నాట్యంలో కొరిటికల్‌ విద్యార్థుల ప్రతిభ

నాట్యంలో కొరిటికల్‌ విద్యార్థుల ప్రతిభ

మామడ: మండలంలోని కొరిటికల్‌ జిల్లా పరిషత్‌ సెకండరీ పాఠశాలలో 7వ తరగతి చదువుతున్న జోగన్‌పల్లి సాయిసహస్ర, పాకల ప్రణతి, లాస్య, హర్షిణి, పూదరి రితిక రాష్ట్రస్థాయి నృత్య ప్రదర్శనలో ప్రతిభ కనబర్చారు. ద్వితీయ బహుమతి గెలుచుకున్నారు. బాలల దినోత్సవం సందర్భంగా హైదరాబాద్‌లోని రవీంద్రభారతిలో తెలంగాణ సంగీత, నాటక అకాడమీ, తెలంగాణ సాహిత్య అకాడమీ ఆధ్వర్యంలో పోటీలు నిర్వహించారు. ద్వితీయ స్థానంలో నిలిచిన కొరిటికల్‌ పాఠశాల విద్యార్థులకు ప్రముఖ కవి, గీత రచయిత అందెశ్రీ బహుమతులు అందించారు. ప్రశంసాపత్రంతోపాటు నగదు బహుమతి అందజేశారు. ఈ సందర్భంగా పాఠశాల ప్రధానోపాధ్యాయుడు వెంకటరమణారెడ్డి, తెలుగు ఉపాధ్యాయుడు అంజయ్య, ఉపాధ్యాయులు విద్యార్థులను అభినందిచారు.