నాలుగు కేజీల గంజాయి స్వాధీనం

అజిత్‌సింగ్‌నగర్‌(విజయవాడసెంట్రల్‌): న్యూరాజరాజేశ్వరీపేటలో గంజాయి విక్రయిస్తున్న నలుగురిని అజిత్‌సింగ్‌నగర్‌ పోలీసులు సోమవారం అరెస్ట్‌ చేశారు. పోలీసుల కథనం మేరకు..న్యూఆర్‌ఆర్‌పేట కేజీఎఫ్‌ అపార్ట్‌మెంట్ల ప్రాంతంలో గంజాయి విక్రయాలు సాగుతున్నట్లు సమాచారం అందడంతో సీఐ బీహెచ్‌ వెంకటేశ్వర్లు ఆదేశాల మేరకు పోలీసులు తనిఖీలు చేపట్టారు. తనిఖీల్లో భాగంగా అనుమానాస్పదంగా సంచరిస్తున్న తమ్మిన నాగదుర్గారావు, కట్టా విజయేంద్రరాజు అలియాస్‌ పిత్తాతోపాటు మరో ఇద్దరు మైనర్లను అదుపులోకి తీసుకున్నారు. వారి వద్ద నుంచి నాలుగు కేజీల గంజాయిని స్వాధీనం చేసుకున్నారు. ఈ మేరకు కేసు నమోదు చేసిన పోలీసులు నిందితులను కోర్టులో పరచగా న్యాయమూర్తి వారికి రిమాండ్‌ విధించారు. ఇద్దరు మైనర్ల జువైనల్‌ హోమ్‌కు తరలించారు.

నలుగురి అరెస్ట్‌ నిందితుల్లో ఇద్దరు మైనర్లు