TV
ఖోఖో జట్ల ఎంపిక పోటీలకు స్పందన
కరీంనగర్‌స్పోర్ట్స్‌: జిల్లా ఖోఖో అసోసియేషన్‌ ఆధ్వర్యంలో ఆదివారం కరీంనగర్‌లోని అంబేడ్కర్‌ స్టేడియంలో నిర్వహించిన ఉమ్మడి జిల్లా సీనియర్స్‌ ఖోఖో జట్ల ఎంపిక పోటీలకు స్పందన వచ్చింది. సుల్తానాబాద్‌, సిరిసిల్ల, వేంపేట, పెద్దపల్లి, కాటారం, మంథని, కరీంనగర్‌, ఇల్లంతకుంట, కోరుట్ల, చొప్పదండి, జగిత్యాల తదితర ప్రాంతాల నుంచి 85 మంది మహిళలు, 70 మంది పురుషులు హాజరయ్యారు. కరీంనగర్‌ డైట్‌ లెక్చరర్‌ లక్ష్మారెడ్డి క్రీడాకారులను పరిచయం చేసుకొని ప్రారంభించారు. జిల్లా క్రీడాకారులు జాతీయ, అంతర్జాతీయస్థాయి పోటీల్లో రాణించడం అభినందనీయమన్నారు. జిల్లా ఖోఖో అసోసియేషన్‌ ప్రధాన కార్యదర్శి వై.మహేందర్‌రావు, సభ్యులు చిట్టి తిరుపతిరెడ్డి, సీఐ కుమారస్వామి, వంగపల్లి సూర్యప్రకాశ్‌, కట్ట సంతోష్‌, కరుణాకర్‌, డి.ప్రసాద్‌, అంతర్జాతీయ ఖోఖో క్రీడాకారులు గెల్లు మధుకర్‌, పండుగ ఆనంద్‌, వెంకటేశ్‌, జలంధర్‌, వ్యాయామ ఉపాధ్యాయులు యోగేశ్‌, ఇక్బాల్‌, అశోక్‌ తదితరులు పాల్గొన్నారు.
Comments
Please login to add a commentAdd a comment