తల్లిదండ్రుల సంరక్షణ.. బాధ్యత

తల్లిదండ్రుల సంరక్షణ.. బాధ్యత

నాగర్‌కర్నూల్‌: కని పెంచిన తల్లిదండ్రులను భారంగా భావించరాదని.. వృద్ధాప్యంలో వారిని సంరక్షించుకోవాల్సిన బాధ్యత కుటుంబ సభ్యులపై ఉందని అదనపు కలెక్టర్‌ సీతారామారావు అన్నారు. శనివారం సమీకృత కలెక్టరేట్‌లో జిల్లా సంక్షేమశాఖ ఆధ్వర్యంలో అంతర్జాతీయ వయోవృద్ధుల దినోత్సవం నిర్వహించారు. ఈ సందర్భంగా అదనపు కలెక్టర్‌ మాట్లాడుతూ.. వయోవృద్ధులతో ప్రతి ఒక్కరూ గౌరవంగా మెలగాలన్నారు. వారిని ఇబ్బందులకు గురిచేస్తే చట్టపరమైన చర్యలు తప్పవని హెచ్చరించారు. అనంతరం వయోవృద్ధుల హక్కులు, చట్టాలను వివరించారు. కార్యక్రమంలో జిల్లా సంక్షేమశాఖ అధికారిణి రాజేశ్వరి తదితరులు పాల్గన్నారు.