‘సీఈఐఆర్‌’తో ఫోన్‌ రికవరీ

‘సీఈఐఆర్‌’తో ఫోన్‌ రికవరీ

మెదక్‌ మున్సిపాలిటీ: ప్రస్తుత జీవన శైలిలో మొబైల్‌ కీలకమైందని, ప్రజలు ప్రతి అవసరానికి దానిపైనే ఆధారపడుతున్నారని ఎస్పీ ఉదయ్‌కుమార్‌రెడ్డి అన్నారు. శనివారం జిల్లా పోలీస్‌ ప్రధాన కార్యాలయంలో సీసీటీఎన్‌ఎస్‌ రైటర్లు, సిబ్బందికి సీఈఐఆర్‌పై శిక్షణ ఇచ్చారు. కార్యక్రమానికి ముఖ్య అతిథిగా ఎస్పీ హాజరై మాట్లాడారు. పోయిన ఫోన్‌ను పట్టుకోవాడానికి సీఈఐఆర్‌ కీలకంగా ఉపయోగపడుతుందన్నారు. పోయిన ఫోన్లను వెతికి పెట్టడానికి జిల్లా పోలీస్‌ యంత్రాంగం ఇప్పటికే పలురకాల సాంకేతిక అంశాలను ఉపయోగిస్తుందన్నారు. కేంద్ర ప్రభు త్వం ప్రవేశపెట్టిన సీఈఐఆర్‌ అప్లికేషన్‌ ద్వారా ఫోన్‌ ఎక్కడ పోగొట్టుకున్న, చోరీకి గురైనా వెతికి పట్టుకోవచ్చన్నారు. ఇప్పటికే జిల్లావ్యాప్తంగా ఈ అప్లికేషన్‌ ద్వారా ఫోన్లను పట్టుకొని బాధితులకు అందజేశామని తెలిపారు. డీసీఆర్బీ సీఐ మధుసూదన్‌గౌడ్‌, ఐటీ కోర్‌ టీం సభ్యులు పాల్గొన్నారు.