చెన్నై: ‘నా ట్విట్టర్లోనే పోస్ట్‌ చేస్తారా.. ఇదిగో వస్తున్నారా..’? అంటూ సుల్తాన్‌ చిత్ర నిర్మాత ఎస్‌ఆర్‌ ప్రభు ఆగ్రహం వ్యక్తం చేశారు. సినిమాలను పైరసీ బెడద నుంచి కాపాడడం అసాధ్యంగానే మారింది. కొత్త సినిమా విడుదలైన కొన్ని గంటల్లోనే ఆ చిత్రం చట్టవిరుద్ధంగా వెబ్‌సైట్‌లో ప్రసారమవుతుంది. దీన్ని అరికట్టాలని చూసిన ఎవరి ప్రయత్నం కూడా ఫలించడం లేదు. ఇక అసలు విషయానికొస్తే నటుడు కార్తీ కథానాయకుడిగా డ్రీమ్‌ వారియర్‌ పిక్చర్స్‌ పతాకంపై ఎస్‌ఆర్‌ ప్రకాష్‌ బాబు, ఎస్‌ఆర్‌ ప్రభు నిర్మించిన చిత్రం సుల్తాన్‌. భాగ్యరాజ్‌ కన్నన్‌ దర్శకత్వం వహించిన ఈ చిత్రం గత శుక్రవారం తెరపైకి వచ్చింది. చిత్రానికి సక్సెస్‌ టాక్‌ రావడంతో ఖుషీలో ఉన్న చిత్ర యూనిట్‌ ఓ పక్క జిల్లాల్లోని ప్రధాన థియేటర్లకు వెళ్లి ప్రేక్షకులతో తమ ఆనందాన్ని పంచుకున్నారు. ఇలాంటి నేపథ్యంలో సుల్తాన్‌ నిర్మాతలకు పైరసీ షాక్‌ తగులుతోంది. ప్రత్యేకంగా చెప్పాల్సింది ఏంటంటే చిత్ర నిర్మాత ఎస్‌ఆర్‌ ప్రభు ట్విట్టర్‌లోనే ఒక వ్యక్తి సుల్తాన్‌ చిత్రం తన టెలిగ్రామ్‌ చానల్‌లో పొందుపరచడం జరిగిందని పోస్ట్‌ చేశాడు. దీంతో షాక్‌కు గురైన నిర్మాత ఎస్‌ ఆర్‌.ప్రభు అనంతరం రేయ్‌ ట్విట్టర్లోకే వచ్చి నా చిత్ర పైరసీకి ప్రమోట్‌ చేసే స్థాయికి వచ్చారా? ఇదిగో వస్తున్నారా అంటూ ఆగ్రహం వ్యక్తం చేస్తూ ట్విట్టర్లో పేర్కొన్నారు. ఈ సంఘటన ఇప్పుడు కోలీవుడ్‌లో చర్చనీయాంశంగా మారింది.  చదవండి: సుల్తాన్‌ ఫస్ట్‌ డే కలెక్షన్స్‌.. యావరేజ్‌ టాక్‌ అయినా కూడా.. Adeiii.... yen comment la vanthu en padaththukke piracy promote pandra alavukku valanthutteengala😂😂😂 Itho varandaaa....🤣🤣🤣 https://t.co/UogtsCBBBY — SR Prabhu (@prabhu_sr) April 4, 2021

సాక్షి, హైదరాబాద్‌:  'సరిలేరు నీకెవ్వరు'  సినిమాతో స్టార్‌ హీరోయిన్‌గా ఎదిగిన కన్నడ భామ రష్మిక మందన్నా. ప్రస్తుతం కార్తీ హీరోగా 'సుల్తాన్‌' చిత్రంతో కోలీవుడ్‌లోకి ఎంట్రీ ఇస్తోంది. ఈ మూవీ ఏప్రిల్ 2న ప్రేక్షకుల ముందుకు రానుంది. ఈ సందర్భంగా హైదరాబాద్‌లో ఏర్పటు చేసిన ప్రీ రిలీజ్‌ ఈవెంట్‌లో తన ముద్దు ముద్దు మాటలతో సందడి చేసింది. ఈ సందర్భంగా రష్మిక మాట్లాడుతూ..చాలా రోజుల తర్వాత ఫ్యాన్స్‌ని కలవడం చాలా సంతోషంగా ఉందని తెలిపింది. 'కరోనా ఎలా ఉంది? అందరూ మాస్క్‌లు పెట్టుకున్నారా..నాకేం కనిపించట్లేదు జాగ్రత్తలు పాటించి థియేటర్‌కి వచ్చి సినిమాను చూడండి' అని రష్మిక తెలిపింది.  (మరిన్ని ఫొటోల కోసం ఇక్కడ క్లిక్ చేయండి)  ఈ సందర్భంగా ఒక్కసారిగా సూర్య..సూర్య అని అభిమానులు గోల చేస్తూ ఆమెను మాట్లాడకుండా చేశారు. దీంతో రష్మిక సైతం సూర్య..కార్తీ అని అరుస్తూ...'చుప్‌..ఆపండెహే. నన్ను మాట్లాడనివ్వండి. నాకు ఫ్లైట్ టైం అయిపోతుంది.. ప్లీజ్ రా మాట్లాడనీయండ్రా' అని ముద్దుముద్దు మాటలతో ఫ్యాన్స్‌ని బతిమాలింది. ఈ సందర్భంగా ఈవెంట్‌కు స్పెషల్‌ గెస్ట్‌గా వచ్చిన వంశీ పైడిపల్లికి కృతఙ్ఞతలు చెప్పిన రష్మిక..మహర్షి మూవీకి జాతీయ అవార్డు వచ్చినందుకు కంగ్రాట్స్‌ చెబుతూ..తనకు పార్టీ కావాలని అడిగింది. ఇక కోలీవుడ్‌లో తాను డెబ్యూగా నటించిన సుల్తాన్‌ సినిమాను హిట్‌ చేయాలని, ఇదే నాకు మీరిచ్చే బర్త్‌డే గిఫ్ట్‌ అని ఫ్యాన్స్‌ను కోరింది. సాధారణంగా స్టేజ్‌పై మాట్లాడాలంటే పెద్ద హీరోలు సైతం తడబడుతుంటారు. కానీ రష్మిక స్టైలే డిఫరెంట్‌ అంటూ అభిమానులు ఫిదా అవుతుంటే, మరోవైపు ప్రతీసారి స్టేజ్‌పై రష్మిక ఓవరాక్షన్‌ను తట్టుకోలేకపోతున్నాం...కొంచెం తగ్గించుకుంటే మంచిది అంటూ నెటిజన్లు ఆమెపై ఫైర్‌ అవుతున్నారు.  చదవండి : రష్మికను డిన్నర్ డేట్‌కి తీసుకెళ్లిన విజయ్‌.. ఫోటోలు వైరల్ ‌'సల్మాన్‌ఖాన్‌ నన్ను మోసం చేశాడు.. అందుకే విడిపోయా'  

