బతుకమ్మ వేడుకలు

జిల్లా కేంద్రంలోని కలెక్టరేట్‌, ఎస్పీ కార్యా లయాల్లో బుధవారం బతుకమ్మ వేడుకలను ఘనంగా నిర్వహించారు. కలెక్టరేట్‌లో అన్ని విభాగాల మహిళా ఉద్యోగులు బతుకమ్మ లతో తరలివచ్చి ఆడిపాడారు. బతుకమ్మ బతుకమ్మ ఉయ్యాలో.. బంగారు బతుకమ్మ ఉయ్యాలో.. అంటూ పాటలు పాడారు. అలాగే ఎస్పీ కార్యాలయంలో మహిళా పోలీస్‌ సిబ్బంది, అధికారుల సతీమణులు బతుకమ్మ ఆడారు. పోలీసు అధికారులు నృత్యాలు చేస్తూ సందడి చేశారు. ఆయా కార్యక్రమాల్లో కలెక్టర్‌ అద్వైత్‌కుమార్‌సింగ్‌, అదనపు కలెక్టర్లు లెనిన్‌వత్సల్‌ టొప్పో, డేవిడ్‌, ఎస్పీ సుధీర్‌రాంనాథ్‌ కేకన్‌, ఏఎస్పీ చెన్నయ్య, డీఎస్పీ తిరుపతిరావు, ఏఆర్‌ డీఎస్పీ శ్రీనివాస్‌, మహిళా ఉద్యోగులు పాల్గొన్నారు.

– మహబూబాబాద్‌/మహబూబాబాద్‌ రూరల్‌