TV
సంక్షిప్తం
మానవతా సదన్‌కు బోరు మోటార్‌ అందజేత
డిచ్‌పల్లి: మండలకేంద్రంలోని మానవతాసదన్‌కు రోటరీ క్లబ్‌ ఆఫ్‌ నిజామాబాద్‌, నిజామాబాద్‌ మిషన్‌–1000 ఆధ్వర్యంలో ఆదివారం సబ్‌ మెర్సిబుల్‌ బోరు మోటార్‌ను అందజేశారు. క్లబ్‌ సభ్యులకు లైజన్‌ ఆఫీసర్‌ సుధాకర్‌రావు, స్పెషల్‌ ఆఫీసర్‌ రమేష్‌, సిబ్బంది, పిల్లలు కృతజ్ఞతలు తెలియజేశారు. క్లబ్‌ అధ్యక్షుడు విజయ్‌రావు, సభ్యులు బాబూరావు, సతీష్‌ షా, జ్ఞాన ప్రకాశ్‌, శ్రీనివాస్‌రావు, గురు ప్రీత్‌సింగ్‌ పాల్గొన్నారు.
సిరికొండలో వైద్య శిబిరం
సిరికొండ: మండల కేంద్రంలో ఆదివారం కార్మిక శాఖ ఆధ్వర్యంలో సీఎస్‌సీ హెల్త్‌ కేర్‌ సిబ్బంది వైద్య శిబిరం నిర్వహించారు. లేబర్‌ కార్డు కలిగిన 31 మందికి శిబిరంలో వివిధ రకాల వైద్య పరీక్షలు చేశారు. క్యాంపు కోఆర్డినేటర్‌ ఖలీం, డీఎం శశికాంత్‌, పోస్ట్‌ క్యాంపు కోఆర్డినేటర్‌ చందులాల్‌, ల్యాబ్‌ టెక్నీషియన్‌ శ్రీనివాస్‌యాదవ్‌, నరేష్‌ తదితరులు పాల్గొన్నారు.
మున్సిపల్‌ కమిషనర్‌ను కలిసిన బీజేపీ ఫ్లోర్‌ లీడర్‌
నిజామాబాద్‌ సిటీ: నగరంలో ఆదివారం నిజామాబాద్‌ మున్సిపల్‌ కార్పొరేషన్‌ కమిషనర్‌ దిలీప్‌ కుమార్‌ను బీజేపీ ఫ్లోర్‌ లీడర్‌ స్రవంతిరెడ్డి, బీజేపీ కార్పొరేటర్లు మర్యాదపూర్వకంగా కలిశారు. అనంతరం స్రవంతిరెడ్డి మాట్లాడుతూ.. నగర అభివృద్ధి కోసం తీసుకునే అన్ని చర్యల్లో తమ మద్దతు ఉంటుందన్నారు. ప్రతి డివిజన్‌కు రూ.25 లక్షల నిధులు కేటాయించాలని కోరారు. కార్పొరేటర్లు నాయకులు న్యాలం నర్సయ్య, పంచరెడ్డిప్రవళిక, ఇప్పకాయల కిషోర్‌, పంచరెడ్డి శ్రీదర్‌ తదితరులు పాల్గొన్నారు.
సంక్షిప్తం
సంక్షిప్తం
Comments
Please login to add a commentAdd a comment