సాక్షి, న్యూఢిల్లీ : దీపికా పదుకోన్‌, రణ్‌వీర్‌ సింగ్‌, షాహిద్‌ కపూర్‌ల అభినయంతో సంజయ్‌ లీలా భన్సాలీ చెక్కిన చారిత్రక దృశ్య కావ్యం పద్మావత్‌ వసూళ్ల పరంగానూ రికార్డులు సృష్టించింది. బాక్సాఫీస్‌ వద్ద రూ 300 కోట్ల మార్క్‌ దాటిన పద్మావత్‌ అత్యధిక గ్రాస్‌ కలెక్ట్‌ చేసిన ఆరవ చిత్రంగా నిలిచింది. దేశవ్యాప్తంగా ఇప్పటివరకూ రూ 301 కోట్లు కలెక్ట్‌ చేసిన పద్మావత్‌ సల్మాన్‌ ఖాన్‌ నటించిన సుల్తాన్‌ లైఫ్‌టైమ్‌ వసూళ్లను అధిగమించిందని బాలీవుడ్‌ ట్రేడ్‌ అనలిస్ట్‌ రమేష్‌ లాలా తెలిపారు. 52 రోజుల పద్మావత్‌ ఆలిండియా వసూళ్లు రూ 301 కోట్లతో సుల్తాన్‌ లైఫ్‌టైమ్‌ వసూళ్ల (రూ 300.45 కోట్లు)ను అధిగమించి దేశంలో ఆల్‌టైం టాప్‌ 6 హిందీ మూవీగా నిలిచిందని ఆయన ట్వీట్‌ చేశారు. అత్యధిక గ్రాస్‌ వసూళ్లు రాబట్టిన చిత్రంగా బాహుబలి -2, దంగల్‌, సీక్రెట్‌ సూపర్‌స్టార్‌, పీకే, భజరంగి భాయ్‌జాన్‌ చిత్రాల తర్వాతి స్ధానాన్ని పద్మావత్‌ దక్కించుకుంది. దేశ చరిత్రకు సంబందించిన కథాంశానికి ఇంతటి ఆదరణ లభించడం పట్ల మూవీలో నటించిన రణ్‌వీర్‌సింగ్‌ హర్షం వ్యక్తం చేశారు. బాలీవుడ్‌లోనే కాక ప్రపంచవ్యాప్తంగా సినిమాకు దక్కిన ప్రశంసలు, వసూళ్లు ఎంతో సంతృప్తి కలిగించాయని ఇదే తన తొలి రూ 300 కోట్ల మూవీ అని పేర్కొన్నారు. పద్మావత్‌ మూవీ ఆ రకంగా తనకు ఎంతో ప్రత్యేకమన్నారు. 


 సల్మాన్ ఖాన్ లేటు వయసులో మల్లయోధుడిగా నటించిన సుల్తాన్ సినిమా బాక్సాఫీసును కొల్లగొట్టింది. దాన్ని తలదన్నే కలెక్షన్లు సాధించే సత్తా ఇంకేదైనా సినిమాకు ఉందా.. అంటే కచ్చితంగా ఉందని, అది కబాలి అని సినీ పండితులు అంటున్నారు. ముఖ్యంగా కబాలి సినిమా మొదటి మూడు రోజుల్లోనే రూ. 200 కోట్ల కలెక్షన్లు సాధించడం ఖాయమని ఈ సినిమా నిర్మాత కలైపులి ఎస్ థాను విశ్వాసం వ్యక్తం చేస్తున్నారు. ఎందుకంటే.. కబాలి సినిమా ప్రపంచవ్యాప్తంగా 12వేల స్క్రీన్లలో విడుదల అవుతోందట. సుల్తాన్ అయితే కేవలం 6000 స్క్రీన్లలోనే విడుదలైంది. అలాగే సుల్తాన్ టీజర్ కంటే కబాలి టీజర్కు యూట్యూబ్లో ఎక్కువ హిట్లు వచ్చాయి. ఇప్పటికే 2.5 కోట్లను దాటిన ఈ హిట్లు ఇంకా రోజురోజుకూ పెరుగుతూనే ఉన్నాయి.
 
 ముంబైలో ఏ థియేటర్కైనా వెళ్లి సుల్తాన్ సినిమా టికెట్ కొనాలంటే రూ. 1500 అవుతుందని, అలాగే బెంగళూరులో కబాలి సినిమా టికెట్ కూడా రూ. 1500 చొప్పున ఉంటోందని, అదే తమిళనాడులో మాత్రం రూ. 120కి, 80కి.. ఇంకా మాట్లాడితే 50 రూపాయలకు కూడా కబాలి టికెట్ దొరుకుతుందని నిర్మాత కలైపులి థాను అన్నారు. అయినా ఈ కొద్దిమొత్తం టికెట్లతోనే తాము 200 కోట్లు సాధిస్తామని ఆయన ధీమా వ్యక్తం చేశారు. సుల్తాన్ సినిమాకు పది రెట్ల కలెక్షన్లు వస్తాయని అన్నారు.


 బాలీవుడ్ కండలవీరుడు సల్మాన్ ఖాన్ నటించిన తాజా సినిమా సుల్తాన్ బాక్సాఫీసు వద్ద కలెక్షన్ల వర్షం కురిపిస్తోంది. ఈ సినిమా రెండో వారంలోనూ నిలకడగా కలెక్షన్లు రాబడుతోంది. హిట్ టాక్ తెచ్చుకున్న ఈ సినిమాకు భారత్తో పాటు ఓవర్సీస్లోనూ రికార్డు కలెక్షన్లు వస్తున్నాయి.
 
 ఈ సినిమా తొలి 9 రోజుల్లో భారత్లో 320 కోట్ల రూపాయల (గ్రాస్) వసూళ్లు సాధించింది. నెట్ కలెక్షన్లు 229 కోట్ల రూపాయలు వచ్చినట్టు బాలీవుడ్ ట్రేడ్ విశ్లేషకుడు తరణ్ ఆదర్స్ ట్వీట్ చేశాడు. ఇక విదేశాల్లోనూ కలుపుకొంటే కలెక్షన్లు మరింత పెరుగుతాయి.
 
 ఇండియాస్ బిగెస్ట్ బ్లాక్ బస్టర్ గా పేరు తెచ్చుకున్న బాహుబలి పేరిట ఉన్న రికార్డ్ ను సుల్తాన్ సినిమాతో సల్మాన్ బద్దలు కొట్టిన సంగతి తెలిసిందే. ప్రపంచ వ్యాప్తంగా భారీగా రిలీజ్ అయిన బాహుబలి సినిమా తొలి వారంలో 185 కోట్ల వసూళ్లను సాధించగా.. సుల్తాన్ తొలివారంలోనే 200 కోట్లకు పైగా వసూళ్లను సాధించిన సరికొత్త రికార్డ్ ను సృష్టించింది.


 ఇనుప నరాలు, ఉక్కు పిడికిళ్లతో గోదాలో ప్రత్యర్థులను చిత్తు చేసిన బాలీవుడ్ సుల్తాన్.. అవలీలగా రూ. 300 కోట్ల మార్కు దాటేశాడు. ప్రపంచవ్యాప్తంగా ఈ సినిమా సాధించిన కలెక్షన్లు మొత్తం కలిపితే దాదాపు రూ. 345 కోట్లకు చేరుకున్నట్లు తెలుస్తోంది. సల్మాన్ ఈద్ సెంటిమెంటుతో జూలై 7వ తేదీన విడుదల చేసిన ఈ సినిమా భారతదేశంలో రూ. 252.5 కోట్లు, విదేశాల్లో రూ. 92 కోట్లు గ్రాస్ వసూళ్లు సాధించినట్లు తెలుస్తోంది.
 
