గ్రంథాలయాల్లో అన్ని సౌకర్యాలు

గ్రంథాలయాల్లో అన్ని సౌకర్యాలు

నిజామాబాద్‌అర్బన్‌: గ్రంథాలయాల్లో అన్ని సౌకర్యాలు కల్పిస్తున్నామని గ్రంథాలయ సంస్థ చైర్మన్‌ అంతరెడ్డి రాజిరెడ్డి అన్నారు. జిల్లా కేంద్ర గ్రంథాలయంలో చదివి ఉద్యోగాలు సాధించడం అభినందనీయమన్నారు. రెవెన్యూశాఖలో జూనియర్‌ అసిస్టెంట్‌ ఉద్యోగం సాధించిన మోర్తాడ్‌ మండలం దోన్‌పాల్‌ గ్రామానికి చెందిన పర్స అనుషను మంగళవారం ఆయన ఘనంగా సన్మానించారు. కేంద్ర గ్రంథాలయంలో మధ్యాహ్న భోజనం సైతం ఏర్పాటు చేశామన్నారు. సమయం వృథా చేసుకోకుండా ఉద్యోగం సాధించాలనుకునే వారికి లైబ్రరీలు గొప్ప అవకాశమని అన్నారు. కార్యక్రమంలో డిప్యూటీ లైబ్రేరియన్‌ రాజారెడ్డి, అసిస్టెంట్‌ లైబ్రేరియన్‌ తారకం, కార్యాలయ సీనియర్‌ అసిస్టెంట్‌ నరేశ్‌రెడ్డి, జూనియర్‌ అసిస్టెంట్‌ రాజేశ్వర్‌, శ్రీనివా స్‌, సిబ్బంది, పాఠకులు తదితరులు పాల్గొన్నారు.