉన్న ప్రైజ్‌మనీ.. హౌస్‌మేట్స్‌ పర్ఫామెన్స్‌ బట్టి పెరుగుతూ ఉంటుందన్నాడు. ఈ వారం రూ.5 లక్షల వరకు ఉండొచ్చన్నాడు నాగ్‌. కానీ హౌస్‌మేట్స్‌ ఇంగ్లీష్‌ మాట్లాడటం, హిందీ పాటలు పాడటం, సమయం సందర్భం లేకుండా నిద్రపోవడం వల్ల ప్రైజ్‌మనీకి అనేక కోతలు పెట్టి రూ.3 లక్షలుగా నిర్ణయించాడు. అనంతరం నామినేషన్‌లో ఉన్న శేఖర్‌ బాషా సేవ్‌ అయినట్లు ప్రకటించాడు.ఫన్నీ గేమ్స్‌..తర్వాత రెండు గేమ్స్‌ ఆడించగా మొదటిదానిలో అబ్బాయిలే గెలిచి సినిమాపిచ్చోళ్లమని ప్రూవ్‌ చేసుకున్నారు. రెండో గేమ్‌లో అమ్మాయిలు గెలిచారు. అలా గిఫ్ట్‌ హ్యాంపర్‌ను రెండు టీమ్స్‌ షేర్‌ చేసుకోవాల్సి వచ్చింది. తర్వాత నాగ్‌.. విష్ణుప్రియను సేవ్‌ చేశాడు. ఇక ఫన్నీ గేమ్స్‌ చాలంటూ నాగ్‌ ఓ సీరియస్‌ గేమ్‌ ఆడించాడు. హౌస్‌మేట్స్‌ను ఒకరిని ఒకరు జంతువులతో పోల్చుకోమని చెప్పాడు. దానికన్నా ముందు ఏ జంతువుది ఎలాంటి క్యారెక్టర్‌ అనేది తెలిపాడు.బాషాకు కరెక్ట్‌ ట్యాగ్‌నక్క- జిత్తులమారి, దోమ-చిరాకు, ఊసరవెల్లి-రంగులు మార్చడం, మొసలి- దొంగ కన్నీళ్లు, పిల్లి- స్వార్థం, గాడిద-తెలివితక్కువ, తేలు-నమ్మదగనిది, గొర్రె- గుడ్డినమ్మకం అని ఆ జంతువుల గురించి వర్ణించాడు. నబీల్‌ అఫ్రిది, అభయ్‌.. యష్మిది స్వార్థమంటూ పిల్లితో పోల్చారు. ప్రేరణ.. సీతను నమ్మడానికి వీల్లేదని తేలుతో పోల్చింది. కుళ్లుజోకులతో చిరాకు పుట్టిస్తాడంటూ నిఖిల్‌, ఆదిత్య, మణికంఠ ముగ్గురూ కూడా.. బాషాకు దోమ ట్యాగ్‌ ఇచ్చారు. దో.. మా (ఇద్దరు తల్లులు) అని మంచిగా పిలిచారని దాన్ని కూడా పాజిటివ్‌గా మార్చేశాడు బాషా.తెలివి తక్కువ గాడిద..యష్మి.. బేబక్క గొర్రెలా గుడ్డిగా అవతలివారిని ఫాలో అయిపోతుందని పేర్కొంది. నైనిక.. మణికంఠను నమ్మలేకపోతున్నానంటూ అతడిని తేలుతో పోల్చింది. పృథ్వీ.. బేబక్కను తెలివి తక్కువ గాడిదతో పోల్చాడు. టాస్క్‌లో ఓడిపోయినప్పుడు భవిష్యత్తులో మాట్లాడతానంది.. నా దృష్టిలో ఫ్యూచర్‌ అనేదే లేదు. ఒక వారంలోనే ఎలిమినేట్‌ అవొచ్చు. అలా తన సమయం వృథా చేసుకుంది. అలాగే నిఖిల్‌ను స్ట్రాంగ్‌ కంటెస్టెంట్‌ అని చెప్తున్న ఆమె తనను తాను స్ట్రాంగ్‌ అని చెప్పుకోలేకపోయిందని కారణాలు చెప్పాడు.బిగ్‌బాస్‌ షో 100 రోజులెందుకు?