 అలీ అబ్బాస్ జాఫర్ దర్శకత్వం వహించిన ఈ సినిమా ఇప్పటివరకు మొదటి వారంలో ఏ బాలీవుడ్ సినిమా సాధించనంత మొత్తంలో కలెక్షన్లు సాధించింది. హీరోతో పాటు హీరోయిన్ అనుష్కా శర్మ కూడా రెజ్లర్ పాత్ర పోషించిన ఈ సినిమా దుబాయ్, పాకిస్థాన్, బ్రిటన్, ఆస్ట్రేలియా, న్యూజిలాండ్ లాంటి చాలా దేశాల్లో హిట్ టాక్ సొంతం చేసుకుంది. ఆయా దేశాల్లో ఇప్పటివరకు ఏ హిందీ సినిమాకూ రానంత స్థాయిలో కలెక్షన్లు దీనికి వచ్చాయి.


 బాలీవుడ్ బాక్సాఫీసును సల్మాన్ షేక్ చేస్తున్నాడు. ఒకప్పుడు అమితాబ్ బచ్చన్ కలెక్షన్ల సునామీ ఎలా సృష్టించాడో.. ఇప్పుడు అలాగే 50 ఏళ్ల వయసులో మల్లయోధుడి పాత్రలో జీవించిన సల్మాన్.. వసూళ్ల వర్షం కురిపిస్తున్నాడు. సుల్తాన్ సినిమా విడుదలైన మొదటి ఐదు రోజుల్లోనే రూ. 200 కోట్ల కలెక్షన్లకు దగ్గరగా వచ్చేశాడు. అయితే... ఆలిండియా కలెక్షన్లలో ఆల్టైం రికార్డులు తిరగరాసిన బాహుబలిని మాత్రం ఇప్పటికి ఇంకా దాటలేకపోయాడు. మొదటి ఐదు రోజుల్లో బాహుబలి గ్రాస్ 320 కోట్ల రూపాయలు కాగా, నెట్ వసూళ్లు రూ. 260 కోట్లు. ఇప్పుడు సల్మాన్ మొదటి ఐదు రోజుల్లో తన సుల్తాన్ సినిమాకు రూ. 200 కోట్ల వసూళ్లకు దగ్గరైనట్లు బాలీవుడ్ ట్రేడ్ అనలిస్టు తరణ్ ఆదర్శ్ ట్వీట్ చేశాడు.
 
 సర్వసాధారణంగా ఉన్న ఓ కథకు తనదైన శైలిలో మాస్ మసాలా జోడించడం ద్వారా సల్మాన్ ఈ మ్యాజిక్ చేశాడని బాలీవుడ్ పండితులు అంటున్నారు. ఫ్యాన్లు తనను ఎలా ఉండాలని కోరుకుంటున్నారో అలాగే చేయడంతో పాటు.. సినిమాలో హీరోయిన్ పాత్రకు కూడా తగినంత ప్రాధాన్యం కల్పించడం ప్రేక్షకులకు నచ్చిన అంశం. మొదటి ఐదు రోజుల్లో సుల్తాన్ సాధించిన వసూళ్లు ఇప్పటివరకు అతడి కెరీర్లో ఏ సినిమాకూ రాలేదట. ప్రస్తుతం దేశమంతా ‘సల్మానియా’ (సల్మాన్ మానియా) అలముకుందని తరణ్ ఆదర్శ్ అంటున్నాడు.
 
 సల్మాన్కు ఇప్పటివరకు రెండు సినిమాలు మాత్రమే రూ. 200 కోట్ల క్లబ్బులో చేరాయి. ఒకటి ప్రేమ్ రతన్ ధన్ పాయో, మరొకటి కిక్. ఇక బజరంగీ భాయీజాన్ అయితే రూ. 300 కోట్లు వసూలు చేసింది. సుల్తాన్ ఇప్పటికే రూ. 200 కోట్లకు రావడంతో.. ఇక రూ. 300 కోట్లు సాధించడం కూడా కష్టం కాకపోవచ్చని అంటున్నారు.
  
 
 What's REMARKABLE is that #Sultan has crossed *lifetime biz* of several biggies in just 5 days... All set for ₹ 200 cr... WOW!
 — taran adarsh (@taran_adarsh) 11 July 2016
  
  
 
 #Sultan creates HISTORY... Had an UNPRECEDENTED 5-day weekend... Raises the bar for Hindi film biz... It's a MONSTROUS HIT!
 — taran adarsh (@taran_adarsh) 11 July 2016


 బాలీవుడ్ కండలవీరుడు సల్మాన్ ఖాన్ నటించిన సుల్తాన్ సినిమా బాక్సాఫీసు వద్ద కలెక్షన్ల వర్షం కురిపిస్తోంది. ఈ సినిమా తొలి నాలుగు రోజుల్లో దాదాపు 150 కోట్ల రూపాయలు వసూలు చేసింది. ఓపెనింగ్ కలెక్షన్లలో సల్మాన్ గత హిట్ సినిమా రికార్డులను సుల్తాన్ బ్రేక్ చేసింది. బజరంగి భాయ్జాన్, ప్రేమ్ రతన్ దన్ పాయో చిత్రాల రికార్డులను అధిగమించింది.
 
 పాకిస్థాన్లోనూ సుల్తాన్ సినిమా రికార్డు కలెక్షన్లు సాధిస్తోంది. పాకిస్థాన్ సినిమాలకు దీటుగా వసూళ్లు రాబట్టడం విశేషం. 15 కోట్ల రూపాయల ఓపెనింగ్ కలెక్షన్లు వచ్చాయి. అలీ అబ్బాస్ జాఫర్ దర్శకత్వంలో తెరకెక్కిన సుల్తాన్ సినిమాలో సల్మాన్ సరసన అనుష్క శర్మ హీరోయిన్గా నటించింది. హిట్ టాక్ సొంతం చేసుకున్న ఈ సినిమా భారత్ తో పాటు ఓవర్ సీస్లో కూడా భారీ వసూళ్లను సాధిస్తోంది.


 ముంబై: సల్మాన్ ఖాన్ 'రేప్' వ్యాఖ్యలను తప్పుబట్టిన మిస్టర్ ఫర్పెక్షనిస్ట్ ఆమిర్ ఖాన్ 'సుల్తాన్' సినిమా విషయంలో మాత్రం అతడికి అండగా నిలిచాడు. ఈ సినిమా చాలా బాగుందని చెప్పారు. 'సుల్తాన్' సినిమా చూసిన తర్వాత తన స్పందనను ట్విటర్ ద్వారా తెలిపాడు. 'బుధవారం రాత్రి సుల్తాన్ సినిమా చూశాను. అద్భుతంగా ఉంది. అలీ అబ్బాస్ జాఫర్ రచయితగా, దర్శకుడిగా సత్తా చాటాడు. సల్మాన్, అనుష్క సూపర్ గా నటించారు. ఈ సినిమా అన్ని రికార్డులను బద్దలు కొడుతుంది. ఈ సినిమాను తప్పకుండా చూడండి. మీ అందరికీ నచ్చుతుంద'ని ఆమిర్ ట్వీట్ చేశాడు.
 
