ఇంటింటి సర్వేకు సహకరించాలి

ఇంటింటి సర్వేకు సహకరించాలి

కామారెడ్డి రూరల్‌: ఇంటింటి కుటుంబ సర్వేకు ప్రతి ఒక్కరూ సహకరించాలని ఎంపీవో హెప్సిబారాణి కోరారు. శుక్రవారం శాబ్దిపూర్‌లో సర్వే తీరును ఆమె పరిశీలించారు. ఆయా ఇళ్లను సందర్శించి కుటుంబ సర్వే నిర్వహణ కోసం అతికించిన స్టిక్కర్లను, వివరాలను క్షుణ్ణంగా పరిశీలించారు. 6 నుంచి 8 వరకు హౌజ్‌ లిస్టింగ్‌ ప్రక్రియ జరిగిందని, 9న సమగ్ర కుటుంబ వివరాల సేకరణ ప్రారంభమవుతుందన్నారు.

లింగంపేట(ఎల్లారెడ్డి): మండలంలోని 41 గ్రామ పంచాయతీల్లో శుక్రవారం సర్వే నిర్వహించినట్లు ఎంపీవో మలహరి తెలిపారు. ఈ సందర్భంగా గ్రామాల్లో ఇంటింటికి వెళ్లి కుటుంబాలను గుర్తించి స్టిక్కర్లు అతికిస్తున్నట్లు ఆయన పేర్కొన్నారు.

ఎల్లారెడ్డి: ఎల్లారెడ్డిలో ఎన్యుమరేటర్లు శుక్రవారం సర్వే నిర్వహించారు. పట్టణంలోని ఇంటింటింకి ఎన్యుమరేటర్లు కుటుంబాలను గుర్తించి స్టిక్కర్లు అతికించారు.

1/1

ఇంటింటి సర్వేకు సహకరించాలి