రోడ్డు ప్రమాదంలో ఇద్దరు దుర్మరణం

రోడ్డు ప్రమాదంలో ఇద్దరు దుర్మరణం

భువనేశ్వర్‌: బొలంగీరు జిల్లాలో సోమవారం మధ్యాహ్నం ఘోర రోడ్డు ప్రమాదం సంభవించింది. వేగంగా దూసుకు పోతున్న పిక్‌ అప్‌ వ్యాను అదుపు తప్పి ఎదురుగా ఉన్న చెట్టుని బలంగా ఢీకొంది. వ్యాను ముందు భాగం నుజ్జు అయింది. దీనిలో ప్రయాణిస్తున్న వ్యక్తి, డ్రైవరు ఘటనా స్థలంలో దుర్మరణం పాలయ్యారు. పట్నగొడొ నుంచి పదంపూర్‌ వైపు వెళ్తున్న పిక్‌ అప్‌ వ్యాను పొఢేల్‌ గ్రామం సమీపంలో చెట్టుని ఢీకొంది. స్థానికులు హుటాహుటిన రంగంలోకి దిగి క్షతగాత్రుల్ని రక్షించేందుకు విఫల యత్నం చేశారు. పట్నగొడొ ఠాణా పోలీసులకు సమాచారం అందజేశారు. ఘటనా స్థలం సందర్శించిన పోలీసులు మృత దేహాల్ని స్వాధీనపరచుకుని పంచనామా కోసం స్థానిక ఆస్పత్రికి తరలించారు. మృతుల ఆచూకీ తెలియాల్సి ఉంది.

1/1

రోడ్డు ప్రమాదంలో ఇద్దరు దుర్మరణం