 రంజాన్ కానుకగా బుధవారం విడుదలైన 'సుల్తాన్' మొదటిరోజు ఏకంగా రూ. 36.5 కోట్ల కలెక్షన్లు వసూలు చేసింది. ఈ సినిమాలో సల్మాన్ మల్లయోధుడిగా నటించాడు. ఇక ఆమిర్ తాజా చిత్రం 'దంగల్' సినిమా డిసెంబర్ లో విడుదలకానుంది. ప్రముఖ రెజ్లర్ మహవీర్ పొగట్ జీవిత కథ ఆధారంగా ఈ సినిమా తెరకెక్కిస్తున్నారు. ఈ సినిమాలో ఆమిర్ ఖాన్ 'మహవీర్' పాత్రలో నటిస్తున్నాడు.
 
 Salman and Anushkha are superb. Will break all records! Don't miss it! Love. a. (2/2)
 — Aamir Khan (@aamir_khan) 7 July 2016
 
 Saw Sultan last night . OUTSTANDING! Ali Abbas shines as writer and director. (1/2)
 — Aamir Khan (@aamir_khan) 7 July 2016


 ఏదైనా సినిమా విడుదల అయ్యిందంటే మొదటిరోజు 10-15 కోట్ల కలెక్షన్లు వస్తే సూపర్ హిట్ అంటారు. అలాంటిది బాలీవుడ్ కండల వీరుడు సల్మాన్ఖాన్ మల్లయోధుడిగా నటించిన ‘సుల్తాన్’ సినిమా.. అతడి ఈద్ సెంటిమెంటుకు తగ్గట్లుగానే అత్యంత భారీ ఓపెనింగ్స్ సాధించింది. మొదటిరోజు ఏకంగా రూ. 36.5 కోట్ల కలెక్షన్లు వచ్చినట్లు యష్ రాజ్ ఫిలింస్ ప్రొడక్షన్ సంస్థ ప్రతినిధి ఒకరు తెలిపారు. 2016 సంవత్సరంలో ఇప్పటివరకు విడుదలైన అన్ని సినిమాల్లోకి ఇదే అత్యధిక ఓపెనింగ్ అని బాలీవుడ్ ట్రేడ్ అనలిస్టు తరణ్ ఆదర్శ్ కూడా చెప్పారు. దీని తర్వాత ఫ్యాన్ సినిమాకు మొదటి రోజు రూ. 19.20 కోట్లు వచ్చాయి. ఉడ్తా పంజాబ్ సినిమా రూ. 10.05 కోట్ల కలెక్షన్లు సాధించింది. అయితే.. సల్మాన్ హీరోగా నటించిన ప్రేమ్ రతన్ ధన్ పాయో సినిమాకు మాత్రం దీనికంటే ఎక్కువగా మొదటిరోజు ఏకంగా రూ. 40.35 కోట్ల కలెక్షన్స్ వచ్చాయి.
 
 సల్లూభాయ్ ఈద్ సెంటిమెంట్ ప్రకారం చూసుకున్నా.. ప్రస్తుతం వరుసగా ఐదు రోజుల సెలవులు రావడం చూసుకున్నా ఈ సినిమా బాక్సాఫీసు రికార్డులను బద్దలు కొట్టడం ఖాయమని బాలీవుడ్ పండితులు చెబుతున్నారు. ఈ ఐదు రోజుల్లో సుల్తాన్ సినిమా హరికేన్ సృష్టించడం ఖాయమని తరణ్ ఆదర్శ్ ట్వీట్ చేశాడు.


 హైదరాబాద్: యశ్‌రాజ్ ఫిల్మ్స్ నిర్మించిన, సల్మాన్ ఖాన్ నటించిన సుల్తాన్ సినిమాతో డీటీహెచ్(డెరైక్ట్ టు హోమ్) సర్వీసులందజేసే వీడియోకాన్ డీ2హెచ్ వినూత్నమైన అనుబంధం ఏర్పర్చుకుంది. సుల్తాన్ సినిమాలో హీరోగా నటించిన సల్మాన్ ఖాన్ వీడియోకాన్ డీ2హెచ్ సంస్థ సేల్స్, సర్వీస్ ఫ్రాంచైజీగా వ్యవహరిస్తారని వీడియోకాన్ డీ2హెచ్ ఒక ప్రకటనలో తెలిపింది. ఆ తర్వాత సల్మాన్ ఖాన్ ఒలింపిక్స్‌లో భారత్‌కు ప్రాతినిధ్యం వహిస్తారని పేర్కొంది. ఈ వినూత్నమైన అనుబంధం కారణంగా భారత గ్రామీణ ప్రాంతాల్లో వీడియోకా న్ డీ2హెచ్‌కు మంచి ప్రచారం లభిస్తుందని కంపెనీ సీఈవో అనిల్ ఖేరా పేర్కొన్నారు. తమ తాజా ప్రచారం ‘ఖుషియోంకీ ఛత్రి’ కి ఈ సులా ్తన్ అనుబంధం కొనసాగింపని వివరించారు. కాగా వీడియోకాన్ డీ2హెచ్‌తో ఈ అనుబంధం సంతోషకరంగా ఉందని యశ్‌రాజ్ ఫిల్మ్స్ వైస్ ప్రెసిడెంట్ అశీష్ పాటిల్ పేర్కొన్నారు.


 సుల్తాన్ సినిమా షూటింగ్ చేసుకుని బయటకు వచ్చిన తర్వాత తన పరిస్థితి రేప్‌కు గురైన మహిళలా ఉందని వ్యాఖ్యలు చేసి, అప్రతిష్ఠను మూటగట్టుకున్న బాలీవుడ్ ముదురు బ్రహ్మచారి సల్మాన్ ఖాన్.. మీడియాకు ముఖం చాటేశాడు. ముంబై విమానాశ‍్రయంలోకి వెళ్తున్న సల్మాన్ ఖాన్ను పలు జాతీయ మీడియా సంస్థలకు చెందిన ప్రతినిధులు చుట్టుముట్టారు. రేప్ వ్యాఖ్యలను పలువురు హీరోయిన్లతో పాటు మహిళా కమిషన్ కూడా ఖండించిన నేపథ్యంలో, దీనిపై మీ స్పందన ఏంటని ఎంత అడుగుతున్నా సల్మాన్ మాత్రం అస్సలు ఎవరికీ సమాధానం ఇవ్వకుండా, పెదవి విప్పకుండా లోనికి వెళ్లిపోయాడు.
 
