ఇసుక అక్రమ తరలింపు అడ్డగింత

ఇసుక అక్రమ తరలింపు అడ్డగింత

శింగనమల: మండలంలోని పి.జలాలపురం గ్రామ సమీపంలోని వంక నుంచి టీడీపీ నాయకులు అక్రమంగా తరలిస్తున్న ఇసుక టిప్పర్లను శనివారం రాత్రి గ్రామస్తులు అడ్డుకున్నారు. అయితే, గ్రామస్తులపై పచ్చ పార్టీ నాయకులు ఎదురుతిరగడంతో స్థానికులు నేరుగా ఎస్పీ జగదీష్‌కు ఫిర్యాదు చేశారు. ఈ క్రమంలో ఎస్పీ ఆదేశాల మేరకు శింగనమల పోలీసులు వెంటనే అక్కడికి చేరుకున్నారు. వంకలో ఇసుక తోడుతున్న హిటాచీతో పాటు అక్కడే ఉన్న 5 టిప్పర్లను పట్టుకున్నారు. పోలీసులు గ్రామస్తులతో మాట్లాడుతుండగానే చీలేపల్లి దారి గుండా టిప్పర్లు వెళ్లిపోయాయి. దీంతో హిటాచీని పోలీసులు పట్టుకొని శింగనమల పోలీసుస్టేషన్‌కు తీసుకువచ్చారు. ఈ సందర్భంగా గ్రామస్తులు మాట్లాడుతూ రోజూ రాత్రిళ్లు ఇసుక అక్రమంగా తరలిస్తున్నారన్నారు. దీంతో భూగర్భ జలం తగ్గిపోతోందన్నారు. రాత్రిళ్లు ఇసుక టిప్పర్లు చేసే శబ్ధాలతో నిద్ర కరువైందని ఆవేదన వ్యక్తం చేశారు. ఇప్పటికైనా అధికారులు స్పందించి ఇసుక అక్రమార్కులపై చర్యలు తీసుకోవాలని కోరారు.

1/1

ఇసుక అక్రమ తరలింపు అడ్డగింత