గంజాయి విక్రయిస్తున్న వ్యక్తి అరెస్ట్‌

గంజాయి విక్రయిస్తున్న వ్యక్తి అరెస్ట్‌

ఎల్లారెడ్డిపేట(సిరిసిల్ల): ఎల్లారెడ్డిపేట మండలం దుమాల రాపల్లివాగు వంతెన వద్ద అక్రమంగా గంజాయి విక్రయిస్తున్న ఒకరిని ఆదివారం పోలీసులు అరెస్ట్‌ చేశారు. ఎస్సై రమాకాంత్‌ వివరాల ప్రకారం.. సిద్దిపేట జిల్లా బెజ్జంకి మండలం కన్నెపల్లికి చెందిన పబ్బతి రాహుల్‌(20) అనే యువకుడు కొంతకాలంగా చెడు వ్యసనాలకు అలవాటు పడి గంజాయి తాగుతూ తనకు పరిచయం ఉన్నవారికి గంజాయి విక్రయిస్తున్నాడు. ఇతర పట్టణాల నుంచి తక్కువ ధరకు గంజాయి కొనుగోలు చేసి సిరిసిల్ల, ఎల్లారెడ్డిపేట ప్రాంతాల్లో గంజాయికి అలవాటు పడిన వారికి ఎక్కువ ధరకు అమ్ముతూ వచ్చిన డబ్బులతో జల్సా చేస్తున్నాడు. ఈక్రమంలో దుమాల వంతెన వద్ద గంజాయి విక్రయిస్తున్నట్లు అందిన సమాచారం మేరకు దాడి చేసి రాహుల్‌ను అరెస్ట్‌ చేశారు. అతడి వద్ద నుంచి 70 గ్రాముల గంజాయిని స్వాధీనం చేసుకొని 15 రోజుల జ్యుడీషి యల్‌ రిమాండ్‌ విధించారు.

లాడ్జీల్లో తనిఖీ

కరీంనగర్‌క్రైం: నగరంలోని వన్‌టౌన్‌ పరిధిలో పలు లాడ్జీలను వన్‌టౌన్‌ సీఐ కోటేశ్వర్‌ ఆధ్వర్యంలో ఆదివారం రాత్రి తనిఖీ చేశారు. లాడ్జీల్లో ఉన్నవారిని ఎక్కడ నుంచి వచ్చారు.. దేనికోసం వచ్చారనే విషయాలడిగి తెలుసుకున్నారు. అసాంఘిక కార్యకలపాలకు పాల్పడితే చట్టపరమైన చర్యలు తీసుకుంటామని హెచ్చరించారు. వన్‌టౌన్‌ సిబ్బంది ఉన్నారు.