అనుమానాస్పద స్థితిలో రైతు మృతి

అనుమానాస్పద స్థితిలో రైతు మృతి

వలిగొండ : వ్యవసాయ బావి వద్ద పశువులకు గడ్డి వేయడానికి వెళ్లిన రైతు అనుమానాస్పద స్థితిలో మృతి చెందాడు. ఈ ఘటన వలిగొండ మండలం గోపరాజుపల్లిలో సోమవారం జరిగింది. గోపరాజుపల్లికి చెందిన రైతు గాజుల వెంకటేశం తన పశువులకు గడ్డి వేయడానికి వ్యవసాయ బావి వద్దకు వెళ్లి నురగలు కక్కుతూ పడిపోయాడు. చుట్టుపక్కల రైతులు గమనించి 108 సిబ్బందికి సమాచారం ఇచ్చారు. చికిత్స నిమిత్తం అతడిని రామన్నపేట ప్రభుత్వ ఆస్పత్రికి తరలించగా అప్పటికే మృతి చెందినట్లు వైద్యులు నిర్ధారించారు. మృతుడి ఛాతిపై పాము గాట్లను గుర్తించిన వైద్యులు పాముకాటుతో మృతి చెంది ఉండవచ్చని భావిస్తున్నారు. పోస్టుమార్టం చేస్తే గాని మృతికి గల కారణాలు తెలుపలేమని వైద్యులు పేర్కొన్నారు.

ఉరేసుకుని వ్యక్తి ఆత్మహత్య

నల్లగొండ క్రైం: నల్లగొండ పట్టణంలోని పాపిరెడ్డి కాలనీకి చెందిన సిగపట్ల నాగరాజు(45) సోమవారం తన ఇంట్లో ఫ్యాన్‌కు ఉరేసుకుని ఆత్మహత్య చేసుకున్నాడు. నాగరాజు ఎస్‌ఎల్‌బీసీ గుర్రంపోడు డివిజన్‌లో జూనియర్‌ అసిస్టెంట్‌గా పనిచేస్తున్నాడు. ఆయనకు భార్య, ఇద్దరు కుమారులు ఉన్నారు. కుమారులు చెప్పిన మాట వినడం లేదని మనస్తాపానికి గురై ఆత్మహత్య చేసుకున్నట్లు మృతుడి భార్య జ్యోతి ఇచ్చిన ఫిర్యాదు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.