TV
పట్టపగలే చైన్‌స్నాచర్ల హల్‌చల్‌
మెట్‌పల్లి: పట్టణంలోని 12వార్డు టీచర్స్‌కాలనీలో పట్టపగలే చైన్‌స్నాచర్లు రెచ్చిపోయారు. ఓ మహిళపై దాడి చేసి ఆమె మెడలో నుంచి పుస్తెలతాడును అపహరించుకుని వెళ్లిపోయారు. బాధితురాలు కందనవేని వాణి కథనం ప్రకారం.. బుధవారం మధ్యాహ్న సమయంలో ఇంటి ఆవరణలో కూతురుకు అన్నం తినిపిస్తోంది. అప్పటికే వారి ఇంటి సమీపంలో ఇద్దరు యువకులు బైక్‌పై వచ్చి గమనిస్తున్నారు. కొద్దిసేపు తర్వాత ఓ యువకుడు నడుచుకుంటూ వెళ్లి ఆమె మెడలో ఉన్న పుస్తెలతాడును లాక్కెళ్లడానికి ప్రయత్నించాడు. వెంటనే అప్రమత్తమైన ఆమె అతడిని ప్రతిఘటించింది. ఆమెను బలంగా కిందకు తోసేసి మెడలో ఉన్న పుస్తెలతాడును లాక్కొని బైక్‌పై పారిపోయారు. పుస్తెలతాడు నాలుగు తులాలు ఉంటుందని బాధితురాలు వాపోయింది. సంఘటనా స్థలాన్ని సీఐ నిరంజన్‌రెడ్డి పరిశీలించి బాధితురాలి నుంచి వివరాలు సేకరించారు. పరిసరాల్లోని సీసీ కెమెరాలు పరిశీలించారు. నిందితుల ఫొటోలను విడుదల చేశారు. నిందితులను గుర్తిస్తే తమకు సమాచారం ఇవ్వాలని పోలీసులు కోరారు. పట్టపగలే ఈ సంఘటన జరగడంతో స్థానికులు భయాందోళన చెందుతున్నారు.
మహిళ మెడలో నుంచి పుస్తెలతాడు అపహరణ
Comments
Please login to add a commentAdd a comment