దీంతో బేబక్క.. వచ్చిన ఒక్క రోజులోనే ఎవరి బలం ఏంటనేది ఎవరూ గ్రహించలేరు. అలా గ్రహించగలిగితే బిగ్‌బాస్‌ షో 100 రోజులెందుకు? ఒక్క రోజులోనే ముగించేయొచ్చుగా! అని ధీటుగా సమాధానమిచ్చింది. సోనియా.. జిత్తులమారి నక్క ట్యాగ్‌ను విష్ణుప్రియకు ఇచ్చింది. తనను ర్యాగింగ్‌ చేసిందని, ఏడుస్తుంటే కూడా పోక్‌ చేసిందని పేర్కొంది. బేబక్క ఎలిమినేట్‌అటు విష్ణుప్రియ.. నన్ను తిట్టి తను ఏడవడం అర్థం కాలేదంటూ సోనియావి మొసలి కన్నీళ్లు అని తెలిపింది. సీత.. నిఖిల్‌ను గుడ్డిగా ఫాలో అయిపోతుందంటూ ప్రేరణను గొర్రెతో పోల్చింది. బాషా.. యష్మిని జిత్తులమారి నక్కతో పోల్చాడు. బేబక్క.. తనను చూస్తే చాలు చిరాకు పడుతోందని సోనియాను చీమతో పోల్చింది. చివరగా నామినేషన్‌లో మణికంఠ, బేబక్క మిగలగా.. వీరిలో బేబక్క ఎలిమినేట్‌ అయినట్లు నాగ్‌ ప్రకటించాడు. ఆ నలుగురికి అర్హత లేదు!ఎంతమంది నిజంగా బేబక్కను మిస్‌ అవుతారని నాగ్‌ ప్రశ్నించగా.. ప్రేరణ, విష్ణుప్రియ, నైనిక, సీత, ఆదిత్య, అభయ్‌ చేతులెత్తారు. అనంతరం ఆనవాయితీ ప్రకారం షో నుంచి వెళ్లిపోయేముందు బేబక్కతో ఓ టాస్క్‌ ఆడించాడు. ఇంట్లో ఉండటానికి అర్హత లేనివారి ఫోటోలను రోడ్డు మీద పడేయమంది. నెగెటివ్‌ వైబ్స్‌ అంటూ సోనియాను, కోపం ఎక్కువగా ఉందని పృథ్వీ ఫోటోలను రోడ్డున పడేసింది. బోరుమని ఏడ్చిన సీతనిఖిల్‌ కోసం కూరలో కారం ఎక్కువ వేశాను.. దానివల్ల అందరూ ఇబ్బందిపడ్డారు. అతడి వల్లే బయటున్నానంటూ నిఖిల్‌ ఫోటోను రోడ్డున పడేసింది. ఒంటరిగా ఉంటూ నీలో నువ్వే టెన్షన్‌ పడుతున్నావంటూ మణికంఠ ఫోటోను నడిరోడ్డుపై వేసింది. బేబక్క వెళ్లిపోతుంటే సీత వెక్కి వెక్కి ఏడవటం గమనార్హం.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ ఫ్యాన్స్‌ ఎదురుచూస్తున్న ప్రోమో రానే వచ్చింది. వినాయక చవితి సందర్భంగా నాగార్జున హౌస్‌మేట్స్‌కు స్వీట్లు పంపించాడు. అలాగే ప్రతి వీకెండ్‌లో తప్పొప్పులు ఎత్తి చూపే నాగ్‌ మీ పొరపాట్లు ఏంటో మీరే చెప్పండని కంటెస్టెంట్లను ఆదేశించాడు. దీంతో అందరూ లేచి నిలబడ్డారు.మణిని గుచ్చిన బాషాతనలో తను మాట్లాడుకోవడం ఒంటరితనమో ఏంటో అర్థం కావడం లేదంటూ నాగమణికంఠను కత్తితో పొడిచాడు బాషా. ఆ ఒంటరితనం ఎందువల్ల ఏర్పడిందనేది తర్వాత చెప్పాడుగా అని నాగ్‌ బదులివ్వగా వాటిని నేను ఆమోదించలేనన్నాడు బాషా. తర్వాత విష్ణుప్రియ.. సోనియాకు కోపంలో అనే మాటలు మనసుకు బాధ కలిగిస్తున్నాయంది. దీంతో ఓ వీడియో ప్లే చేశారు. ఉన్నమాట అడిగిన విష్ణుప్రియఅందులో విష్ణుప్రియ.. నీకు ముందునుంచి నిఖిల్‌ అంతగా నచ్చలేదు. అలాంటిది మీ మధ్య ఫ్రెండ్‌షిప్‌ ఎలా కుదిరింది? అని ఉన్నమాట అడిగింది. ఇది కేవలం విష్ణుప్రియకు వచ్చిన డౌటే కాదు.. బిగ్‌బాస్‌ చూసే ఆడియన్స్‌కు వచ్చిన డౌట్‌ కూడా! కానీ ఆ ప్రశ్నకు సోనియా సమాధానం దాటవేసింది. అంతేకాకుండా ఇలాంటి అడల్ట్రేటెడ్‌ కామెడీ తన మీద ప్రయోగించొద్దని సీరియస్‌ అయింది. దీంతో విష్ణుప్రియకు చిర్రెత్తుకొచ్చింది. నువ్వొక్కదానివే పుణ్య స్త్రీవా?