 ఆయన చుట్టూ పోలీసులు, సొంత బాడీగార్డులు, విమానాశ్రయ సెక్యూరిటీ సిబ్బంది వలయంలా ఉండి ఎవరినీ దగ్గరకు కూడా వెళ్లనివ్వలేదు. చిరునవ్వు నవ్వుకుంటూ లోపలకు వెళ్లిపోయిన సల్మాన్ ఖాన్ ఏ ఒక్కరి ప్రశ్నకూ సమాధానం చెప్పలేదు. నేటితరం టాప్ హీరోయిన్ కంగనా రనౌత్ దగ్గర నుంచి నిన్నటి తరం హీరోయిన్ నగ్మా, గాయని సోనా మహాపాత్ర, జాతీయ మహిళా కమిషన్ చీఫ్ లలితా కుమారమంగళం.. ఇలా ప్రతి ఒక్కరూ సల్మాన్ వ్యాఖ్యలను ఖండించారు. సుల్తాన్ సినిమాలో రెజ్లర్ పాత్రలో నటిస్తున్న సల్మాన్.. ఆ షూటింగ్ చాలా శ్రమతో కూడుకున్నదని వ్యాఖ్యానించారు. ఆ విషయం చెప్పడానికే ఆరు గంటల షూటింగ్ అయిన తర్వాత తన పరిస్థితి రేప్కు గురైన మహిళలా ఉందని అనడం దుమారం రేపింది.


 - షూటింగ్ తర్వాత నా పరిస్థితి రేప్‌కు గురైన మహిళలా ఉండేది: సల్మాన్
 - సల్మాన్ వివాదాస్పద వ్యాఖ్యలపై అన్ని వర్గాల నుంచీ విమర్శలు
  
  ముంబై: బాలీవుడ్ సూపర్ స్టార్ సల్మాన్‌ఖాన్ తన వ్యాఖ్యలతో వివాదంలో చిక్కుకున్నాడు. సల్మాన్ నటించిన తాజా చిత్రం ‘సుల్తాన్’ త్వరలో విడుదల కానుంది. ఈ నేపథ్యంలో సుల్తాన్ సినిమా షూటింగ్ తర్వాత తన పరిస్థితి అత్యాచారానికి గురైన మహిళ మాదిరిగా ఉండేదంటూ వివాదాస్పద వ్యాఖ్యలు చేశాడు.  దీంతో దుమారం రేగింది. సల్మాన్ క్షమాపణలు చెప్పాలని అన్ని వైపులను నుంచి డిమాండ్లు వస్తున్నాయి. రెజ్లింగ్ నేపథ్యంగా తెరకెక్కుతున్న సుల్తాన్ సినిమా కోసం మల్లయుద్ధంలో తీవ్ర శిక్షణ తీసుకున్నాడు సల్మాన్. జూలై 6న ఈ చిత్రం విడుదల కానున్న నేపథ్యంలో ఇటీవలవిలేకరులకు సల్మాన్ ఇంటర్వ్యూ ఇచ్చారు.
 
 ఈ సందర్భంగా ఒక సన్నివేశం షూటింగ్ పూర్తయిన తర్వాత తన పరిస్థితి ఎలా ఉందో వివరిస్తూ.. ‘ఆరు గంటల పాటు షూటింగ్ జరిగేది. ప్రత్యర్థిని ఎత్తి కిందపడేయాల్సి వచ్చేది. 120 కిలోల బరువున్న వ్యక్తిని పది సార్లు.. పది వేర్వేరు భంగిమల్లో ఎత్తాల్సి వచ్చేది. ఆ తర్వాత వారిని చాలాసార్లు కింద పడేయాల్సి వచ్చేది. నిజమైన పోరాటాల్లో ఇన్నిసార్లు చేయాల్సిన అవసరం లేదు. కానీ సినిమా కోసం ఒకేపనిని పదిసార్లు చేయాల్సి వచ్చేది. షూటింగ్ పూర్తైరింగ్ నుంచి బయటకు వచ్చిన తర్వాత నడవడం కూడా కష్టంగా ఉండేది. అప్పుడు నా పరిస్థితి అత్యాచారానికి గురైన మహిళ మాదిరిగా ఉండేది’ అన్నారు.
 
 అయితే తన వ్యాఖ్యలపై వెంటనే స్పందించిన సల్మాన్.. తాను ఇలా పోల్చి ఉండాల్సింది కాదని వెంటనే వివరణ ఇచ్చుకున్నాడు. సల్మాన్ వ్యాఖ్యలను సుమోటో కేసుగా స్వీకరించిన జాతీయ మహిళా కమిషన్(ఎన్‌సీడబ్ల్యూ) తన వ్యాఖ్యలపై వివరణ ఇవ్వాలని లేఖ రాసింది. ఏడు రోజుల్లో సంతృప్తికరమైన వివరణ ఇవ్వకపోతే కమిషన్ ఎదుట హాజరు కావాల్సి ఉంటుందని హెచ్చరించింది. ఎన్‌సీడబ్ల్యూ చీఫ్ లలితా కుమారమంగళం సల్మాన్ బహిరంగ క్షమాపణలు చెప్పాలని డిమాండ్ చేశారు. ముంబై బాంద్రాలోని సల్మాన్ నివాసం ఎదుట పలువురు మహిళా కార్యకర్తలు నిరసనకు దిగారు.  సల్మాన్ ఖాన్ తండ్రి, సినీ రచయిత సలీంఖాన్ కుమారుని తరఫున క్షమాపణలు చెప్పారు.


 సుల్తాన్ సినిమాలో మహిళా రెజ్లర్‌గా అనుష్కాశర్మ నటనకు ఆ సినిమా దర్శకుడు అలీ అబ్బాస్ జఫర్ ఫిదా అయిపోయాడు. తన రూపంతోను, కచ్చితమైన యాసతోను ఆమె తనను క్లీన్‌బౌల్డ్ చేసిందని అన్నాడు. నిజానికి ఈ సినిమాలో నటించేందుకు అనుష్క ఆరు వారాల పాటు రోజూ గంటల కొద్దీ కఠిన వ్యాయామం చేసింది, రెజ్లింగ్‌లో కూడా శిక్షణ పొందింది.
 
 రెజ్లింగ్ కోసం ఒకరు, మంచి శక్తి కోసం మరొకరు, కండరాలను రిలాక్స్ చేయడానికి ఒక ఫిజియోథెరపిస్ట్.. ఇలా ముగ్గురి వద్ద ఆమె శిక్షణ తీసుకుంది. దీనికితోడు అనుష్క కచ్చితమైన శాకాహారి. దాంతో కండలు పెంచుకోడానికి బాగా ప్రోటీన్లున్న ఆహారం తీసుకోవాల్సి వచ్చింది. ఆరు వారాల్లో ఆమె ఏం చేయగలదన్న అనుమానం తనకు ఉండేదని.. కానీ ఒక్క రోజు కూడా బ్రేక్ తీసుకోకుండా కఠోర శిక్షణ పొంది అద్భుతంగా చేసిందని దర్శకుడు అలా అబ్బాస్ జఫర్ చెప్పాడు. ఆదిత్య చోప్రా నిర్మాతగా వ్యవహరించిన సుల్తాన్ సినిమా ఈ సంవత్సరం ఈద్ సందర్భంగా విడుదల కానుంది.


