సాక్షి, అమరావతి: బీజేపీ నేత లక్ష్మీపతిరాజాపై ఆ పార్టీ సస్పెన్షన్‌ను ఎత్తివేసింది. కన్నా లక్ష్మీనారాయణ ఏపీ బీజేపీ అధ్యక్షుడిగా ఉ‍న్న సమయంలో రాజాపై సస్పెన్షన్‌ను విధించారు. అయితే తాజాగా బీజేపీ రాష్ట్ర అధ్యక్షుడు సోము వీర్రాజు ఆయనపై సస్పెన్షన్‌ను ఎత్తివేస్తున్నట్లు ఓ ప్రకటనలో తెలిపారు. 


 అనంతపురం అర్బన్‌: మడకశిర తహసీల్దారు డి.హరిలాల్‌నాయక్‌పై విధించిన సస్పెన్షన్‌ ఎత్తివేస్తూ కలెక్టర్‌ జి.వీరపాండియన్‌ ఉత్తర్వులు బుధవారం జారీ చేశారని రెవెన్యూ ఉద్యోగుల సంఘం జిల్లా అధ్యక్షుడు శీలా జయరామప్ప తెలిపారు. విధుల్లో నిర్లక్ష్యం వహించాంటూ ఈ నెల 22న తహసీల్దార్‌ని కలెక్టర్‌ సస్పెండ్‌ చేశారన్నారు. సంఘం తరఫున 23వ తేదీన కలెక్టర్‌ని కలిసి సస్పెన్షన్‌ ఎత్తివేయాలని విన్నవించామన్నారు. తమ విన్నపంపై కలెక్టర్‌ స్పందిస్తూ తహసీల్దారుపై విధించిన సస్పెన్షన్‌ ఎత్తివేస్తూ ఉత్తర్వులు ఇచ్చారన్నారు. తమ విన్నపంపై సానుకూలంగా స్పందించిన కలెక్టర్‌కి కృతజ్ఞతలు తెలియజేస్తున్నామన్నారు.