బాలిక అదృశ్యం

బాలిక అదృశ్యం

వల్లూరు (చెన్నూరు) : చెన్నూరు మండలం చిన్నమాసుపల్లి గ్రామానికి చెందిన మారెళ్ళ రాజా కుమార్తె మైనర్‌ బాలిక అదృశ్యమైంది. ఇంట్లో తల్లిదండ్రులు మందలించారని శుక్రవారం సాయంత్రం మూడు గంటలకు ఎవరు చెప్పకుండా అదృశ్యమైంది. తండ్రి, బంధువులు చుట్టుపక్కల వారి వద్ద విచారించినా ఫలితం లేకపోవంతో శనివారం చెన్నూరు పోలీస్‌ స్టేషన్‌లో ఫిర్యాదు చేశారు. ఈ మేరకు కేసు నమోదు చేసి విచారిస్తున్నట్లు సీఐ పురుషోత్తం రాజు తెలియజేశారు.

కడపలో మహిళ ..

కడప అర్బన్‌ : కడప నగర శివార్లలోని రిమ్స్‌ పిఎస్‌ పరిధిలో సరోజినీ నగర్‌లో నివాసం వుంటున్న పి. సుజాత (42) అనే మహిళ ఈనెల 13 వ తేదీ నుంచి కనిపించడంలేదని ఆమె తల్లి కళావతి శనివారం పోలీసులకు ఫిర్యాదు చేశారు. ఈ సంఘటనపై రిమ్స్‌ పిఎస్‌ సీఐ సీతారామిరెడ్డి కేసు నమోదు చేసి దర్యాప్తు చేస్తున్నట్లు తెలిపారు.

కొండ చిలువ కలకలం

వల్లూరు : మండలంలోని కోట్లూరు గ్రామ పంచాయతీ పరిధిలోని బాకరాపురం గ్రామంలో శనివారం కొండ చిలువ కలకలం రేపింది. గ్రామానికి చెందిన రెడ్డి శేఖర్‌ అనే వ్యక్తి ఇంటి వెనుక భాగంలో ఉన్న వామి దొడ్డిలో కొండ చిలువ కదలకుండా పడుకుని ఉండడాన్ని గమనించారు. సుమారు 7 అడుగుల పొడవు ఉన్న కొండ చిలువను చూడడానికి స్థానికులు ఆసక్తి చూపారు. అనంతరం రెడ్డి శేఖర్‌ చాక చక్యంగా కొండ చిలువను పట్టుకుని గ్రామానికి సమీపంలోని వంకలో వదిలి పెట్టారు.

1/1

బాలిక అదృశ్యం