రోడ్డు ప్రమాదంలో గాయపడిన యువకుడు..

రోడ్డు ప్రమాదంలో గాయపడిన యువకుడు..

నిజామాబాద్‌ రూరల్‌: రోడ్డు ప్రమాదంలో గాయపడి ఆస్పత్రిలో చికిత్స పొందుతున్న కాలూర్‌గ్రామానికి చెందిన అజయ్‌(24) సోమవారం రాత్రి మృతి చెందినట్లు రూరల్‌ పోలీస్‌ స్టేషన్‌ ఎస్‌హెచ్‌వో ఆరిఫ్‌ తెలిపారు. గ్రామస్తులు తెలిపిన వివరాలు ఇలా ఉన్నాయి.. కాలూర్‌కు చెందిన అజయ్‌ గత శుక్రవారం నగరానికి చెందిన తన స్నేహితుడి ఇంట్లో శుభకార్యానికి హాజరై ఇంటికి తిరిగి వస్తుండగా ఖానాపూర్‌ శివారులో కుక్కలు బైక్‌కు అడ్డువచ్చాయి. దీంతో అజయ్‌ పక్కనే ఉన్న విదు్‌య్‌త్‌స్తంభానికి ఢీకొని తీవ్రగాయాలపాలయ్యాడు. బాధితుడిని హైదరాబాద్‌కు తరలించగా, అక్కడి ఆస్పత్రిలో చికిత్స పొందుతూ పరిస్థితి విషమించి మృతి చెందాడు. మృతుడికి భార్య, కుమారుడు ఉన్నారు. కేసు నమోదుచేసుకొని దర్యాప్తు చేస్తున్నట్లు ఎస్‌హెచ్‌వో తెలిపారు.