కారు, ఆటో ఢీ: నలుగురికి తీవ్ర గాయాలు

కారు, ఆటో ఢీ: నలుగురికి తీవ్ర గాయాలు

వెల్గటూర్‌: కారు, ఆటో ఢీకొన్న ఘటనలో నలు గురు తీవ్ర గాయాలపాలయ్యారు. పోలీసుల కథ నం ప్రకారం.. మంచిర్యాల జిల్లా లక్సెట్టిపేట మండలం ఇటిక్యాల గ్రామానికి చెందిన నలుగురు యువకులు కిషన్‌రావుపేట లక్ష్మీనరసింహస్వామి దర్శనానికి వెళ్లి సాయంత్రం స్వగ్రామానికి ఆటోలో తిరుగు ప్రయాణమయ్యారు. స్తంభంపల్లి శివారులోకి రాగా నే రాయపట్నం నుంచి వెల్గ టూర్‌ వైపు ఎదురుగా వస్తున్న కారును ఢీ కొట్టింది. ఈ ప్రమాదంలో ఆటో నుజ్జు నుజ్జయింది. ఆటోలో ప్రయాణిస్తున్న నలుగురు ఎగిరి చెల్లాచెదురుగా పడిపోయారు. కాళ్లు, చేతులు విరిగి తీవ్రంగా గాయపడ్డారు. ఘటనా స్థలానికి చేరుకున్న పోలీసులు క్షతగాత్రులను చికిత్స నిమిత్తం కరీంనగర్‌కు తరలించారు.

గుంతలు తప్పించబోయి ప్రమాదం

రోడ్డుపై ఉన్న గుంతలు తప్పించబోయి ప్రమాదం జరిగినట్లు స్థానికులు తెలిపారు. ఏడో నంబర్‌ రాష్ట్ర రహదారిపై గత శుక్రవారం స్తంభంపల్లి వద్దనే జరిగిన ప్రమాదంలో ముగ్గురు యువకులు మృతిచెందిన ఘటన మరవక ముందే మరో ప్రమాదం చోటు చేసుకుంది. వెల్గటూర్‌ నుంచి రాయపట్నం మధ్య ఉన్న గుంతలతో నిత్యం ప్రమాదాలు జరుగుతున్నా పట్టించుకునేవారు లేరు. గుంతల్లో పడి రెండేళ్లలో 20 మందికి పైగా మృతి చెందారు. సుమారు 30 మందికి పైగా క్షతగాత్రులయ్యారు. అధికారులు స్పందించి రోడ్డు మరమ్మతు చేయించి ప్రమాదాలు జరగకుండా చూడాలని ప్రజలు కోరుతున్నారు.

1/1

కారు, ఆటో ఢీ: నలుగురికి తీవ్ర గాయాలు