మీ మధ్య ఏమైనా నడుస్తుందా? అని ఆ టైప్‌లో ఏమైనా జోకులు వేశానా? లేదు కదా? అని నిలదీసింది. ఆ మాటతో సోనియా.. ఇక ఆపేయ్‌ అని అరుచుకుంటూ బయటకు వెళ్లి ఏడ్చేసింది. అది చూసిన విష్ణుప్రియ.. నేను కూడా ఏడుస్తాను.. నువ్వొక్కదానివే పుణ్య స్త్రీవా? అని నోరుపారేసుకుంది. ఇది చూసిన నాగార్జున.. తను ఏడుస్తున్నప్పుడు మళ్లీ గుచ్చేలా మాట్లాడటం అవసరమా? అని కోప్పడ్డాడు. మరి ఇంకా ఎవరెవరికి క్లాసులు పీకాడో తెలియాలంటే ఎపిసోడ్‌ వచ్చేంతవరకు ఆగాల్సిందే! బిగ్‌బాస్‌ ప్రత్యేక వార్తల కోసం ఇక్కడ క్లిక్‌ చేయండి

బిగ్‌బాస్‌ తెలుగు ఎనిమిదో సీజన్‌లో మొదటివారం నామినేషన్‌ ప్రక్రియలోనే కన్నీళ్ల వరద పారింది. తాను ఏడుస్తూ పక్కవాళ్లను కూడా ఏడిపించాడు మణికంఠ. అసలేం జరిగిందో, నేటి(సెప్టెంబర్‌ 4) ఎపిసోడ్‌ హైలైట్స్‌ ఏంటో చదివేయండి..పని చేయట్లేదంటూ..ఆదిత్య ఓం.. వాలంటీర్‌గా పనులు చేయడం లేదని శేఖర్‌ బాషాను, తక్కువ పని చేస్తున్నావంటూ పృథ్వీని నామినేట్‌ చేశాడు. ఆ ఇద్దరిలో చీఫ్‌ యష్మి.. శేఖర్‌ బాషా నామినేషన్‌కు మద్దతిచ్చి పృథ్వీని సేవ్‌ చేసింది. సీత.. బేబక్క, ప్రేరణను నామినేట్‌ చేసింది. వీరిలో బేబక్క నామినేషన్‌ను చీఫ్‌ నైనిక ఫైనల్‌ చేసి ప్రేరణను సేవ్‌ చేసింది. తర్వాత విష్ణుప్రియ.. బాషా, సోనియాను నామినేట్‌ చేయగా చీఫ్‌ నిఖిల్‌ బాషా నామినేషన్‌నే ఫైనలైజ్‌ చేసి సోనియాను సేవ్‌ చేశాడు. అన్‌ఫిట్‌ అయితే పోతా..అనంతరం అభయ్‌ నవీన్‌.. నాగమణికంఠను నామినేట్‌ చేశాడు. ఎవ్వరి ఫ్లాష్‌బ్యాక్‌ ఎవడికీ అవసరం లేదు. నీకు ఎన్ని సమస్యలున్నా నాకనవసరం. గేమ్‌లో నాకేదైనా నచ్చలేదంటే చెప్పే హక్కు నాకుంది. ఈ గేమ్‌లో ఏం జరిగినా తీసుకోవడానికి రెడీ అనుకునేవాళ్లే హౌస్‌లో ఉండాలి. నీలో ఆ లక్షణం లేదని తేల్చాడు. దీంతో నాగమణికంఠ.. నేను అన్‌ఫిట్‌ అయితే ఈ వారమే వెళ్లిపోతానని ఫ్రస్టేట్‌ అయ్యాడు. అనంతరం అభయ్‌.. బేబక్కను నామినేట్‌ చేశాడు. పుండు మీద కారం చల్లినట్లు చీఫ్‌ యష్మి.. నాగమణికంఠను నామినేట్‌ చేసి బేబక్కను సేవ్‌ చేసింది.మళ్లీ బాధలు చెప్పుకున్న మణితర్వాత ప్రేరణ.. నాగమణికంఠ పేరెత్తడంతో అందరూ నాపై ఇలా పడ్డారేంటని బోరుమని ఏడ్చేశాడు. ఏడో తరగతి నుంచి నానాకష్టాలు పడ్డాను. కన్నతండ్రిని పోగొట్టుకున్నా, సవతి తండ్రి చేతిలో అవమానాలు ఎదుర్కొన్నా. అమ్మ చనిపోతే అందరి దగ్గర డబ్బు అడుక్కుని అంత్యక్రియలు చేశాను. నాకు అంద‌రి మీదా న‌మ్మ‌కం పోయింది. నా కూతురు దూరమైన సమయంలో, చచ్చిపోదామనుకుంటున్న క్షణంలో నాకు బిగ్‌బాస్‌ ఆఫర్‌ వచ్చింది. ఇది నాకు చాలా అవ‌స‌రం. అది మీకెవ‌రికీ అర్థం కావడం లేదు. నేనెక్క‌డా విక్టిమ్ కార్డ్ వాడ‌టం లేదు.