TV
డేటా ఎంట్రీ పక్కాగా చేయాలి
జెడ్పీ సీఈఓ ఎల్లయ్య
కౌడిపల్లి(నర్సాపూర్‌): సమగ్ర కుటుంబ సర్వే డేటా ఎంట్రీని ఎలాంటి తప్పులు లేకుండా పక్కాగా చేయాలని జెడ్పీ సీఈఓ ఎల్లయ్య ఆదేశించారు. శనివారం కౌడిపల్లి ఎంపీడీఓ కార్యాలయంలో డేటా ఎంట్రీ ప్రక్రియను పరిశీలించి మాట్లాడారు. సర్వే చేసిన ప్రతి కుటుంబానికి సంబంధించిన వివరాలను ఆన్‌లైన్‌లో నమోదు చేయాలన్నారు. పంచాయతీ కార్యదర్శులు, సూపర్‌వైజర్లు ఎప్పటికప్పుడు పరిశీలించాలన్నారు. కంప్యూటర్‌ ఆపరేటర్లకు ఏమైనా సమస్యలు, అనుమానాలు ఉంటే ఎన్యుమరేటర్లు, సూపర్‌వైజర్లు, ఇతర అధికారులను అడిగి తెలుసుకోవాలని సూచించారు. జిల్లాలో వందశాతం సర్వే పూర్తయిందని.. అక్కడక్కడా మిగిలిపోయిన కుటుంబాలను సర్వే చేస్తున్నట్లు తెలిపారు. జిల్లావ్యాప్తంగా సుమారు 370 మంది ఆపరేటర్లు డేటా ఎంట్రీ చేస్తున్నారని, వారంలో ప్రక్రియ పూర్తవుతుందని వివరించారు. కార్యక్రమంలో ఎంపీడీఓ శ్రీనివాస్‌, ఎంపీఓ కలీముల్ల, ఏపీఓ పుణ్యదాస్‌, పంచాయతీ కార్యదర్శులు, కంప్యూటర్‌ ఆపరేటర్లు పాల్గొన్నారు.
Comments
Please login to add a commentAdd a comment