న్యూఢిల్లీ: వచ్చే ఏడాది జరిగే ఫెడ్ కప్‌కు టాప్ టెన్నిస్ స్టార్ సానియా మీర్జాను కెప్టెన్‌గా ఎంపిక చేశారు. ఫెడ్ కప్‌లో భాగంగా జరిగే ఆసియా ఓషియానియా గ్రూప్ 1 పోటీలు ఫిబ్రవరి 3 నుంచి 5 వరకు థాయ్‌లాండ్‌లో జరుగుతాయి. ఎస్‌పీ మిశ్రా నేతృత్వంలోని సెలక్షన్ కమిటీ నలుగురు సభ్యుల బృందాన్ని ఎంపిక చేసింది. సానియాతో పాటు నంబర్‌వన్ సింగిల్స్ క్రీడాకారిణి అంకితా రైనా, జాతీయ చాంపియన్ ప్రేరణ భాంబ్రి, ప్రార్థన తొంబరే, కర్మాన్ కౌర్ తండి జట్టులో ఉన్నారు.  ఫిబ్రవరిలోనే గువాహటిలో జరిగే దక్షిణాసియా క్రీడల కోసం కూడా భారత జట్లను ఎంపిక చేశారు.