నా జీవితం దగ్గరుండి చూశారా? నా క‌ర్మ కాలి మొద‌టి రోజు నిజంగా ఎలిమినేట్ చేస్తున్నార‌న్న బాధ‌లో మీకు నా గురించి తెలీదు, నేను వెళ్లిపోతున్నానంటూ కోప్పడ్డాను. ఆ ఒక్క పాయింట్‌ ప‌ట్టుకుని ప‌దేప‌దే నా మీద పడుతున్నారు. మీరేమైనా నా జీవితం చూశారా? అని అందరినీ నిలదీస్తూనే.. ఎమోష‌న‌ల్‌గా ఉన్న‌ప్పుడు మ‌నిషి ఏం మాట్లాడ‌తాడో తెలియ‌దు. మిమ్మ‌ల్ని ఏమైనా అనుంటే సారీ.. అని అపరిచితుడిలో రాములా మారిపోయాడు.ఏడిపించేసిన మణినేను గేమ్ గెల‌వాల‌నుకున్నాను. క‌నీసం ఐదు వారాలైనా ఉండాల‌నుకున్నానంటూ ఏడుస్తూనే మాట్లాడాడు. నాగ‌మ‌ణికంఠ ప‌డ్డ బాధ‌లు విన్నాక అత‌డి కంటే కూడా య‌ష్మినే ఎక్కువ గుక్క‌పెట్టి ఏడ్చింది. త‌ర్వాత ప్రేర‌ణ‌.. సోనియాను నామినేట్ చేసింది. ఇద్ద‌రికి చెప్పిన కార‌ణాలు విన్నాక చీఫ్‌.. నాగ‌మ‌ణికంఠ‌ను సేవ్ చేసి సోనియాను నామినేట్ చేశాడు.అందుకే తిరిగావా?నాగ‌మ‌ణికంఠ‌.. నేను క్యూట్‌గా ఉన్నాను, నాలో ఫెమినిజం ఉంద‌ని విష్ణుప్రియ చెప్పిన మాట న‌చ్చ‌లేదంటూ ఆమెను నామినేట్ చేశాడు. పైగా విష్ఱుప్రియ‌ ఏమైనా ప‌దాలు జారుతుందేమోన‌ని మూడురోజులుగా త‌న‌తో తిరుగుతున్నాన‌ని చెప్పాడు. అంటే ఇన్నిరోజులు ఫ్రెండ్‌గా ఉండ‌లేదా? న‌న్ను చెక్ చేస్తున్నావా? అని విష్ణుప్రియ ఎమోష‌న‌లైంది.సింపతీ కార్డ్‌అనంత‌రం బాషాను నామినేట్ చేస్తూ తినే పండ్ల‌తో ఆడ‌టం న‌చ్చ‌లేద‌న్నాడు. అలాగైతే నువ్వు నిద్ర‌పోతే కుక్క మొరిగిందిగా, అది త‌ప్పు కాదా అని బాషా కౌంట‌రిచ్చాడు. ప్ర‌తి ఒక్క‌రికీ ఫ్లాష్‌బ్యాక్ ఉంది, అంద‌రూ అది చెప్పుకుని ఏడ‌వ‌ట్లేదు.. నువ్వు ఏదో సింప‌తీ, రాజ‌కీయం క్రియేట్ చేస్తున్నావ‌ని ఇచ్చిప‌డేశాడు. ఈ వాదనలు విన్న చీఫ్ య‌ష్మి.. విష్ణుప్రియ‌ను నామినేట్ చేస్తూ బాషాను సేవ్ చేశాడు.నామినేషన్‌లో ఎవరంటే?త‌ర్వాత పృథ్వీ.. నీకు సీరియస్‌నెస్ లేదంటూ బేబక్కను, సింపతీ కార్డ్ వాడుతున్నావు, రెండు నాలుకలు ఉన్నాయంటూ నాగమణికంఠను నామినేట్ చేశాడు. మొత్తంగా మొదటివారం బేబక్క, సోనియా, శేఖర్ బాషా, విష్ణుప్రియ, పృథ్వీ, నాగమణికంఠలు నామినేట్ అయ్యారు. ఈ ప్రక్రియ పూర్తయ్యాక కూడా మణికంఠ ఏడుపు ఆపలేదు. నా చివరి యుద్ధండ్యాం గేట్లు ఎత్తినట్లు ఒకటే ఏడుస్తూనే ఉన్నాడు. నాకు ఏ దిక్కూ లేదు, నా దగ్గర ఒక్క రూపాయి లేదు, రేపు నేను బయటకు వెళ్లాక నన్ను నెగెటివ్ అనుకుంటారు. ఇది నా చివరి యుద్ధం. గేమ్ ఎలా ఆడాలో అర్థం కావట్లేదని కన్నీళ్లు పెట్టుకుంటూనే విగ్ నేలకేసి కొట్టాడు. దీంతో నిఖిల్ అతడిని ఓదార్చే ప్రయత్నం చేశాడు.