28న విభిన్న ప్రతిభావంతులకు ఆటల పోటీలు

కర్నూలు(అర్బన్‌): అంతర్జాతీయ విభిన్న ప్రతిభావంతుల (దివ్యాంగుల) దినోత్సవాన్ని పురస్కరించుకొని ఈ నెల 28వ తేదీన స్థానిక అవుట్‌డోర్‌ స్టేడియంలో ఉమ్మడి జిల్లా స్థాయి ఆటల పోటీలను నిర్వహిస్తున్నట్లు విభిన్న ప్రతిభావంతులు, హిజ్రాలు, వయోవృద్ధుల సంక్షేమ శాఖ సహాయ సంచాలకులు రయిస్‌ఫాతిమా సోమవారం ఒక ప్రకటనలో పేర్కొన్నారు. ఆసక్తి కలిగిన విభిన్న ప్రతిభావంతులు, బధిరులు, మానసిక దివ్యాంగులు, అంధులు ఈ ఆటల పోటీల్లో పాల్గొని తమ క్రీడా ప్రతిభ చాటాలన్నారు. క్రీడల్లో పాల్గొనే వారు ఆధార్‌కార్డు, వికలత్వ ధ్రువీకరణ పత్రం నకలుతో 28న ఉదయం 8 గంటలకు కర్నూలు అవుట్‌డోర్‌ స్టేడియంలో హాజరు కావాలన్నారు. ఈ పోటీల్లో పాల్గొనే దివ్యాంగ ఉద్యోగులకు ఓడీ సౌకర్యం ఉందన్నారు. వివరాలకు కార్యాలయ అధికారులను (08518–277864) సంప్రదించాలన్నారు.