ఇల్లెందు, న్యూస్‌లైన్: మద్యం మత్తులో నిర్లక్ష్యంగా ట్రాలీ ఆటోను నడపడంతో ఓ సైక్లిస్టు మృతి చెందిన సంఘటన మండలంలోని వేములవాడలో సోమవారం చోటు చేసుకుంది. వేములవాడకు చెందిన  నక్కా విశ్వనాధం(48) రోడ్డు  వెంట సైకిల్‌పై వెళుతుండగా ట్రాలీ ఆటో వేగంగా ఢీకొట్టింది. ఈ ప్రమాదంలో తీవ్రంగా గాయపడిన విశ్వనాధంను ఖమ్మం తరలించగా చికిత్స పొందుతూ మృతి చెందాడు. మృతుడికి భార్య, ఇద్దరు పిల్లలు ఉన్నారు.