నా భార్య నాక్కావాలిఅతడు కన్నీళ్ల టాప్‌ను కట్టేయకపోవడంతో బిగ్‌బాస్ నను కన్ఫెషన్ రూమ్‌కు పిలిచాడు. అక్కడ.. నా భార్య నాక్కావాలి, అత్తామామ దగ్గర నాకు గౌరవం కావాలి. నా సవతి తండ్రి నాక్కావాలి. నా పాప నాకు కావాలి. నాకు మనుషులు కావాలి. ఎన్నో ఆశలతో వచ్చాను.. నాపై నాకు నమ్మకం పోయింది. ఇక్కడ నా మైండ్ సెట్ మార్చుకోవాలనుకున్నాను. కానీ నా వల్ల కావట్లేదంటూ మళ్లీ విలపించాడు. దీంతో బిగ్‌బాస్‌.. నిన్ను నువ్వు నమ్ము, ధైర్యాన్ని కోల్పోకు అని నాలుగు మంచి మాటలు చెప్పి పంపించేశాడు.మరిన్నిబిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్ షోలో నామినేషన్ రచ్చ మొదలైంది. ఈసారి కెప్టెన్ ఎవరు ఉండరని చెప్పారు. ఆ స్థానంలో చీఫ్ ఉంటారని చెప్పి కొన్ని గేమ్స్ పెట్టగా నిఖిల్, యష్మి, నైనిక చీఫ్స్‌గా ఎంపికయ్యారు. అలా సోమవారం ఎపిసోడ్ ముగిసింది. మంగళవారం తొలి నామినేషన్ ప్రక్రియ జరిగింది. ఇదంతా మంగళవారం రాత్రి ప్రసారం చేయనున్నారు. ఇందుకు సంబంధించిన ప్రోమోని తాజాగా రిలీజ్ చేశారు.ప్రోమో విషయానికొస్తే.. ముగ్గురు చీఫ్స్ ఆసనాల్లో కూర్చుని ఉంటారు. మిగిలిన వాళ్లలో ఒక్కో హౌస్‌మేట్ తలో ఇద్దరిని నామినేట్ చేయాలి. అలా సోమవారం గొడవలతో హాట్ టాపిక్ అయిపోయిన సోనియా... బేబక్క, ప్రేరణని నామినేట్ చేసింది. సోనియా-బేబక్క మధ్య కుక్కర్ పంచాయతీ నడిచింది.(ఇదీ చదవండి: తెలుగు రాష్ట్రాలకు ఎన్టీఆర్ భారీ సాయం)కిచెన్‌లో అజాగ్రత్తగా ఉన్నారని కారణం చెప్పిన సోనియా.. బేబ‍క్కని నామినేట్ చేసింది. దీంతో కుక్కర్ లోపల ప్రెజర్ ఉంటది. అది దిగేవరకు మనం ఆగాలని చెప్పి బేబక్క వివరణ ఇవ్వడం చూస్తుంటే ఈసారి నామినేషన్‌లో కుక్కర్ పంచాయతీ హైలైట్ అవ్వడం పక్కా అనిపిస్తోంది. కుక్కర్ పనిచేయకపోతే తానేం చేయనని బేబక్క అసంతృప్తి వ్యక్తం చేసింది.మరోవైపు మణికంఠ.. శేఖర్ భాషాని నామినేట్ చేశాడు. దీంతో వీళ్లిద్దరి మధ్య మాటల యుద్ధం గట్టిగానే నడిచింది. చివర్లో యష్మి పరుగెత్తుకుంటూ వచ్చి కత్తిని బేబక్క ఫొటోపై గుచ్చడం చూస్తుంటే ఈ వారం మణికంఠ, బేబక్కపై ఎలిమినేషన్ అనే కత్తి వేలాడటం పక్క అనిపిస్తోంది. మిగతా వాళ్ల కంటే వీళ్లిద్దరే ఎక్కువ టార్గెట్ అవుతున్నారనిపిస్తోంది.(ఇదీ చదవండి: బిగ్‌బాస్‌ కంటెస్టెంట్ల రెమ్యూనరేషన్‌ వివరాలు.. ఎక్కువ ఎవరికంటే..?)

