U S Open 2024: కోకో గాఫ్‌ అవుట్‌

న్యూయార్క్‌: యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీ మహిళల సింగిల్స్‌లో డిఫెండింగ్‌ చాంపియన్‌ కోకో గాఫ్‌ (అమెరికా) ప్రస్థానం ప్రిక్వార్టర్‌ ఫైనల్లో ముగిసింది. అమెరికాకే చెందిన 13వ సీడ్‌ ఎమ్మా నవారోతో జరిగిన ప్రిక్వార్టర్‌ ఫైనల్లో ప్రపంచ మూడో ర్యాంకర్‌ కోకో గాఫ్‌ 3–6, 6–4, 3–6తో ఓడిపోయింది. 2 గంటల 12 నిమిషాలపాటు జరిగిన మ్యాచ్‌లో కోకో గాఫ్‌ ఏకంగా 19 డబుల్‌ ఫాల్ట్‌లు చేయడం గమనార్హం. 

కేవలం 14 విన్నర్స్‌ కొట్టిన కోకో 60 అనవసర తప్పిదాలు చేసింది. తన సరీ్వస్‌ను నాలుగుసార్లు కోల్పోయిన కోకో ప్రత్యర్థి సర్వీస్‌ను రెండుసార్లు బ్రేక్‌ చేసింది. మరోవైపు ఏడో సీడ్‌ కిన్‌వెన్‌ జెంగ్‌ (చైనా), రెండో ర్యాంకర్‌ సబలెంకా (బెలారస్‌) కూడా క్వార్టర్‌ ఫైనల్‌ బెర్త్‌లను ఖరారు చేసుకున్నారు. 

ప్రిక్వార్టర్‌ ఫైనల్స్‌లో కిన్‌వెన్‌ జెంగ్‌ 7–6 (7/2), 4–6, 6–2తో డోనా వెకిచ్‌ (క్రొయేషియా)పై, సబలెంకా 6–2, 6–4తో ఎలీజ్‌ మెర్‌టెన్స్‌ (బెల్జియం)పై గెలుపొందారు.  పురుషుల సింగిల్స్‌ విభాగంలో ఆరో సీడ్‌ ఆండ్రీ రుబ్లెవ్‌ (రష్యా), ఎనిమిదో సీడ్‌ కాస్పర్‌ రూడ్‌ (నార్వే) ప్రిక్వార్టర్‌ ఫైనల్లో వెనుదిరిగారు. పురుషుల డబుల్స్‌ మూడో రౌండ్‌లో రోహన్‌ బోపన్న (భారత్‌)–ఎబ్డెన్‌ (ఆ్రస్టేలి యా) ద్వయం 1–6, 5–7తొ మాక్సిమో–మొల్తాని (అర్జెంటీనా) జోడీ చేతిలో ఓడిపోయింది.