గజ్వేల్‌ కాంగ్రెస్‌లో మళ్లీ విభేదాలు

గజ్వేల్‌ కాంగ్రెస్‌లో మళ్లీ విభేదాలు

గజ్వేల్‌: ఇందిరాగాంధీ జయంతి వేడుకల్లోనూ కాంగ్రెస్‌ గ్రూపు విభేదాలు మరోసారి బయటపడ్డాయి. మంగళవారం డీసీసీ అధ్యక్షుడు నర్సారెడ్డి ఆధ్వర్యంలో ముందుగా పార్టీ శ్రేణులు పట్టణంలో ఇందిరాగాంధీ విగ్రహానికి పూలమాలలు వేసి నివాళులర్పించారు. ఈ సందర్భంగా అన్నదానం కార్యక్రమాన్ని నిర్వహించారు. ఇందులో మార్కెట్‌ కమిటీ చైర్మన్‌ నరేందర్‌రెడ్డి, మున్సిపల్‌ మాజీ చైర్మన్‌ గాడిపల్లి భాస్కర్‌, మార్కెట్‌ కమిటీ వైస్‌ చైర్మన్‌ సర్ధార్‌ఖాన్‌తోపాటు ఇతర ముఖ్య నేతలు పాల్గొన్నారు. కాగా అసమ్మతి నేత బండారు శ్రీకాంత్‌రావు సైతం తన వర్గంతో ఇందిరాగాంధీ విగ్రహానికి నివాళులర్పించడంతోపాటు ప్రభుత్వాసుపత్రిలో రోగులకు పండ్లు పంపిణీ చేశారు.

రెండు గ్రూపులుగా

ఇందిరాగాంధీ జయంతి వేడుకలు