నేటి నుంచి రాష్ట్రస్థాయి క్రీడలు

నంద్యాల(న్యూటౌన్‌): స్థానిక పద్మావతినగర్‌లోని ఇండోర్‌ స్టేడియంలో మంగళవారం ఆంధ్రప్రదేశ్‌ స్కూల్‌ గేమ్‌ ఫెడరేషన్‌ అండర్‌–19 బాలబాలికల రాష్ట్రస్థాయి ఫెన్సింగ్‌ క్రీడలు ప్రారంభించనున్నట్లు జిల్లా విద్యాశాఖ అధికారి సుధాకర్‌రెడ్డి తెలిపారు. సోమవారం ఆయన మాట్లాడుతూ 13 జిల్లాల నుంచి 300 మంది క్రీడాకారులు పాల్గొంటారన్నారు. క్రీడాకారులకు మున్సిపల్‌ పాఠశాలలో వసతి ఏర్పాటు చేర్పాటు చేశామన్నారు.

బ్రిడ్జి పైనుంచి దూకి ఆత్మహత్య

కర్నూలు: స్థానిక సిల్వర్‌జూబ్లీ కాలేజీ సమీపంలోని ఖానా ఖజానా బ్రిడ్జి పైనుంచి మతిస్థిమితం లేని వ్యక్తి కిందకు దూకి మృతిచెందాడు. ఇతను స్థానిక ప్రభుత్వాసుపత్రి వద్ద భిక్షాటన చేస్తూ జీవనం సాగించేవాడు. సోమవారం సాయంత్రం రోడ్డు వెంట నడుచుకుంటూ వెళ్తూ ఖానా ఖజానా వద్ద బ్రిడ్జి పైనుంచి దూకడంతో అక్కడికక్కడే మృతిచెందాడు. స్థానికులు ఇచ్చిన సమాచారం మేరకు మూడో పట్టణ పోలీసులు అక్కడికి చేరుకుని ఘటనకు దారి తీసిన కారణాలపై ఆరా తీశారు. మృతదేహాన్ని పోస్టుమార్టం నిమిత్తం ప్రభుత్వాసుపత్రిలోని మార్చురీ కేంద్రానికి తరలించారు. మృతుడి వివరాలపై పోలీసులు ఆరా తీస్తున్నారు.