28 నుంచి జాతీయస్థాయి ఎద్దుల బలప్రదర్శన పోటీలు

28 నుంచి జాతీయస్థాయి ఎద్దుల బలప్రదర్శన పోటీలు

రెంటచింతల: కానుకమాత చర్చి 175వ తిరునాళ్ల మహోత్సవాన్ని పురస్కరించుకని ఈ నెల 28 నుంచి జాతీయ స్థాయి ఒంగోలు జాతి ఎద్దుల బలప్రదర్శన పోటీలను సెయింట్‌ జోసఫ్స్‌ ఉన్నత పాఠశాల క్రీడామైదానంలో నిర్వహిస్తున్నట్లు నిర్వాహకులు తెలిపారు. గురువారం క్రీడామైదానంలో ఏర్పాట్లను పర్యవేక్షించి అనంతరం ఏర్పాటు చేసిన విలేకర్ల సమావేశంలో వారు మాట్లాడారు. 21 ఏళ్ల అనంతరం నిర్వహిస్తున్న ఈ పోటీలలో నగదు బహుమతులు అందజేయన్నుట్టు తెలిపారు. ప్రతి విభాగంలోనూ 9 బహుమతులు చొప్పున 54 మంది విజేతలకు మొత్తం రూ.16.30 లక్షల నగదును అందజేయనున్నట్లు తెలిపారు. సమావేశంలో నిర్వాహకులు ఆదూరి ఇన్నారెడ్డి, అల్లం ప్రతాప్‌రెడ్డి, గొంటు సుమంత్‌రెడ్డి, గాలి ప్రకాష్‌రెడ్డి, ఓరుగంటి ఇన్నారెడ్డి, మూలి రాజారెడ్డి, బొడపాటి రామకృష్ణ, గాదె కిరీటిరెడ్డి, మొండెద్దు చిన్న శౌర్రెడ్డి, కొమ్మారెడ్డి జోసఫ్‌రెడ్డి, ఏరువ జోజిరెడ్డి, వై.అప్పయ్య తదితరులు పాల్గొన్నారు.