TV
అట్టహాసంగా జిల్లాస్థాయి అథ్లెటిక్స్‌ పోటీలు
మంచిర్యాలరూరల్‌(హాజీపూర్‌): హాజీపూర్‌ మండలం గుడిపేట మౌంట్‌ కార్మల్‌ పాఠశాలలో శనివారం జిల్లా అథ్లెటిక్స్‌ పోటీలు అట్ట హాసంగా ప్రారంభమైంది. అథ్లెటిక్స్‌ అసోసియేషన్‌ జిల్లా అధ్యక్షుడు సాంబమూర్తి, కార్యదర్శి ఈ.మారయ్య, మౌంట్‌ కార్మల్‌ పాఠశాల హెచ్‌ఎం సిస్టర్‌ ఆల్ఫీ ఈ పోటీలను ప్రారంభించారు. జిల్లాలోని వివిధ పాఠశాలలకు చెందిన 300 మంది క్రీడాకారులు పాల్గొన్నారు. పరుగు పందెం, షార్ట్‌ఫుట్‌, లాంగ్‌ జంప్‌ అథ్లెటిక్స్‌ పోటీల్లో విజేతలుగా నిలిచిన క్రీడాకారులకు పతకాలతోపాటు ప్రోత్సాహక సర్టిఫికెట్లు ప్రదానం చేశారు. అథ్లెటిక్స్‌ అసోసియేషన్‌ జిల్లా ఉపాధ్యక్షుడు జీవరత్నం, కార్యనిర్వాహక కార్యదర్శి ఆర్‌.నరేందర్‌, పీఈటీ రాంవేణు, వ్యాయామ ఉపాధ్యాయులు పాల్గొన్నారు.
Comments
Please login to add a commentAdd a comment