బండరాయి దొర్లి పడి ట్రాక్టర్‌ డ్రైవర్‌ మృతి

బండరాయి దొర్లి పడి ట్రాక్టర్‌ డ్రైవర్‌ మృతి

కోలారు: కొండపై మట్టిని తొలగిస్తుండగా బండరాయి దొర్లి మీదపడి ట్రాక్టర్‌ డ్రైవర్‌ అక్కడికక్కడే మరణించిన ఘటన ఆదివారం తాలూకాలోని అరాభి కొత్తనూరు గ్రామం వద్ద ఉన్న క్వారీలో జరిగింది. గ్రామానికి చెందిన నాగరాజ్‌(38) అనే ట్రాక్టర్‌ డ్రైవర్‌ 1 జేసీబీ, 2 ట్రాక్టర్ల సహాయంతో మట్టిని తరలించడానికి వెళ్లాడు. జేసీబీతో మట్టిని తీస్తున్న సమయంలో ట్రాక్టర్‌పైకి బండరాయి దొర్లి పడింది. బండ కింద చిక్కుకున్న నాగరాజ్‌ ప్రాణాలు కోల్పోయాడు. విషయం తెలిసిన వెంటనే కోలారు రూరల్‌ పోలీసులు ఘటనా స్థలానికి చేరి పరిశీలించారు. బండరాయి కింద చిక్కుకున్న నాగరాజ్‌ మృతదేహాన్ని వెలికితీసి పోస్టుమార్టం కోసం ప్రభుత్వ ఆస్పత్రికి తరలించారు. జేసీబీ, ట్రాక్టర్లను స్వాధీనం చేసుకుని కేసు నమోదు చేసుకున్నారు.