TV
12న కొండారెడ్డిపల్లికి సీఎం రేవంత్‌రెడ్డి
వంగూరు: దసరా ఉత్సవాలను పురస్కరించుకొని ఈ నెల 12న రాష్ట్ర ముఖ్యమంత్రి ఎనుముల రేవంత్‌రెడ్డి ఆయన స్వగ్రామమైన వంగూరు మండలం కొండారెడ్డిపల్లికి రానున్నారు. సీఎం పర్యటన నేపథ్యంలో శనివారం అదనపు కలెక్టర్‌ దేవసహాయం, సీఎం సెక్యూరిటీ అధికారి చక్రవర్తితో పాటు వివిధ శాఖల అధికారులు కొండారెడ్డిపల్లిలో పర్యటించారు. నూతన గ్రామపంచాయతీ కార్యాలయ సమీపంలో హెలీప్యాడ్‌ ఏర్పాటు, సీఎం చేతుల మీదుగా ప్రారంభించనున్న అభివృద్ధి పనులను పరిశీలించారు. అదేవిధంగా పండగ రోజు ముఖ్యమంత్రిని కలిసేందుకు ప్రజాప్రతినిధులు, అధికారులు, పార్టీ శ్రేణులు పెద్దఎత్తున తరలివచ్చే అవకాశం ఉన్నందున.. అవసరమైన భోజన వసతులు, ట్రాఫిక్‌ ఇబ్బందులు తలెత్తకుండా చేపట్టాల్సిన చర్యలపై చర్చించారు. కార్యక్రమంలో ఆర్‌అండ్‌బీ, పంచాయతీరాజ్‌, వెటర్నరీ తదితర శాఖల అధికారులు పాల్గొన్నారు.
ఏర్పాట్లను పరిశీలించిన అధికారులు
Comments
Please login to add a commentAdd a comment