నేడు ప్రత్యేక ఓటరు నమోదు

నేడు ప్రత్యేక ఓటరు నమోదు

ఏలూరు (మెట్రో): భారత ఎన్నికల సంఘం ఆదేశాల మేరకు ఫొటో ఓటర్ల జాబితా ప్రత్యేక సంక్షిప్త సవరణలో భాగంగా ఆదివారం జిల్లాలోని అన్ని పోలింగ్‌ కేంద్రాల్లో ఓటరు నమోదు కార్యక్రమం నిర్వహిస్తామని డీఆర్వో వి.విశ్వేశ్వరరావు తెలిపారు. ఆయా కేంద్రాల్లో బీఎల్‌ఓలు ఉదయం 10 గంటల నుంచి సాయంత్రం 5 గంటల వరకు అందుబాటులో ఉంటారని, అర్హుల నుంచి 6,7,8 దరఖాస్తు ఫారాలు స్వీకరిస్తారన్నారు. ఓటర్ల నమోదు అధికారులు, తహసీల్లార్లు పోలింగ్‌ కేంద్రాలను తనిఖీ చేసి శిబిరాల నిర్వహణను పరిశీలించాలన్నారు. బీఎల్‌ఓలు స్వీకరించిన ఫారం 6,7, 8 దరఖాస్తుల నివేదికను సాయంత్రం 5 గంటలకు సంబంధిత తహసీల్దార్లు సమర్పించాలని ఆదేశించారు.