ఎలాంటి అంచనాలు లేకుండా బిగ్‌బాస్‌ తెలుగు ఎనిమిదో సీజన్‌ మొదలైంది. ప్రేక్షకులకు ముక్కూముఖం తెలియని కంటెస్టెంట్ల సంఖ్యే ఈసారి ఎక్కువగా ఉంది. అయినా ప్రతి సీజన్‌ ప్రారంభంలో ఇది మామూలేలే! కొన్నాళ్లు పోతే వీళ్లకే మళ్లీ అభిమాన సంఘాలు పుట్టుకొస్తాయి. ఈసారైతే కంటెస్టెంట్లు మొదటిరోజే గొడవలుపడ్డారు. ఆ విషయాలు, విశేషాలేంటో సెప్టెంబర్‌ 2 నాటి ఎపిసోడ్‌ హైలైట్స్‌లో చదివేయండి..ఆవేశంగా నాగమణికంఠబిగ్‌బాస్‌ లాంచింగ్‌ రోజే కంటెస్టెంట్ల మధ్య చిచ్చు పెట్టాడు నాగ్‌. అడుగుపెట్టిన మొదటిరోజే ఒకరు ఎలిమినేట్‌ అవుతారంటూ అనిల్‌ రావిపూడిని హౌస్‌లోకి పంపించి బాంబ్‌ పేల్చాడు. ఎవరిని బయటకు పంపిద్దామన్నప్పుడు మెజారిటీ జనాలు నాగమణికంఠకు ఓటేశారు. ఇలా వచ్చానో లేదో అప్పుడే వెళ్లగొట్టడమేంటని అతడిలో అగ్నిపర్వతం బద్ధలైంది. నాకు ఉన్న ఒకే ఒక్క అవకాశం బిగ్‌బాస్‌, మీరేమో ఎలిమినేట్‌ చేస్తున్నారంటూ ఫ్రస్టేట్‌ అయ్యాడు.అందరికీ నచ్చే వ్యూ..అయితే అనిల్‌ రావిపూడి అది ప్రాంక్‌ అని చెప్పడంతో ఊపిరి పీల్చుకున్నాడు. దీంతో అతడిని పంపించేయమని సూచించిన కంటెస్టెంట్లు తనను కూల్‌ చేసే ప్రయత్నం చేశారు. కానీ మనోడు తగ్గేదేలే అన్నట్లుగా కోపాన్ని అలాగే కంటిన్యూ చేశాడు. ఇకపోతే బాత్‌రూమ్‌లో శేఖర్‌ బాషా.. అందరికీ నచ్చే వ్యూ.. ఐ లవ్యూ అనడంతో గలగలా మాట్లాడే బేబక్క సైతం అవాక్కయిపోయింది. రూల్స్‌ పెట్టడానికి నువ్వెవరు?తర్వాత కిచెన్‌ టీమ్‌లో ఉన్న ఆర్జీవీ బ్యూటీ సోనియా.. ఎవరికీ బాధ్యత లేదంటూ అందరిపైనా రంకెలేసింది. ఆరెంజ్‌తో గేమ్‌ ఆడినవారెవరూ ఆ పండ్లు తినడానికి వీల్లేదంటూ కొత్త చట్టాలు తీసుకొచ్చింది. దీంతో బాషాకు ఒళ్లు మండింది. రూల్స్‌ పెట్టడానికి నువ్వెవరు? అంటూ తనపై ఫైరయ్యాడు. తర్వాత కాసేపటికి కూలైపోయి మళ్లీ మామూలుగానే మాట్లాడుకున్నారు.బిగ్‌బాస్‌ ట్విస్ట్‌ ఈసారి కెప్టెన్‌కు బదులుగా ఇంటికి ముగ్గురు కంటెస్టెంట్లు చీఫ్‌లుగా ఉండనున్నారని బిగ్‌బాస్‌ ట్విస్ట్‌ ఇచ్చాడు. షో లాంచింగ్‌ రోజు పెట్టిన గేమ్స్‌లో గెలిచిన నిఖిల్‌, యష్మి, శేఖర్‌ బాషా, పృథ్వి, నైనిక, బేబక్క చీఫ్‌ పదవి కోసం పోటీపడనున్నట్లు ప్రకటించాడు. వీరికి.. పట్టుకుని ఉండండి- వదలకండి అనే టాస్క్‌ ఇచ్చాడు. మూడో చీఫ్‌గా..ఈ గేమ్‌లో ఎక్కువసేపు తాడును పట్టుకుని ఉన్న నిఖిల్‌ మొట్టమొదటి చీఫ్‌గా గెలిచాడు. రెండో గేమ్‌లో నైనిక గెలిచి రెండో చీఫ్‌గా నిలిచింది. యష్మి, బేబక్క, అఫ్రిది, బాషాలలో ఒకరిని మూడో చీఫ్‌గా సెలక్ట్‌ చేయండంటూ నిఖిల్‌, నైనికలకే నిర్ణయాన్ని వదిలేశాడు. అందరూ ఊహించినట్లుగానే నిఖిల్‌ తన ఫ్రెండ్‌ యష్మిని చీఫ్‌గా ఎంపిక చేశారు. గొడవకు దిగిన సోనియాఅఫ్రిదికి బదులు యష్మిని సెలక్ట్‌ చేయడంపై సోనియా అసంతృప్తి వ్యక్తం చేసింది. ఫ్రెండ్‌షిప్‌ను పక్కనపెట్టి నిజంగా అర్హులైనవారిని సెలక్ట్‌ చేయాలంటూ గొడవకు దిగింది. ఆల్రెడీ చీఫ్‌గా ప్రకటించాక మధ్యలో నీ గొడవేంటని సోనియామీద గరమైంది యష్మి. అలా ఈరోజు ఎపిసోడ్‌ వాడివేడిగానే ముగిసిపోయింది. నేటి గొడవలే రేపటి నామినేషన్‌కు దారి తీయనున్నాయి.