 ఈ సంవత్సరం ఈద్‌ సందర్భంగా విడుదల కానున్న 'సుల్తాన్' సినిమా మీద అంచనాలు రోజురోజుకూ పెరుగుతున్నాయి. ఈ సినిమాలో హీరో సల్మాన్‌ఖాన్‌తో పోటీగా హీరోయిన్ అనుష్కా శర్మ కూడా కుస్తీ పట్లు పడుతోంది. ఇందుకోసం ఆమె ప్రత్యేకంగా శిక్షణ కూడా తీసుకున్న విషయం తెలిసిందే. పెద్దపెద్ద వస్తాదుల్లాంటి మగాళ్లను సైతం మట్టి కరిపిస్తానంటూ.. తాజాగా ఆ సినిమాకు సంబంధించిన ఒక ఫొటోను అనుష్కా శర్మ ట్వీట్ చేసింది. 'ఆర్ఫా'ను అందిస్తున్నానంటూ కుస్తీపట్టు ఫొటోను పెట్టింది.
 
 మట్టి గోదాలో కండలు తిరిగిన ఓ మగ వస్తాదును అనుష్కా శర్మ తనదైన పట్టుతో కింద పడేస్తున్నట్లుగా ఈ ఫొటోలో ఉంది. ఇది చూస్తే అనుష్కాశర్మ అసలు సిసలైన రెజ్లింగ్ యోధురాలిలా కనిపిస్తోంది. ఇప్పటివరకు సాధారణంగా సాఫ్ట్ క్యారెక్టర్లతోనే తనలోని నటనా నైపుణ్యాన్ని చూపించిన అనుష్క.. ఈ సినిమాలో మాత్రం తనలో ఉన్న రెండో కోణాన్ని బయటపెట్టిందని విమర్శకులు అంటున్నారు.
  
 
 Here’s presenting #AARFA @SultanTheMovie pic.twitter.com/7XFjsfUE47
 — Anushka Sharma (@AnushkaSharma) 29 April 2016
  
  


 బాలీవుడ్ సూపర్ స్టార్ సల్మాన్ ఖాన్ హీరోగా వస్తున్న సుల్తాన్ సినిమా షూటింగ్ ఉత్తరప్రదేశ్‌లోని ముజఫర్‌నగర్ జిల్లాలో శరవేగంగా సాగుతోంది. దీనికి సంబంధించిన విషయాలను సినిమా దర్శకుడు అలీ అబ్బాస్ జాఫర్ ట్విట్టర్ ద్వారా వెల్లడించారు. అటూ ఇటూ దట్టమైన చెట్ల మధ్య ఉన్న రోడ్డుమీద హీరో సల్మాన్ ఖాన్ ఓ పాతకాలం నాటి నీలి రంగు స్కూటర్ వేసుకుని వెళ్తున్న ఫొటోను జాఫర్ ట్వీట్ చేశాడు. దానికి ''మోర్నా, ముజఫర్‌నగర్, ఉత్తరప్రదేశ్ సుల్తాన్. సింప్లీ బ్యూటిఫుల్'' అని కేప్షన్ పెట్టాడు.
 
 యూపీలో షూటింగుకు ముందు ఈ సినిమాలో మొత్తం తారాగణం అంతా కలిసి ఢిల్లీలో ఓ షెడ్యూలు పూర్తిచేశారు. ఈ సినిమాలో ఢిల్లీలో ఉన్న 360 ఏళ్ల నాటి జమా మసీదు కూడా కనిపిస్తుంది. యష్‌రాజ్ ఫిల్మ్స్ సంస్థ ఈ సినిమాను నిర్మిస్తోంది. ఇంఉదలో అనుష్కా శర్మ, రణదీప్ హూడా కూడా నటిస్తున్నారు. ఈ సంవత్సరం ఈద్ సందర్భంగా సినిమాను విడుదల చేయాలని తలపెడుతున్నారు. సల్మాన్‌ఖాన్‌కు ఉన్న ఈద్ సెంటిమెంటు ప్రకారం ఇది కూడా బంపర్ హిట్ అవుతుందని ఆశిస్తున్నాడు.
  
 
 Morna, Muzzafarnagar , Uttar Pradesh @SultanTheMovie . Simply Beautiful. pic.twitter.com/HETenNNzOJ
 — ali abbas zafar (@aliabbaszafar) 28 April 2016
  
  


 న్యూఢిల్లీ: బాలీవుడ్ కండల వీరుడు సల్మాన్ ఖాన్ కు మాజీ ప్రేయసి, స్టార్ హీరోయిన్ ఐశ్యర్యరాయ్ బచ్చన్ మద్ధతు తెలిపింది. రియో ఒలింపిక్స్ కు భారత్ నుంచి గుడ్ విల్ అంబాసిడర్‌గా సల్మాన్ ఎంపికవ్వడం చాలా మంది పెద్దలకు రుచించలేదు. గత శనివారం భారత ఒలింపిక్ సంఘం (ఐఓఏ) ఈ విషయాన్ని అధికారికంగా ప్రకటించినప్పటి నుంచి ఎంతో మంది సెలబ్రిటీలు(రాజకీయ రంగం, క్రీడారంగం) సల్మాన్ పై విమర్శలు, తమ కోపాలను కామెంట్స్ రూపంలో వెల్లగక్కుతున్నారు. మొదట అంబాసిడర్ పదవిని షారుఖ్ ఖాన్, అమితాబ్ బచ్చన్ లాంటి స్టార్లకు ఇవ్వాలని వారి పేర్లను పరిశీలించిన అధికారులు, ఫాలోయింగ్‌ను దృష్టిలో పెట్టుకుని సల్మాన్‌ను ఎంపిక చేసినట్లు ప్రకటించేశారు.
 
 ముంబైలో జరిగిన ఓ కార్యక్రమంలో పాల్గొన్న ఆమె సల్మాన్ ఎంపికపై ఆసక్తికరమైన వ్యాఖ్యలు చేశారు. ఐఓఏ నిర్ణయాన్ని మనం గౌరవించాలని అంతేకానీ అపహాస్యం చేయకూడదంటూ అందాల సుందరి ఐశ్యర్యరాయ్ అభిప్రాయపడింది. దేశం తరఫున వెళ్తున్న ఆటగాళ్లను ఎంకరేజ్ చేయడం, వారిని ఉత్తేజపరిచే సామర్థ్యమున్న వ్యక్తులు ఎవరినైనా ఈ పదవి వరించే అవకాశం ఉంది. గుడ్ విల్ అంబాసిడర్ అయ్యే వ్యక్తి ఏ రంగానికి చెందినవారైనా తమ బాధ్యతను నిర్వర్తిస్తాడన్న నమ్మకంతో వారికి ఆ పదవికి ఎంపిక చేయవచ్చు అంటూ కండలవీరుడికి తన మద్ధతు ప్రకటించింది. సల్మాన్ ప్రస్తుతం రెజ్లర్ నేపథ్యంలో సాగే 'సుల్తాన్' మూవీలో నటిస్తున్న విషయం తెలిసిందే.


