వైద్య విద్యార్థి చదువుకు చేయూత

వైద్య విద్యార్థి చదువుకు చేయూత

మెట్‌పల్లిరూరల్‌: కష్టపడి చదివి నీట్‌లో ఎంబీబీఎస్‌ సీటు సాధించిన వెద్య విద్యార్థిని చదువుకు కోరుట్ల ఎమ్మెల్యే సంజయ్‌ చేయూతనిచ్చారు. కోరుట్ల పట్టణానికి చెందిన తుమ్మ రాజేశం కుమార్తె అక్షిత ఎంబీబీస్‌ సీటు సాధించినా.. పుస్తకాలు కొనుక్కునే స్థోమత లేదు. విషయం తెలుసుకున్న ఎమ్మెల్యే మెట్‌పల్లిలోని బీఆర్‌ఎస్‌ కార్యాలయంలో మంగళవారం రూ.30 వేల విలువైన పుస్తకాలను ఆమెకు అందించారు. డాక్టర్‌ అయి పేద ప్రజలకు వైద్యసేవలందించాలని సూచించారు. అనంతరం వెల్లుల జెడ్పీ హైస్కూల్‌లో రూ.5 లక్షలతో ఓపెన్‌ జిమ్‌, ఒడ్డెర కాలనీలో రూ.3లక్షలతో డ్రైనేజీ నిర్మాణానికి భూమిపూజ చేశారు. ఇటీవల అగ్ని ప్రమాదం జరిగి సర్వం కోల్పోయిన జగ్గాసాగర్‌ గ్రామానికి చెందిన సార రఘుపతి కుటుంబానికి రూ.10 వేలు అందించారు. ఆయన వెంట మాజీ ఎంపీపీ మారు సాయిరెడ్డి,మురళీధర్‌రెడ్డి, పుల్ల జగన్‌ పాల్గొన్నారు.

విద్యార్థులకు నాణ్యమైన భోజనం అందించాలి

విద్యార్థులకు నాణ్యమైన భోజనం అందించాలని ఎమ్మెల్యే సూచించారు. పెద్దాపూర్‌ గురుకులం పాఠశాలను తనిఖీ చేశారు. మధ్యాహ్న భోజనాన్ని పరిశీ లించారు. సమస్యలపై ఆరా తీశారు. ఇబ్బందులుంటే నేరుగా తన దృష్టికి తేవాలని పేర్కొన్నారు.

● పుస్తకాలు అందించిన ఎమ్మెల్యే సంజయ్‌