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్ 8వ సీజన్ లాంచ్ అయిపోయింది. ఆదివారం ఎపిసోడ్‌లో 14 మంది, అది కూడా 7 జంటలుగా హౌసులోకి అడుగుపెట్టారు. వీళ్లలో తలో ఏడుగురు అమ్మాయిలు, అబ్బాయిలు ఉన్నారు. హౌసులోకి వెళ్లేటప్పుడు నవ్వుతూ వెళ్లారు. కానీ రోజు కూడా పూర్తవలేదు. అప్పుడే గొడవలు షురూ అయిపోయాయి. తాజాగా ఇందుకు సంబంధించిన ప్రోమోని రిలీజ్ చేశారు.(ఇదీ చదవండి: కోట్లు ఇచ్చినా 'బిగ్‌బాస్'లోకి వెళ్లనంది.. ఇప్పుడేమో విష్ణుప్రియ ఇలా)ఫ్రెషప్ అయిన తర్వాత నారింజ పండుతో కొందరు క్యాచ్ పట్టుకునే గేమ్ ఆడారు. దీన్నంతా దూరం నుంచి చూస్తూ వచ్చిన సోనియా ఆకుల.. ఇక ఉండబట్టలేక తినే ఫుడ్‌తో ఆటలేంటి అని ఫైర్ అయింది. ఈమె చెప్పడాన్ని తట్టుకోలేకపోయిన శేఖర్ భాషా.. గట్టిగానే కౌంటర్ ఇచ్చాడు. సోమవారం వీళ్లిద్దరి మధ్య గొడవనే కాస్త హైలైట్ అయ్యేలా ఉంది.మరోవైపు తొలిరోజు ఎలిమినేషన్ లాంటిది ఏం పెట్టకుండా బ్యాలెన్సింగ్ గేమ్ పెట్టాడు బిగ్ బాస్. 'పట్టుకునే ఉండండి' పేరుతో టాస్క్ పెట్టాడు. ఇందులో భాగంగా తాళ్లు ఉంటాయి. వాటిపై ఉండాల్సి ఉంటుంది. బయట కూర్చున్న సభ్యులు.. ఒక్కో రంగు తాడుని కట్ చేస్తూ ఉంటారు. పైన ఉన్నవాళ్లు కింద కాళ్లు పెడితే ఔట్. మరి ఇందులో ఎవరు గెలిచారనేది రాత్రికి తెలుస్తుంది.(ఇదీ చదవండి: 'బిగ్‌బాస్ 8' లాంచ్ ఎపిసోడ్ హైలైట్స్.. 14 మంది హౌస్‌మేట్స్ వీళ్లే)

హీరో రాజ్‌ తరుణ్‌- లావణ్య కేసులో శేఖర్‌ భాషా పేరు బాగా వైరలయింది. ఈయన అసలు పేరు గుదిమెళ్ల రాజశేఖర్‌. చదివింది ఇంజనీరింగ్‌.. 2005లో జెమిని మ్యూజిక్‌లో వీడియో జాకీగా కెరీర్‌ మొదలుపెట్టాడు. ఈ క్రమంలోనే హాయ్‌ బుజ్జి వంటి పిల్లల ప్రోగ్రామ్స్‌తో పాటు మూడువేలకు పైగా షోలలో పాల్గొన్నాడు. తర్వాత రేడియో జాకీగా మారి మరింత పేరు సంపాదించుకున్నాడు.వెల్‌కమ్‌ ఒబామా సినిమాతో నటుడిగానూ తన అదృష్టాన్ని పరీక్షించుకున్నాడు. వెతికా నేను నా ఇష్టంగా అనే చిత్రంతో దర్శకుడిగానూ మారాడు. పంచముఖి మూవీలో డైరెక్టర్‌ పాత్ర పోషించాడు. నటుడిగా, దర్శకుడిగా, వ్యాఖ్యాతగా పేరు గడించిన ఈయన రాజ్‌ తరుణ్‌ను పలుమార్లు ఇంటర్వ్యూ చేసిన క్రమంలో అతడికి స్నేహితుడయ్యాడు. ఈ పరిచయంతోనే లావణ్య.. రాజ్‌తరుణ్‌పై చేసిన ఆరోపణలను ఖండిస్తూ హీరోకు మద్దతుగా నిలబడ్డాడు. ఇప్పుడిలా బిగ్‌బాస్‌ హౌస్‌లో ఎనిమిదో కంటెస్టెంట్‌గా అడుగుపెట్టాడు.