 ► రియో ఒలింపిక్స్‌లో భారత బృందానికి
 ► గుడ్‌విల్ అంబాసిడర్‌గా నియామకం
  
 న్యూఢిల్లీ: బాలీవుడ్ కండల వీరుడు సల్మాన్ ఖాన్ కు అరుదైన గౌరవం దక్కింది. రియో ఒలింపిక్స్ గుడ్ విల్ అంబాసిడర్‌గా సల్మాన్ ఎంపికయ్యాడు. శనివారం భారత ఒలింపిక్ సంఘం (ఐఓఏ) ఈ విషయాన్ని అధికారికంగా ప్రకటించింది. మొదట ఈ పదవి కోసం షారుఖ్ ఖాన్, అమితాబ్ బచ్చన్ పేర్లను పరిశీలించిన అధికారులు... యువతలో ఉన్న ఫాలోయింగ్‌ను దృష్టిలో పెట్టుకుని సల్మాన్‌ను ఎంపిక చేసిన ట్లు తెలిపారు. సల్మాన్ తాజాగా ‘సుల్తాన్’ అనే చిత్రంలో రెజ్లర్‌గా నటించి మన్ననలు పొందాడు. కాగా ఒక బాలీవుడ్ సూపర్ స్టార్ ఒలింపిక్స్ గుడ్‌విల్ అంబాసిడర్‌గా వ్యవహరించడం ఇదే మొదటిసారి కావడం విశేషం.
 
 ఒలింపిక్స్‌లో తమతో సల్మాన్ ఖాన్ చేరడం పట్ల క్రీడాకారులు మేరీకామ్, సర్దార్ సింగ్, రీతూ రాణిలు హర్షం వ్యక్తం చేశారు. ‘గుడ్ విల్ అంబాసిడర్‌గా ఎంపికవడం చాలా గర్వంగా ఉంది. క్రికెట్‌లానే ఒలింపిక్ క్రీడాంశాలను అందరూ ప్రోత్సహించాలి. నేను రియోకి వెళ్లి మరీ మన క్రీడాకారుల ఆటను ఆస్వాదిస్తాను’ అని సల్మాన్ పేర్కొన్నాడు. ఆటగాళ్లను ఉద్దేశించి మాట్లాడుతూ రియో నుంచి మాకోసం తప్పకుండా ఏదైనా తీసుకురండి (కుచ్ న కుచ్ జరూర్ లేఖే ఆనా) అంటూ ప్రోత్సహించారు. రియో ఒలింపిక్స్‌లో పాల్గొనే భారత క్రీడాకారులందరికీ రూ. కోటి చొప్పున ఎడెల్‌వీస్ సంస్థ బీమా సౌకర్యం కల్పించింది.
  


 'Wrestling is not a sport. Its about fighting what lies within' అంటూ తన తాజా చిత్రం 'సుల్తాన్' తో దూసుకొస్తున్నాడు బాలీవుడ్ 'బాక్సాఫీస్ కిల్లర్' సల్మాన్ ఖాన్. ఈద్ ను పురస్కరించుకుని జులై 6న ప్రేక్షకుల ముందుకురానున్న ఈ సినిమా ట్రైలర్ మంగళవారం విడుదలైంది. అయి, సోషల్ మీడియాలో దుమ్మురేపుతోంది. రిలీజ్ అయిన ఏడు గంటల్లోనే 'సుల్తాన్' ట్రైలర్ కు దాదాపు ఏడు లక్షల హిట్లు వచ్చాయి. సినిమా విడుదలకు ఇంకా చాలా సమయం ఉందికాబట్టి అత్యధిక హిట్లు సాధించే ట్రైలర్ గా రికార్డుకొట్టే అవకాశమూ ఉంది.
 
 సుల్తాన్.. హరియాణాకు చెందిన ఓ రెజ్లర్ నిజజీవితగాథ. ప్రతిష్టాత్మక యశ్ రాజ్ ఫిల్మ్స్ బ్యానర్ పై అలీ అబ్బాస్ జాఫర్ దర్శకత్వంలో రూపొందింది. ఇందులో సుల్తాన్ అలీ ఖాన్ గా 'కండల' విశ్వరూపాన్ని ప్రదర్శించాడు సల్మాన్ ఖాన్(ట్రైలర్ ను బట్టి). తొలిసారిగా అనుష్క శర్మ సల్లూతో జోడీకడుతోంది. రణదీప్ హుడా, అమిత్ సాథ్ ఇతర ముఖ్యనటులు. సంగీతం విశాల్ శేఖర్.


 రెండు నెలలు.. సినిమా హీరోయిన్ల జీవితంలో చాలా ముఖ్యమైన కాలం ఇది. ఒక్క రోజు కూడా విరామం లేకుండా షూటింగులలో పాల్గొనే టాప్ హీరోయిన్లకైతే ఇది మరీ ముఖ్యం. కానీ, ఒక్క సినిమా కోసం రెండు నెలల పాటు కేవలం శిక్షణలోనే గడిపేయడం సాధ్యమేనా.. తనకు సాధ్యమని చెప్పడమే కాదు, చేసి చూపించింది అనుష్కా శర్మ. రెండు నెలల పాటు కఠోర శిక్షణ తీసుకుని మల్లయుద్ధంలో నైపుణ్యం సంపాదించింది. ఇదంతా సల్మాన్ ఖాన్ సరసన నటించే సుల్తాన్ సినిమా కోసమే.
 
 నిజంగా తనకు ఇంత తక్కువ సమయంలో ఇంత నైపుణ్యం వస్తుందని ఏమాత్రం అనుకోలేదని, చాలా ఆనందంగా ఉందని చెబుతోంది అనుష్క. పంజాబీ పులిబిడ్డ గోదాలోకి దూకిందంటూ ఆమె మల్లయుద్ధం చేస్తున్న ఫొటోను ఫిట్‌నెస్ ట్రైనర్ అలీ అబ్బాస్ జఫర్ ట్వీట్ చేశారు. జఫర్ వద్దే బాలీవుడ్ ప్రముఖుల్లో సల్మాన్ ఖాన్ సహా చాలామంది ఫిట్‌నెస్ ట్రైనింగ్ తీసుకుంటారు.
  
 
 Couldn't have imagined I could do this 2 months ago.Feeling blessed 😇 https://t.co/olfvuIJNMh
 — Anushka Sharma (@AnushkaSharma) March 12, 2016
  
  


 విరాట్ కోహ్లి, అనుష్క శర్మల ప్రేమకథే కాదు.. బ్రేక్ అప్ స్టోరీ కూడా సంచలనం కలిగిస్తోంది. విరాట్ కోహ్లీ పెళ్లి ప్రపోజల్ ను అనుష్క తిరస్కరించిందని, కెరీర్ కోసమే ఇద్దరూ ప్రేమకు ఫుల్ స్టాప్ పెట్టారని ఇన్నిరోజులూ ప్రచారమవుతున్నదానికి భిన్నంగా తాజాగా మరో కథనం తెరపైకి వచ్చింది. విరాట్ కోహ్లీ, అనుష్కలు విడిపోవడానికి 'సుల్తాన్' సినిమానే కారణం అంటున్నాయి సినీ వర్గాలు.
 
 పలువురు హీరోయిన్ల పేర్లు పరిశీలించిన తరువాత సల్మాన్ ఖాన్ 'సుల్తాన్' సినిమాలో కథానాయికగా అనుష్కను  ఎంపిక చేసిన సంగతి తెలిసిందే. సల్మాన్తో తొలిసారి జతకట్టనున్న అనుష్కకు ఇది భారీ ప్రాజెక్ట్. అయితే విరాట్ కోహ్లీకి మాత్రం అనుష్క ఈ సినిమాలో నటించడం ఇష్టం లేదు. అదే విషయాన్ని ప్రియురాలితో సున్నితంగా చెప్పాడు. కానీ కోహ్లీ జోక్ చేస్తున్నాడని భావించిన అనుష్క సుల్తాన్ సినిమాను అంగీకరించింది. దీంతో ఈసారి కోహ్లీ సీరియస్గా 'సినిమాల సంగతి పక్కనపెట్టి ముందు ఇంటిని ఎలా నడపాలో నేర్చుకోవడానికి సమయాన్ని కేటాయించు' అంటూ త్వరలో కాబోతున్న వారి వివాహాన్ని దృష్టిలో పెట్టుకుని చెప్పాడని వినికిడి. కోహ్లి మాటలకు గట్టిగానే సమాధానం ఇచ్చింది అనుష్క.
 
