విద్యార్థులు క్రీడల్లో రాణించాలి

విద్యార్థులు క్రీడల్లో రాణించాలి

ఆసిఫాబాద్‌రూరల్‌: విద్యార్థులు చదువుతోపా టు క్రీడల్లో రాణించాలని డీటీడీవో రమాదేవి అన్నారు. జిల్లా కేంద్రంలోని గిరిజన ఆదర్శ క్రీడాపాఠశాలలో ఆదివారం జిల్లాస్థాయి సబ్‌ జూనియర్‌ బాలబాలికల అథ్లెటిక్స్‌ పోటీలు నిర్వహించారు. ప్రతిభ చూపిన క్రీడాకారుల కు బహుమతులు ప్రదానం చేశారు. డీఎస్‌వో మీనారెడ్డి మాట్లాడుతూ జిల్లాస్థాయి అథ్లెటిక్స్‌కు జిల్లా నుంచి వందమంది క్రీడాకారులు హాజరయ్యారని తెలిపారు. 100, 600 మీటర్ల రన్నింగ్‌తోపాటు హైజంప్‌, లాంగ్‌జంప్‌ పో టీలు నిర్వహించామన్నారు. ఉత్తమ ప్రతిభ చూపిన 25 మంది రాష్ట్రస్థాయి పోటీలకు ఎంపికయ్యారని తెలిపారు. మంచిర్యాల జిల్లాలో డిసెంబర్‌ 1న జరిగిన రాష్ట్రస్థాయి అథ్లెటిక్స్‌ పోటీల్లో వీరు పాల్గొంటారని పేర్కొన్నారు. కార్యక్రమంలో అథ్లెటిక్స్‌ అసోసియేషన్‌ జిల్లా ప్రధాన కార్యదర్శి శంకర్‌, ఏసీఎంవో ఉ ద్దవ్‌, మాజీ ఎంపీపీ మల్లికార్జున్‌, కోచ్‌ విద్యాసాగర్‌, పీడీ, పీఈటీలు హరికృష్ణ, స్వప్న, సౌదర్య, లక్ష్మణ్‌, శ్రీనివాస్‌ పాల్గొన్నారు.