రెండు బైక్‌లు ఢీకొని ఒకరి మృతి

బోధన్‌టౌన్‌: రెండు బైక్‌లు ఎదురెదురుగా ఢీకొని

ఒకరు మృతి చెందారు. ఈ ఘటన బోధన్‌పట్టణంలోని రవిగార్డెన్‌ సమీపంలో చోటు చేసుకుంది. పట్టణ సీఐ వెంకట్‌నారాయణ సోమవారం తెలిపిన వివరాల ప్రకారం.. బోధన్‌ మండలం అమందాపూర్‌కు చెందిన సతీశ్‌గౌడ్‌(31) తన మిత్రుడితో కలిసి రవిగార్డెన్‌ రోడ్డు మీదుగా రాయకూర్‌కు వెళ్తుండగా పట్టణానికి చెందిన సాయాగౌడ్‌ రాయకూర్‌ నుంచి బోధన్‌కు వస్తుండగా రెండు ఎదురెదురుగా ఢీకొన్నాయి. ఈ ఘటనలో సతీశ్‌గౌడ్‌కు తీవ్రగాయాలు కాగా స్థానికులు చికిత్స నిమిత్తం ఆస్పత్రికి తరలించగా మృతి చెందాడు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ పేర్కొన్నారు.