TV
ప్రధానితో సమావేశంలో మనోళ్లు
ఆదిలాబాద్‌: ప్రధానమంత్రి నరేంద్రమోదీతో ఢిల్లీలో బుధవారం నిర్వహించిన ప్రత్యేక సమావేశంలో ఆదిలాబాద్‌ ఎంపీ గోడం నగేశ్‌, ఎమ్మెల్యే పాయల్‌ శంకర్‌ పాల్గొన్నారు. తెలంగాణకు చెందిన 18 మంది బీజేపీ ప్రతినిధులతో నిర్వహించిన ఈ సమావేశంలో రాష్ట్ర అభివృద్ధి, ప్రాంతీయ సమస్యలను గురించి ప్రధాని దృష్టికి తీసుకువెళ్లినట్లు ఎమ్మెల్యే తెలిపారు. ఇందులో కేంద్రమంత్రి కిషన్‌రెడ్డి, పార్టీ ఎంపీలు, ఎమ్మెల్యేలు పాల్గొన్నారు.
ఐటీడీఏ కేసులను కలెక్టర్‌కు బదిలీ చేయాలి
ఆదిలాబాద్‌టౌన్‌: ఉట్నూర్‌ ఐటీడీఏ పీవో వద్ద పెండింగ్‌లో ఉన్న ఏజెన్సీ సివిల్‌ కేసులన్నింటినీ 15 రోజుల్లోగా కలెక్టర్‌కు బదిలీ చేయాలని హైకోర్టు ఆదేశించినట్లు హైకోర్టు న్యాయవాది సోమ రవికిరణ్‌రెడ్డి తెలిపారు. ఐటీడీఏ జారీ చేసిన మధ్యంతర ఉత్తర్వులను సవాల్‌ చేస్తూ పిటిషనర్‌ దోని అశోక్‌ తరఫున రాష్ట్ర అత్యున్నత న్యాయస్థానంలో పిటిషన్‌ దాఖలు చేసినట్లు పేర్కొన్నారు. ఐటీడీఏకు ఏజెన్సీ, సివిల్‌ దావాలను విచారించే అధికారం లేదని గతంలో హైకోర్టు వెలువరించిన తీర్పును ప్రస్తావించారు.
Comments
Please login to add a commentAdd a comment