6 నుంచి ఆర్టీసీ ఉద్యోగులకు క్రీడా పోటీలు

డాబాగార్డెన్స్‌ (విశాఖ): ఆర్టీసీ ఉద్యోగులకు వచ్చే నెల 6 నుంచి 8 వరకు క్రీడా పోటీలు కై లాసగిరి పోలీస్‌ క్రీడా ప్రాంగణంలో పెద్ద ఎత్తున నిర్వహించనున్నారు. అసోసియేషన్‌ ఆఫ్‌ స్టేట్‌ రోడ్‌ ట్రాన్స్‌పోర్ట్‌ అండర్‌ టేకింగ్‌ ఆధ్వర్యంలో దేశంలోని అన్ని రాష్ట్రాల రోడ్డు రవాణా సంస్థలో పనిచేస్తున్న ఉద్యోగులు పాల్గొననున్నారు. ఈ మేరకు ఆర్టీసీ జోన్‌–1 ఇన్‌చార్జి ఈడీ విజయ్‌కుమార్‌ ఆర్టీసీ అధికారులతో ఏర్పాటు చేసిన కమిటీలతో గురువారం ఎంవీపీ బస్‌ స్టేషన్‌, ఈడీ క్యాంపు కార్యాలయంలో సమావేశమయ్యారు. సమావేశంలో సీఎంఈ(ఎం) జి.విజయరత్నం, విశాఖ జిల్లా ప్రజా రవాణా అధికారి బి.అప్పలనాయుడు, అనకాపల్లి జిల్లా ప్రజా రవాణా అధికారి కె.పద్మావతి, విజయనగరం జిల్లా ప్రజా రవాణా అధికారి అప్పలనారాయణ, విశాఖపట్నం డిప్యూటీ చీఫ్‌ ట్రాఫిక్‌ మేనేజర్‌ సత్యనారాయణ, డిప్యూటీ చీఫ్‌ పర్సనల్‌ మేనేజర్‌ ఎం.సుధాబిందు, డిప్యూటీ చీఫ్‌ మెకానికల్‌ ఇంజనీర్‌ కె.శ్రీనివాసరావు పాల్గొన్నారు.