![Stock Market Rally On Today Opening](https://www.sakshi.com/styles/webp/s3/article_images/2024/09/2/Market01.jpg.webp?itok=M629qQYO)
దేశీయ స్టాక్మార్కెట్లు సోమవారం ఉదయం లాభాల్లో ట్రేడవుతున్నాయి. ఉదయం 9:22 సమయానికి నిఫ్టీ 65 పాయింట్లు పెరిగి 25,304కు చేరింది. సెన్సెక్స్ 206 పాయింట్లు లాభపడి 82,567 వద్ద ట్రేడవుతోంది.
అమెరికా డాలర్ ఇండెక్స్ 101.35 పాయింట్ల వద్దకు చేరింది. క్రూడ్ఆయిల్ బ్యారెల్ ధర 77 అమెరికన్ డాలర్ల వద్ద ఉంది. యూఎస్ 10 ఏళ్ల బాండ్ ఈల్డ్లు 3.91 శాతానికి చేరాయి. అమెరికా మార్కెట్లు గడిచిన సెషన్లో లాభాలతో ముగిశాయి. ఎస్ అండ్ పీ 1.01 శాతం, నాస్డాక్ 1.1 శాతం లాభపడ్డాయి.
అమెరికా కేంద్ర బ్యాంకు ఫెడ్ రిజర్వ్ ద్రవ్య పాలసీ సమావేశం సెప్టెంబర్ 17-18 జరగునుంది. ఈ నేపథ్యంలో ఫెడ్ వడ్డీరేట్లను ప్రభావితం చేసే యూఎస్ తయారీ రంగ, నిరుద్యోగ రేటు, వ్యవసాయేతర పేరోల్ గణాంకాలను ఇన్వెస్టర్లు క్షుణ్ణంగా పరిశీలించవచ్చు. లాభాలు కొనసాగితే నిఫ్టీ ఎగువ స్థాయిలో 25,500 స్థాయిని పరీక్షించవచ్చు. గరిష్ట స్థాయిల వద్ద లాభాల స్వీకరణ చోటు చేసుకుంటే 25,000 వద్ద తక్షణ మద్దతు లభించవచ్చు. ఈ స్థాయిని కోల్పోతే 24,900 వద్ద మరో మద్దతు ఉందని నిపుణులు సూచిస్తున్నారు.
దేశీయ ఆటో కంపెనీల ఆగస్టు వాహన విక్రయ గణాంకాలు వెల్లడయ్యాయి. దాంతో ఆటో రంగ షేర్లలో కదలికలు ఉండవచ్చు. సోమవారం భారత్తో పాటు చైనా, యూరోజోన్ల ఆగస్టు తయారీ రంగ పీఎంఐ డేటాను విడుదల కానుంది. అమెరికా ఆగస్టు తయారీ రంగ, వాహన విక్రయ డేటా మంగళవారం రానుంది.
(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)
Comments
Please login to add a commentAdd a comment