18 కిలోల గంజాయి స్వాధీనం

18 కిలోల గంజాయి స్వాధీనం

● ఇద్దరు అరెస్టు

రాయగడ: అక్రమంగా తరలిస్తున్న 18 కిలోల గంజాయిని అబ్కారీ శాఖ అధికారులు స్వాధీనం చేసుకున్నారు. ఈ ఘటనతో సంబంధం ఉన్న ఇద్దరిని అరెస్టు చేశారు. అరెస్టయిన వారిలో బీహార్‌ రాష్ట్రానికి చెందిన అఖిలేష్‌ కుమార్‌ భాకతీ, రాఖేష్‌ ఛౌరాసియాలు ఉన్నట్లు అబ్కారి శాఖ అధికారి గుప్తేశ్వర్‌ ప్రధాన్‌ సోమవారం తెలిపారు. కేసు నమోదు చేసి నిందితులను కోర్టుకు తరలించామన్నారు. ఆదివారం స్థానిక రైల్వే స్టేషన్‌ సమీపంలో పెట్రోలింగ్‌ నిర్వహిస్తున్న సమయంలొ ఇద్దరు వ్యక్తులు అనుమానాస్పదంగా కనిపించడంతో వారి బ్యాగులను తనిఖీ చేయగా అందులో గంజాయి పట్టుబడిందన్నారు. స్వాధీనం చేసుకున్న గంజాయి విలువ సుమారు రూ. 80 వేలు ఉంటుందని అంచనా వేశారు.