 అంతే.. వివాదం కాస్తా విడిపోవడానికి దారి తీసింది. తాను నటిస్తున్న ఓ సినిమాతో కలిపి ఇప్పటికే అనుష్క మూడు సినిమాలకు నిర్మాతగా వ్యవహరిస్తుంది. వీటితోపాటు చేతిలో మరో రెండు సినిమాలు ఉన్నాయి. కెరీర్ ఇంత పీక్ స్టేజ్ లో ఉండగా పెళ్లి చేసుకునేందుకు, అలాగే కోహ్లీ  చెప్పినట్లు సినిమాలు వదులుకునేందుకు అనుష్క ప్రస్తుతం సిద్దంగా లేకపోవడంతో ఇక 'బ్రేక్ అప్' ఒక్కటే వీరికి కనిపించిన దారిగా తెలుస్తోంది. ఏదేమైనా ఈ గడసరి క్రికెటర్, సొగసరి హీరోయిన్ల ప్రణయగాధ ఇలా ముగియడం అభిమానులకి చేదు వార్తే.


 ముంబై: బాలీవుడ్ ముద్దుగుమ్మ అనుష్క శర్మ.. మరో హీరోయిన్ ప్రియాంక చోప్రా బాటలో పయనిస్తోంది. భారత స్టార్ బాక్సర్ మేరీకోమ్ జీవితకథ ఆధారంగా తెరకెక్కించిన 'మేరీ కోమ్' చిత్రం కోసం ప్రియాంక చోప్రా బాక్సింగ్ నేర్చుకోగా.. తాజాగా సుల్తాన్ చిత్రం కోసం అనుష్క రెజ్లింగ్ నేర్చుకుంటోంది.
 
 అనుష్క షార్ట్, బ్లూ షర్ట్ వేసుకుని రింగ్లో రెజ్లింగ్ నేర్చుకుంటున్నప్పటి ఫొటోలను ట్విటర్లో పోస్ట్ చేసింది. ఎలాంటి నొప్పి లేదు, లాభం లేదు.. కేవలం ట్రైనింగ్ తీసుకుంటున్నా అంటూ ట్వీట్ చేసింది. యశ్ రాజ్ ఫిల్మ్స్ బ్యానర్లో అలీ అబ్బాస్ జాఫర్ దర్శకత్వంలో ఆదిత్య చోప్రా నిర్మిస్తున్న ఈ చిత్రంలో సల్మాన్ ఖాన్ రెజ్లర్గా నటిస్తున్నాడు. సల్మాన్ ఈ పాత్ర కోసం బరువు పెరిగాడు. ఈ చిత్రంలో సల్మాన్, అనుష్క శర్మతో పాటు రణ్దీప్ హుడా, అమిత్ సాద్ తదితరులు నటిస్తున్నారు.
 
  


 సల్మాన్ ఖాన్‌తో కలిసి తాను నటించబోయే సుల్తాన్ సినిమా గురించి ఎంతో ఉత్సాహంగా ఎదురు చూస్తున్నట్లు బాలీవుడ్ హీరోయిన్ అనుష్కా శర్మ చెబుతోంది. సల్మాన్‌తో కలిసి పనిచేసేందుకు తాను శిక్షణ తీసుకుంటున్నానని, ఆ సినిమా గురించి.. అందులో తన పాత్ర గురించి ఎంతో ఉత్సుకతగా, ఆతృతగా ఉన్నానని ఆమె చెప్పింది. బ్రిటానియా ఫిలింఫేర్ అవార్డుల కార్యక్రమంలో పాల్గొన్న సందర్భంగా ఆమె ఈ వ్యాఖ్యలు చేసింది.
 
 ఇంతకుముందు 'జబ్ తక్ హై జాన్' సినిమాలో షారుక్ సరసన, 'పీకే'లో ఆమిర్ ఖాన్‌తోను నటించిన అనుష్క.. ఇప్పుడు సల్మాన్‌తో కూడా నటించేస్తే తాను పరిపూర్ణం అవుతానని భావిస్తోంది. ఆయనలాంటి పర్సనాలిటీ ఎవరూ ఉండరంటూ సల్లూభాయ్ మీద ప్రశంసలు కురిపించింది. అలీ అబ్బాస్ జాఫర్ దర్శకత్వంలో వస్తున్న సుల్తాన్ సినిమా.. ఈ ఏడాది ఈద్‌కు విడుదల అవుతుందని భావిస్తున్నారు.


 ‘‘రెజ్లింగ్ అంటే ఆట మాత్రమే కాదు... అది మనలో  నిరంతరం జరిగే యుద్ధం’’ అని సల్మాన్ ఖాన్ అంటున్నారు. ఇంతకీ రెజ్లింగ్ గురించి ఈ కండల వీరుడు ఇప్పుడెందుకు చెబుతున్నారు అనుకుంటున్నారా? విషయం ఏంటంటే.. ప్రస్తుతం నటిస్తున్న ‘సుల్తాన్’ చిత్రంలో సల్మాన్ ఖాన్ మల్లయోధునిగా నటిస్తున్నారు. ఈ చిత్రం పోస్టర్‌పై పైన చెప్పిన వాక్యాలు ఉన్నాయి. మంచి ఫిజిక్ ఉన్న సల్మాన్ మల్లయోధుడిగా ఎలా ఉంటారో చూడాలని ఆయన అభిమానులు ఆసక్తిగా ఎదురుచూస్తున్నారు.
 
 దానికి తోడు సల్మాన్ మల్లవిద్యలో శిక్షణ తీసుకుంటున్నట్టు బయటకు వచ్చిన ఫొటో ఇంటర్నెట్‌లో హల్‌చల్ చేయడం సినిమా మీద ఇంకా అంచనాలు పెంచేసింది. ఇక, శుక్రవారం విడుదల చేసిన ఈ సినిమా ఫస్ట్ లుక్ చూసి, సల్మాన్ అభిమానులు సూపర్ అంటున్నారు. పెరిగిన గెడ్డం, మెలి తిిప్పిన మీసాలతో సల్మాన్ అదిరిపోయాడని సోషల్ మీడియాలో అభిమానులు తెగ సంబరపడిపోతున్నారు. అలీ అబ్బాస్ జాఫర్ తెరకెక్కిస్తున్న ఈ చిత్రాన్ని యశ్‌రాజ్ ఫిలిమ్స్ సంస్థ నిర్మిస్తోంది. సల్మాన్‌ఖాన్‌కు బాగా అచ్చొచ్చిన రంజాన్ సందర్భంగా వచ్చే ఏడాది ఈ చిత్రాన్ని విడుదల చేయనున్నారు.