రాజ్‌ తరుణ్‌-లావణ్య వివాదంలో మధ్యలో ఎంట్రీ ఇచ్చిన ఆర్జే శేఖర్‌ భాషాపై కేసు నమోదైంది. తన స్నేహితుడు రాజ్‌ తరుణ్‌పై లావణ్య చేస్తున్న ఆరోపణల్లో నిజం లేదని ఆయన పలు మీడియా వేదకల మీద కామెంట్లు చేశాడు. లావణ్య వల్లే రాజ్‌ తరుణ్‌ చాలా నష్టపోయాడని ఆయన పేర్కొన్న విషయం తెలిసిందే. ఈ క్రమంలో ఓ యూట్యూబ్‌ ఛానల్‌లో డిబేట్‌లో పాల్గొన్న లావణ్యపై శేఖర్‌ దురుసుగా ప్రవర్తించాడని పోలీసులకు ఫిర్యాదు అందింది. దీంతో జూబ్లీహిల్స్‌ పోలీసులు శేఖర్‌ భాషాపై కేసు నమోదు చేశారు.రాజ్‌ తరుణ్‌-లావణ్య వివాదం దారి మళ్లీ ఇప్పుడు శేఖర్‌ భాషా, లావణ్య గొడవ నెట్టింట వైరల్‌ అవుతుంది. ఒక యూట్యూబ్‌ ఛానల్‌లో ఇంటర్వ్యూ ఇస్తున్న లావణ్యపై శేఖర్‌ భాషా దాడి చేశాడని తెలుస్తోంది. తన కడుపు మీద బలంగా శేఖర్‌ భాషా తన్నాడని లావణ్య ఫిర్యాదులో పేర్కొంది. శేఖర్ వల్ల తనకు ప్రాణహాని ఉందంటూ ఆమె చెప్పారు.శేఖర్‌పై కేసు సెక్షన్ 74, 115(2) బీఎన్ఎస్ కింద కేసులు నమోదు చేశారు.శేఖర్‌ భాషా- లావణ్య మధ్య గొడవకు ప్రధాన కారణం ఆయన చేసిన ఆరోపణలే అని చెప్పవచ్చు. మస్తాన్ సాయి అనే వ్యక్తితో లావణ్యకు శారీరక సంబంధం ఉందని ఆయన సంచలన ఆరోపణ చేశారు. దీంతో ఒక్కసారిగా రాజ్‌ తరుణ్‌కు మద్ధతుగా చాలామంది కామెంట్లు చేశారు. ఆపై ఆమెకు డ్రగ్స్ తీసుకునే అలవాటు ఉండటంతో పాటు చాలామంది అమ్మాయిలకు డ్రగ్స్‌ అందించినట్లు ఆయన చెప్పారు. దీంతో లావణ్య, శేఖర్ మధ్య పెద్ద గొడవ జరిగింది. ఒక మీడియా వేదికపైనే శేఖర్‌ భాషాను లావణ్య చెప్పుతో కొట్టింది. అందుకు సంబంధించిన విజువల్స్‌ నెట్టింట తెగ వైరల్‌ అయ్యాయి.


 రాజేష్‌కుమార్‌ని హీరోగా పరిచయం చేస్తూ తేజస్విని క్రియేషన్స్ పతాకంపై కమ్యూనిస్ట్ ఆంజనేయులు సమర్పణలో తిరుమలరావు నిర్మించిన చిత్రం ‘వెతికా నేను నా ఇష్టంగా’. శేఖర్‌బాషా దర్శకుడు. హేమంతిని, సునీత కథానాయికలు.
  
  దసరా కానుకగా చిత్రాన్ని విడుదల చేయాలనుకుంటున్నారు. ఈ సందర్భంగా దర్శకుడు మాట్లాడుతూ -‘‘ఇప్పటివరకు ఎన్నో ప్రేమకథా చిత్రాలు వచ్చాయి. వాటిలో కొన్ని మాత్రమే విజయం సాధించాయి. ఆ కొన్నింట్లో మా చిత్రం చేరుతుందనే నమ్మకం ఉంది. 
  
  ఓ వినూత్న కథాంశంతో రూపొందించిన చిత్రం ఇది. రాజేష్‌కుమార్‌కి తొలి చిత్రం అయినప్పటికీ ఫైట్స్, డాన్స్ ఎంతో ఈజ్‌తో చేశాడు. మల్లిక్ స్వరపరచిన పాటలకు మంచి స్పందన లభిస్తోంది’’ అని చెప్పారు. ‘‘ఫస్ట్ కాపీ చూశాక నమ్మకం పెరిగింది. దసరాకి విడుదలయ్యే చిత్రాల్లో మా చిత్రానికి కూడా మంచి పేరొస్తుందనే నమ్మకం ఉంది’’ అని నిర్మాత తెలిపారు.